ਟੋਕੀਓ: 19 ਸਾਲਾ ਭਾਰਤੀ ਪਹਿਲਵਾਨ ਅੰਸ਼ੂ ਮਲਿਕ ਦਾ ਰੈਪਸ਼ੌਜ਼ ਰਾਉਂਡ ਵਿੱਚ ਰੂਸ ਦੀ ਵੈਲੇਰੀਆ ਨਾਲ ਮੁਕਾਬਲਾ ਹੋਇਆ, ਜਿਸ ਵਿੱਚ ਉਹ 5-1 ਨਾਲ ਹਾਰ ਗਈ।
ਇਸ ਨਾਲ ਉਸ ਦਾ ਕਾਂਸੀ ਦੇ ਤਗਮੇ ਦਾ ਸੁਪਨਾ ਵੀ ਟੁੱਟ ਗਿਆ ਅਤੇ ਓਲੰਪਿਕ ਯਾਤਰਾ ਵੀ ਇੱਥੇ ਹੀ ਖਤਮ ਹੋ ਗਈ।
Tokyo Olympics: ਅੰਸ਼ੂ ਮਲਿਕ 5-1 ਨਾਲ ਹਾਰੀ, ਕਾਂਸੇ ਦਾ ਸੁਪਨਾ ਵੀ ਟੁੱਟਿਆ
ਰੂਸੀ ਖਿਡਾਰੀ ਦੇ ਹੱਥੋਂ ਇਸ ਹਾਰ ਦੇ ਨਾਲ ਉਸ ਦਾ ਕਾਂਸੇ ਦੇ ਤਮਗੇ ਦਾ ਸੁਪਨਾ ਵੀ ਟੁੱਟ ਗਿਆ ਅਤੇ ਓਲੰਪਿਕ ਯਾਤਰਾ ਵੀ ਇੱਥੇ ਹੀ ਖਤਮ ਹੋ ਗਈ।
ਅੰਸ਼ੂ ਮਲਿਕ
ਇਸ ਤੋਂ ਪਹਿਲਾਂ ਭਾਰਤੀ ਪਹਿਲਵਾਨ ਅੰਸ਼ੂ ਮਲਿਕ 57 ਕਿਲੋਗ੍ਰਾਮ ਭਾਰ ਵਰਗ ਵਿੱਚ ਭਾਰਤ ਦੀ ਪ੍ਰਤੀਨਿਧਤਾ ਕਰਨ ਆਏ ਸਨ, ਜਿਸ ਵਿੱਚ ਉਨ੍ਹਾਂ ਦਾ ਸਾਹਮਣਾ ਬੇਲਾਰੂਸ ਦੇ ਅਰੇਨਾ ਕੁਰਾਚਕੀਨਾ ਨਾਲ ਹੋਇਆ ਜਿੱਥੇ ਅੰਸ਼ੂ ਨੂੰ 8-2 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਇਸ ਤੋਂ ਪਹਿਲਾਂ, ਭਾਰਤੀ ਪਹਿਲਵਾਨ ਸੋਨਮ ਮਲਿਕ 62 ਕਿਲੋਗ੍ਰਾਮ ਦੇ ਕੁਆਲੀਫਿਕੇਸ਼ਨ ਰਾਉਂਡ ਵਿੱਚ ਭਾਰਤ ਦੀ ਨੁਮਾਇੰਦਗੀ ਕਰ ਰਹੀ ਸੀ ਜਿਸ ਵਿੱਚ ਉਸ ਦਾ ਸਾਹਮਣਾ ਮੰਗੋਲੀਆ ਦੀ ਖੁਰੇਲਖੂ ਨਾਲ ਹੋਇਆ ਸੀ। ਇਸ ਦੌਰਾਨ ਸੋਨਮ ਨੂੰ 2-2 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਇਸ ਮੈਚ ਵਿੱਚ ਦੋਵਾਂ ਖਿਡਾਰੀਆਂ ਨੂੰ 2-2 ਅੰਕ ਮਿਲੇ ਪਰ ਸੋਨਮ ਨੇ ਇਹ ਅੰਕ 1-1 ਨਾਲ ਇਕੱਠੇ ਕੀਤੇ ਜਦਕਿ ਖੁਰੈਲਖੂ ਨੇ ਇੱਕ ਸਮੇਂ ਵਿੱਚ 2 ਅੰਕ ਲਏ। ਜਿਸ ਕਾਰਨ ਉਸ ਨੂੰ ਜੇਤੂ ਐਲਾਨਿਆ ਗਿਆ।