ਕਪੁੱਤ ਦੀ ਕਰਤੂਤ:ਜ਼ਮੀਨ ਦੀ ਖਾਤਰ ਮਾਪਿਆਂ ਨਾਲ ਕੀਤੀ ਕੁੱਟਮਾਰ

ਅੰਮ੍ਰਿਤਸਰ ਦੀ ਗੁਰੂ ਕੀ ਵਡਾਈ ਵਿਚ ਪੁੱਤ ਨੇ ਜਾਇਦਾਦ (Property)ਨੂੰ ਲੈ ਕੇ ਆਪਣੇ ਮਾਂ-ਪਿਉ ਦੀ ਬੜੇ ਬੁਰੀ ਤਰੀਕੇ ਨਾਲ ਕੁੱਟਮਾਰ ਕੀਤੀ ਹੈ।ਉਧਰ ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।

ਅੰਮ੍ਰਿਤਸਰ: ਗੁਰੂ ਕੀ ਵਡਾਲੀ ਦਾ ਇਕ ਮਾਮਲਾ ਸਾਹਮਣੇ ਆਇਆ ਹੈ ਜਿੱਥੇ ਜਾਇਦਾਦ (Property) ਨੂੰ ਲੈ ਕੇ ਇੱਕ ਪੁੱਤ ਨੇ ਆਪਣੀ ਪਤਨੀ ਨਾਲ ਮਿਲ ਕੇ ਆਪਣੇ ਮਾਂ ਅਤੇ ਪਿਓ ਦੀ ਕੁੱਟਮਾਰ (Assault)ਕੀਤੀ।ਜਿੱਥੇ ਜ਼ਖ਼ਮੀ ਮਾਂ ਪਿਓ ਨੂੰ ਧੀ ਲੈ ਕੇ ਹਸਪਤਾਲ ਪਹੁੰਚੀ।

ਇਸ ਬਾਰੇ ਪੀੜਤ ਮਾਂ ਨੇ ਕਿਹਾ ਕਿ ਮੇਰੀ ਧੀ ਦਾ ਤਲਾਕ ਕੇਸ ਚੱਲ ਰਿਹਾ ਹੈ ਜਿਸ ਕਰਕੇ ਧੀ ਸਾਡੇ ਕੋਲ ਰਹਿੰਦੀ ਹੈ ਅਤੇ ਮੇਰਾ ਪੁੱਤ ਅਤੇ ਨੂੰਹ ਦੋਵੇ ਜਾਣੇ ਮੇਰੀ ਧੀ ਦਾ ਇੱਥੇ ਰਹਿਣਾ ਬਰਦਾਸ਼ਤ ਨਹੀਂ ਕਰਦੇ ਹਨ ਅਤੇ ਮੇਰੇ ਕੋਲੋਂ ਸਾਰੀ ਜਮੀਨ ਲੈਣਾ ਚਾਹੁੰਦੇ ਹਨ।ਜਿਸ ਕਰਕੇ ਮੇਰੇ ਨੂੰਹ-ਪੁੱਤ ਨੇ ਮੇਰੀ ਕੁੱਟਮਾਰ ਕੀਤੀ।

ਪੀੜਤ ਮਾਂ ਨੇ ਦੱਸਿਆ ਹੈ ਕਿ ਸਹੁਰੇ ਪਰਿਵਾਰ ਤੋਂ ਕਰੀਬ 10 ਤੋਂ 12 ਵਿਅਕਤੀ ਲਿਆ ਕੇ ਸਾਡੇ ਨਾਲ ਕੁੱਟਮਾਰ ਕੀਤੀ।ਪੀੜਤ ਮਹਿਲਾ ਨੇ ਦੱਸਿਆ ਹੈ ਕਿ ਮੈਨੂੰ ਬੜੀ ਬੁਰੀ ਤਰ੍ਹਾਂ ਨਾਲ ਕੁੱਟਿਆ।ਉਧਰ ਪੁਲਿਸ ਨੇ ਦੱਸਿਆ ਕਿ ਪਰਿਵਾਰਕ ਝਗੜਾ ਹੈ ਅਤੇ ਬਜ਼ੁਰਗ ਮਾਂ ਦੇ ਬਿਆਨਾਂ ਉਤੇ ਆਧਰਿਤ ਕੇਸ ਦਰਜ ਕਰ ਲਿਆ ਹੈ।ਪੁਲਿਸ ਅਧਿਕਾਰੀ ਦਾ ਕਹਿਣਾ ਹੈ ਕਿ ਇਨ੍ਹਾਂ ਉਤੇ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।