ਅੰਮ੍ਰਿਤਸਰ ’ਚ ਚੋਰਾਂ ਦਾ ਅਨੋਖਾ ਕਾਰਨਾਮਾ ਆਇਆ ਸਾਹਮਣੇ

ਛੇਹਰਟਾ ਇਲਾਕਾ ਜਿਥੇ ਆਏ ਦਿਨ ਚੋਰੀਆਂ ਦੀ ਵਾਰਦਾਤਾਂ ਆਮ ਹਨ, ਜਿਸਦੇ ਚਲਦਿਆਂ ਚੋਰਾਂ ਵਲੋਂ ਸ਼ਿਵਮ ਸਟੀਲ ਇੰਡਸਟਰੀ ਵਿਚ ਬੀਤੀ ਰਾਤ ਚੋਰੀ ਕੀਤੀ ਗਈ।

ਅੰਮ੍ਰਿਤਸਰ: ਛੇਹਰਟਾ ਇਲਾਕਾ ਜਿਥੇ ਆਏ ਦਿਨ ਚੋਰੀਆਂ ਦੀ ਵਾਰਦਾਤਾਂ ਆਮ ਹਨ, ਜਿਸਦੇ ਚਲਦਿਆਂ ਚੋਰਾਂ ਵਲੋਂ ਸ਼ਿਵਮ ਸਟੀਲ ਇੰਡਸਟਰੀ ਵਿਚ ਬੀਤੀ ਰਾਤ ਚੋਰੀ ਕੀਤੀ ਗਈ। ਇਸ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦੇਣ ਲਈ ਚੋਰਾਂ ਵੱਲੋਂ ਸ਼ਾਤਿਰ ਢੰਗ ਨਾਲ ਚਾਰੋਂ ਪਾਸਿਆਂ ਤੋਂ ਬੰਦ ਫੈਕਟਰੀ ਨੂੰ ਨਿਸ਼ਾਨਾ ਬਣਾਇਆ ਗਿਆ।

ਇਸ ਘਟਨਾ ਸਬੰਧੀ ਫੈਕਟਰੀ ਮਾਲਕ ਸੁਕੇਸ਼ ਮਹਾਜਨ ਦਾ ਕਹਿਣਾ ਹੈ ਕਿ ਚੋਰ ਇਹਨੇ ਸ਼ਾਤਿਰ ਸਨ ਕਿ ਉਹ ਫੈਕਟਰੀ ਅੰਦਰ ਦਾਖ਼ਲ ਹੋਣ ਲਈ ਲੱਕੜ ਦੀ ਪੌੜੀ ਤਕ ਨਾਲ ਲੈ ਕੇ ਆਏ ਸਨ। ਚੋਰਾਂ ਨੇ ਫੈਕਟਰੀ ਦੀ ਛੱਤ ’ਤੇ ਲੱਗੀਆ ਟੀਨਾਂ ਪਾੜ ਅੰਦਰ ਦਾਖ਼ਲ ਹੋਏ, ਚੋਰ ਲਾਕਰ ਵਿਚੋ 40 ਹਜਾਰ ਰੁਪਏ, ਡੀਵੀਆਰ, ਸੀਸੀਟੀਵੀ ਕੈਮਰੇ, ਪ੍ਰਿੰਟਰ, ਐਲਸੀਡੀ ਦੇ ਨਾਲ ਨਾਲ ਫੈਕਟਰੀ ਦਾ ਸਮਾਨ ਤਕ ਵੀ ਲੈ ਗਏ ਹਨ। ਇਸ ਸੰਬਧੀ ਪੁਲਿਸ ਵਲੌ ਮੌਕੇ ’ਤੇ ਪਹੁੰਚ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।ਇਸ ਚੋਰੀ ਦੀ ਵਾਰਦਾਤ ਸਬੰਧੀ ਪੁਲਿਸ ਅਧਿਕਾਰੀ ਪ੍ਰਸ਼ੋਤਮ ਲਾਲ ਦਾ ਕਹਿਣਾ ਹੈ ਕਿ ਪੁਲਿਸ ਦੀ ਜਾਂਚ ਟੀਮ ਦੁਆਰਾ ਜਾਂਚ ਪੜਤਾਲ ਕੀਤੀ ਜਾ ਰਹੀ ਹੈ।