ਅੰਮ੍ਰਿਤਸਰ:ਪਿੰਡ ਖਾਪੜਖੇੜੀ ਵਿੱਚ ਕੇਸਾਂ ਦੀ ਬੇਅਦਬੀ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਦੁਕਾਨਦਾਰ ਸੁਖਦੇਵ ਸਿੰਘ ਨੇ ਆਪਣੇ ਪਿੰਡ ਦੇ ਸਤਨਾਮ ਸਿੰਘ ਉਤੇ ਇਲਜ਼ਾਮ ਲਗਾਏ ਹਨ ਕਿ ਉਹਨਾ ਦਾ ਲੜਕਾ ਦੁਕਾਨ ਉਤੇ ਬੈਠਾ ਸੀ ਅਤੇ ਉਸ ਵੇਲੇ ਸਤਨਾਮ ਸਿੰਘ ਵੱਲੋਂ 500 ਦਾ ਨੋਟ ਦੇ ਕੇ ਸੌਂਦਾ ਮੰਗਿਆ ਪਰ ਪੈਸੇ ਖੁੱਲੇ ਨਾ ਹੋਣ ਦੀ ਸੂਰਤ ਵਿਚ ਬੇਟੇ ਨੇ ਪੈਸੇ ਖੁੱਲੇ ਲਿਆਉਣ ਲਈ ਕਿਹਾ।
ਉਨ੍ਹਾਂ ਨੇ ਦੱਸਿਆ ਹੈ ਕਿ ਸਤਨਾਮ ਸਿੰਘ ਨੇ ਮੇਰੇ ਅੰਮ੍ਰਿਤਧਾਰੀ ਬੇਟੇ ਦੀ ਕੁੱਟਮਾਰ ਕੀਤੀ ਅਤੇ ਜਦੋਂ ਮੈਂ ਗੱਲਬਾਤ ਕਰਨ ਗਿਆ ਤਾਂ ਉਸਨੇ ਮੇਰੀ ਦਾੜ੍ਹੀ ਪੁੱਟ ਦਿੱਤੀ ਹੈ। ਸੁਖਦੇਵ ਸਿੰਘ ਦਾ ਕਹਿਣਾ ਹੈ ਕਿ ਪੁਲਿਸ ਨੂੰ ਸ਼ਿਕਾਇਤ (Complaint) ਕੀਤੀ ਪਰ ਪੁਲਿਸ ਕੇਸਾਂ ਦੀ ਬੇਅਦਬੀ ਵਾਲੀ ਧਾਰਾ ਨਹੀਂ ਲਗਾ ਰਿਹਾ ਹੈ। ਸੁਖਦੇਵ ਸਿੰਘ ਨੇ ਇਨਸਾਫ਼ (Justice) ਦੀ ਮੰਗ ਕੀਤੀ ਹੈ।
Amritsar:ਕੇਸਾਂ ਦੀ ਬੇਅਦਬੀ ਦਾ ਮਾਮਲਾ ਆਇਆ ਸਾਹਮਣੇ