ਦੁਬਈ: ਭਾਰਤ ਦੀ ਸਲਾਮੀ ਬੱਲੇਬਾਜ਼ ਸ਼ੈਫਾਲੀ ਵਰਮਾ ਨੇ ਮੰਗਲਵਾਰ ਨੂੰ ਜਾਰੀ ਤਾਜ਼ਾ ਆਈਸੀਸੀ ਟੀ-20 ਮਹਿਲਾ ਰੈਂਕਿੰਗ 'ਚ ਆਸਟ੍ਰੇਲੀਆ ਦੀ ਬੇਥ ਮੂਨੀ ਨੂੰ ਪਛਾੜ ਕੇ ਚੋਟੀ 'ਤੇ ਪਹੁੰਚ ਗਈ ਹੈ। ਆਈਸੀਸੀ ਮਹਿਲਾ ਟੀ-20 ਵਿਸ਼ਵ ਕੱਪ 2020 ਦੌਰਾਨ ਪਹਿਲੀ ਵਾਰ ਨੰਬਰ 1 ਸਥਾਨ ਹਾਸਲ ਕਰਨ ਵਾਲੀ ਸੈਫਾਲੀ ਹੁਣ ਮੂਨੀ ਤੋਂ ਦੋ ਰੇਟਿੰਗ ਅੰਕ ਅੱਗੇ ਹੈ।
ਆਸਟ੍ਰੇਲੀਆ ਦੀ ਕਪਤਾਨ ਮੇਗ ਲੈਨਿੰਗ ਅਤੇ ਆਲਰਾਊਂਡਰ ਟਾਹਲੀਆ ਮੈਕਗ੍ਰਾ ਨੇ ਐਡੀਲੇਡ 'ਚ ਪਹਿਲੇ ਮੈਚ 'ਚ ਸ਼ਾਨਦਾਰ ਪ੍ਰਦਰਸ਼ਨ ਦੇ ਨਾਲ ਟੀ-20 ਖਿਡਾਰੀਆਂ ਦੀ ਰੈਂਕਿੰਗ 'ਚ ਚੋਟੀ ਦਾ ਸਥਾਨ ਹਾਸਿਲ ਕੀਤਾ ਹੈ। ਦੋਵਾਂ ਨੇ ਇੰਗਲੈਂਡ ਖਿਲਾਫ ਟੀ-20 ਸੀਰੀਜ਼ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ।
ਨਵੀਨਤਮ ਅਪਡੇਟਾਂ ਵਿੱਚ ਕੁਆਲਾਲੰਪੁਰ ਵਿੱਚ ਹਾਲ ਹੀ ਵਿੱਚ ਸਮਾਪਤ ਹੋਈਆਂ ਪੰਜ ਟੀਮਾਂ ਦੇ ਆਈਸੀਸੀ ਰਾਸ਼ਟਰਮੰਡਲ ਖੇਡਾਂ ਕੁਆਲੀਫਾਇਰ 2022 ਵਿੱਚ ਪ੍ਰਦਰਸ਼ਨ ਸ਼ਾਮਲ ਹਨ। ਸ਼੍ਰੀਲੰਕਾ ਦੇ ਕਪਤਾਨ ਚਮਾਰੀ ਅਥਾਪਥੂ ਟੂਰਨਾਮੈਂਟ 'ਚ 221 ਦੌੜਾਂ ਬਣਾ ਕੇ ਛੇ ਸਥਾਨ ਉੱਪਰ ਚੜ੍ਹ ਕੇ ਅੱਠਵੇਂ ਸਥਾਨ 'ਤੇ ਪਹੁੰਚ ਗਏ ਹਨ। ਬੰਗਲਾਦੇਸ਼ ਦੀ ਮੁਰਸ਼ਿਦਾ ਖਾਤੂਨ ਕੁੱਲ 126 ਦੌੜਾਂ ਬਣਾ ਕੇ 35 ਸਥਾਨ ਦੇ ਫਾਇਦੇ ਨਾਲ 48ਵੇਂ ਸਥਾਨ 'ਤੇ ਪਹੁੰਚ ਗਈ ਹੈ।