ਬਜਰੰਗ ਪੁਨੀਆ ਸੈਮੀਫਾਈਨਲ ਮੈਚ ਹਾਰੇ, ਹੁਣ ਕਾਂਸੀ ਲਈ ਹੋਵੇਗਾ ਮੈਚ

ਹਰਿਆਣਾ ਦੇ ਪਹਿਲਵਾਨ ਬਜਰੰਗ ਪੁਨੀਆ (bajrang punia) ਦਾ ਦੇਸ਼ ਲਈ ਸੋਨ ਤਮਗਾ ਜਿੱਤਣ ਦਾ ਸੁਪਨਾ ਅਧੂਰਾ ਰਹਿ ਗਿਆ ਹੈ। ਉਸ ਨੂੰ ਅੱਜ ਹੋਏ ਸੈਮੀਫਾਈਨਲ ਮੈਚ ਵਿੱਚ ਅਜ਼ਰਬਾਈਜਾਨ (azerbaijan) ਦੇ ਖਿਡਾਰੀ ਹੱਥੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ।

ਚੰਡੀਗੜ੍ਹ: ਟੋਕੀਓ ਓਲੰਪਿਕ 2021 (Tokyo Olympics 2021) ਵਿੱਚ ਹਰਿਆਣਾ ਦੇ ਪਹਿਲਵਾਨ ਬਜਰੰਗ ਪੁਨੀਆ (Haryana Wrestler Bajrang Punia) ਨੂੰ ਸੈਮੀਫਾਈਨਲ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ (Bajrang Punia Lost Semi final match) । ਬਜਰੰਗ ਪੁਨੀਆ ਹਾਰਿਆ ਸੈਮੀ ਫਾਈਨਲ ਮੈਚ ਪੁਰਸ਼ਾਂ ਦੇ ਫ੍ਰੀਸਟਾਈਲ 65 ਕਿਲੋਗ੍ਰਾਮ ਭਾਰ ਵਰਗ ਵਿੱਚ ਅਜ਼ਰਬਾਈਜਾਨ ਦੇ ਹਾਜੀ ਅਲੀਏਵ ਦੇ ਹੱਥੋਂ 12-5 ਨਾਲ ਹਾਰ ਗਿਆ।

ਬਜਰੰਗ ਪੁਨੀਆ ਹੁਣ ਸ਼ਨੀਵਾਰ ਨੂੰ ਕਾਂਸੀ ਤਮਗੇ ਲਈ ਖੇਡਣ ਆਏਗਾ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀਰਵਾਰ ਨੂੰ ਬਜਰੰਗ ਪੁਨੀਆ ਨੇ ਪ੍ਰੀ-ਕੁਆਰਟਰ ਫਾਈਨਲ ਮੈਚ ਜਿੱਤਿਆ ਸੀ। ਬਜਰੰਗ ਦੀ ਕਿਰਗਿਜ਼ਸਤਾਨ ਦੇ ਏਰਨਾਜਰ ਅਕਮਤਾਲੀਏਵ ਨਾਲ ਸਖਤ ਟੱਕਰ ਸੀ ਅਤੇ ਮੈਚ 3-3 ਨਾਲ ਬਰਾਬਰ ਰਿਹਾ। ਪਰ ਬਜਰੰਗ ਪੁਨੀਆ ਨੇ ਦੋ ਅੰਕਾਂ ਦਾ ਦਾਅਵਾ ਕੀਤਾ ਸੀ ਅਤੇ ਇਸ ਕਾਰਨ ਉਸਨੂੰ ਜੇਤੂ ਘੋਸ਼ਿਤ ਕੀਤਾ ਗਿਆ ਸੀ.