ਨਵੀਂ ਦਿੱਲੀ : ਕੇਂਦਰੀ ਖੇਡ ਮੰਤਰਾਲੇ ਅਤੇ ਭਾਰਤੀ ਓਲੰਪਿਕ ਸੰਘ (ਆਈਓਏ) ਨੇ ਕੋਰੋਨਾ ਵਾਇਰਸ ਦੇ ਵੱਧਦੇ ਪ੍ਰਕੋਪ ਨੂੰ ਦੇਖਦੇ ਹੋਏ ਆਪਣੀ ਪ੍ਰੀ ਟੋਕਿਓ-2020 ਦੌਰਾ ਰੱਦ ਕਰ ਦਿੱਤਾ ਹੈ। ਕੇਂਦਰੀ ਖੇਡ ਮੰਤਰੀ ਕਿਰਣ ਰਿਜਿਜੂ ਨੇ ਐਤਵਾਰ ਨੂੰ ਟਵਿਟਰ ਉੱਤੇ ਇਸ ਦੀ ਜਾਣਕਾਰੀ ਦਿੱਤੀ।
ਇਸ ਦਲ ਵਿੱਚ ਖੇਡ ਮੰਤਰੀ, ਆਈਓਏ ਮੈਂਬਰ ਨਰਿੰਦਰ ਬੱਤਰਾ, ਮਹਾਂ ਸਕੱਤਰ ਰਾਜੀਵ ਮਹਿਤਾ ਤੋਂ ਇਲਾਵਾ ਖੇਡ ਮੰਤਰਾਲੇ ਦੇ ਸਕੱਤਰ ਰਾਧੇ ਸ਼ਿਆਮ ਝੁਲਨਿਆ, ਸਾਈ ਦੇ ਨਿਦੇਸ਼ ਸੰਦੀਪ ਪ੍ਰਧਾਨ ਅਤੇ ਮੁੱਕੇਬਾਜ਼ੀ ਸੰਘ ਦੇ ਮੈਂਬਰ ਅਜੇ ਸਿੰਘ ਸ਼ਾਮਿਲ ਸਨ।
ਰਿਜਿਜੂ ਅਤੇ ਆਈਓਏ ਦੇ ਸੀਨੀਅਰ ਅਧਿਕਾਰੀ ਇਸ ਮਹੀਨੇ ਦੇ ਅੰਤ ਵਿੱਚ ਟੋਕਿਓ ਓਲਿੰਪਕ ਨੂੰ ਜਾਪਾਨ ਵਿੱਚ ਚੱਲ ਰਹੀਆਂ ਤਿਆਰੀਆਂ ਦਾ ਜਾਇਜ਼ ਲੈਣ ਦੇ ਲਈ ਟੋਕਿਓ ਦਾ ਦੌਰਾ ਕਰਨ ਵਾਲੇ ਸਨ। ਪਰ ਕੋਰੋਨਾ ਵਾਇਰਸ ਦੇ ਕਾਰਨ ਇਸ ਦੌਰੇ ਨੂੰ ਫ਼ਿਲਹਾਲ ਰੱਦ ਕਰ ਦਿੱਤਾ ਗਿਆ ਹੈ।
ਖੇਡ ਮੰਤਰੀ ਕਿਰਨ ਰਿਜਿਜੂ ਵੱਲੋਂ ਕੀਤਾ ਗਿਆ ਟਵੀਟ। ਇਹ ਵੀ ਪੜ੍ਹੋ : ਪਾਕਿਸਤਾਨ ਸੁਪਰ ਲੀਗ ਦੇ ਨਾਕਆਉਟ ਮੁਕਾਬਲੇ 17 ਤੇ 18 ਮਾਰਚ ਨੂੰ
ਰਿਜਿਜੂ ਨੇ ਟਵਿਟਰ ਉੱਤੇ ਲਿਖਿਆ ਹੈ ਕਿ ਉੱਚ ਪੱਧਰੀ ਭਾਰਤੀ ਦਲ ਦੇ 25 ਮਾਰਚ ਦੇ ਟੋਕਿਓ ਦੌਰੇ ਨੂੰ ਅਸਥਾਈ ਰੂਪ ਤੋਂ ਰੱਦ ਕਰ ਦਿੱਤਾ ਗਿਆ, ਜੋ ਭਾਰਤ ਦੀ ਟੋਕਿਓ ਓਲੰਪਿਕ-2020 ਤਿਆਰੀਆਂ ਦੀ ਸਮੀਖਿਆ ਦੇ ਲਈ ਹੋਣਾ ਸੀ ਅਤੇ ਇਸ ਵਿੱਚ ਸਰਕਾਰ ਅਤੇ ਆਈਓਏ ਦੇ ਅਧਿਕਾਰੀ ਸ਼ਾਮਲ ਸਨ।
ਇੰਟਰਨੈਸ਼ਨਲ ਓਲੰਪਿਕ ਕਮੇਟੀ (ਆਈਓਸੀ) ਅਤੇ ਟੋਕਿਓ ਓਲੰਪਿਕ ਪ੍ਰਬੰਧਕ ਕਮੇਟੀ ਨੇ ਹਾਲਾਂਕਿ ਕਿਹਾ ਹੈ ਕਿ ਓਲੰਪਿਕ ਖੇਡਾਂ ਦਾ ਪ੍ਰਬੰਧ ਤੈਅ ਸਮਾਂ ਉੱਤੇ ਹੀ ਹੋਵੇਗਾ। ਓਲੰਪਿਕ ਦਾ ਪ੍ਰਬੰਧ ਟੋਕਿਓ ਵਿੱਚ 24 ਜੁਲਾਈ ਤੋਂ 9 ਅਗਸਤ ਤੱਕ ਹੋਣੇ ਹਨ।
ਗੌਰਤਲਬ ਹੈ ਕਿ ਜਾਪਾਨ ਵਿੱਚ ਕੋਰੋਨਾ ਵਾਇਰਸ ਦੇ ਹੁਣ ਤੱਕ 1484 ਮਾਮਲਿਆਂ ਦੀ ਪੁਸ਼ਟੀ ਹੋ ਚੁੱਕੀ ਹੈ ਜਦਕਿ ਭਾਰਤ ਵਿੱਚ ਇਸ ਦਾ ਅੰਕੜਾ 100 ਦੇ ਪਾਰ ਪਹੁੰਚ ਚੁੱਕਿਆ ਹੈ।
