ਇੱਕ ਵਾਰ ਫਿਰ ਚੱਲਿਆ ਮੇਸੀ ਦਾ ਜਾਦੂ, ਆਖਰੀ ਮਿੰਟਾਂ ਦੇ ਗੋਲ ਨਾਲ ਮਿਆਮੀ ਦੀ ਟੀਮ ਨੂੰ ਮਿਲੀ ਸ਼ਾਨਦਾਰ ਜਿੱਤ

ਇੰਟਰ ਮਿਆਮੀ ਲਈ ਜਿੱਤ ਦੇ ਹੀਰੋ ਬਣੇ ਸੁਪਰਸਟਾਰ ਫੁਟਬਾਲਰ ਲਿਓਨਲ ਮੇਸੀ ਨੇ ਇਕ ਵਾਰ ਫਿਰ ਆਪਣਾ ਜਲਵਾ ਦਿਖਾਇਆ ਹੈ। ਆਖਰੀ ਮਿੰਟਾਂ ਦੇ ਗੋਲ ਨਾਲ ਇੰਟਰ ਮਿਆਮੀ ਟੀਮ ਨੇ ਐਫਸੀ ਡੱਲਾਸ ਨੂੰ 5-4 ਨਾਲ ਹਰਾ ਦਿੱਤਾ ਹੈ।

ਨਵੀਂ ਦਿੱਲੀ: ਦੁਨੀਆ ਦੇ ਮਹਾਨ ਫੁਟਬਾਲਰਾਂ ਵਿੱਚੋਂ ਇੱਕ ਲਿਓਨਲ ਮੇਸੀ ਹਰ ਉਸ ਕਲੱਬ ਨੂੰ ਸਿਖਰ 'ਤੇ ਲੈ ਜਾਂਦੇ ਹਨ, ਜਿਸ ਵਿੱਚ ਉਹ ਸ਼ਾਮਲ ਹੁੰਦੇ ਹਨ। ਅੱਜ ਕੱਲ੍ਹ ਕੁਝ ਅਜਿਹਾ ਹੀ ਦੇਖਣ ਨੂੰ ਮਿਲ ਰਿਹਾ ਹੈ। ਮੇਸੀ ਇਨ੍ਹੀਂ ਦਿਨੀਂ ਅਮਰੀਕਾ ਦੀ ਫੁੱਟਬਾਲ ਲੀਗ 'ਚ ਖੇਡਦੇ ਨਜ਼ਰ ਆ ਰਹੇ ਹਨ। ਮੇਸੀ ਇਸ ਸਮੇਂ ਇੰਟਰ ਮਿਆਮੀ ਟੀਮ ਨਾਲ ਜੁੜੇ ਹੋਏ ਹਨ। ਮੇਸੀ ਨੇ ਐਤਵਾਰ ਰਾਤ ਨੂੰ ਖੇਡੇ ਗਏ ਮੈਚ 'ਚ ਐੱਫਸੀ ਡਲਾਸ ਨੂੰ ਪੈਨਲਟੀ ਸ਼ੂਟਆਊਟ 'ਚ 5-3 ਨਾਲ ਹਰਾ ਕੇ ਪਹਿਲੀ ਵਾਰ ਮੇਜਰ ਲੀਗ ਦੇ ਕੁਆਰਟਰ ਫਾਈਨਲ 'ਚ ਪ੍ਰਵੇਸ਼ ਕੀਤਾ ਹੈ। ਇਸ ਮੈਚ ਵਿੱਚ ਮੇਸੀ ਨੇ 85ਵੇਂ ਮਿੰਟ ਵਿੱਚ ਗੋਲ ਕਰਕੇ ਇੰਟਰ ਮਿਆਮੀ ਸੇਫ ਦੀ ਟੀਮ ਨੂੰ ਬਰਾਬਰੀ ਦਿਵਾਈ। ਇਸ ਤੋਂ ਬਾਅਦ ਮੇਸੀ ਅਤੇ ਇੰਟਰ ਮਿਆਮੀ ਦੇ ਖਿਡਾਰੀਆਂ ਨੇ ਪੈਨਲਟੀ ਸ਼ੂਟਆਊਟ ਵਿੱਚ ਵਧੀਆ ਪ੍ਰਦਰਸ਼ਨ ਕਰਦੇ ਹੋਏ ਟੀਮ ਨੂੰ ਪਹਿਲੀ ਵਾਰ ਮੇਜਰ ਲੀਗ ਦੇ ਕੁਆਰਟਰ ਫਾਈਨਲ ਵਿੱਚ 5-3 ਨਾਲ ਜਿੱਤਾ ਲਿਆ ਹੈ।

ਪੈਨਲਟੀ ਕਿੱਕਾਂ ਉੱਤੇ 5-4 ਨਾਲ ਜਿੱਤ ਦਰਜ ਕੀਤੀ: ਸੁਪਰਸਟਾਰ ਫੁੱਟਬਾਲਰ ਲਿਓਨੇਲ ਮੇਸੀ ਨੇ ਇੰਟਰ ਮਿਆਮੀ ਲਈ ਆਪਣਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਰੱਖਿਆ ਹੈ। ਇੱਕ ਹੋਰ ਮੈਚ ਵਿੱਚ ਲਗਾਤਾਰ ਦੋ ਗੋਲ ਕਰਕੇ ਟੀਮ ਨੂੰ ਜਿੱਤ ਦਵਾਈ ਹੈ। ਇੰਟਰ ਮਿਆਮੀ ਨੇ ਐਤਵਾਰ ਰਾਤ ਨੂੰ ਲੀਗ ਕੱਪ ਐਲੀਮੀਨੇਸ਼ਨ ਮੈਚ ਵਿੱਚ ਐਫਸੀ ਡੱਲਾਸ ਉੱਤੇ ਪੈਨਲਟੀ ਕਿੱਕਾਂ ਉੱਤੇ 5-4 ਨਾਲ ਜਿੱਤ ਦਰਜ ਕੀਤੀ। ਇਸ ਮੈਚ 'ਚ ਸੁਪਰਸਟਾਰ ਫੁੱਟਬਾਲਰ ਲਿਓਨੇਲ ਮੇਸੀ ਦਾ ਜਾਦੂ ਦੇਖਣ ਨੂੰ ਮਿਲਿਆ।

ਰਿਕਾਰਡਾਂ ਦਾ ਬੇਤਾਜ ਬਾਦਸ਼ਾਹ ਹੈ ਮੇਸੀ : ਤੁਹਾਨੂੰ ਦੱਸ ਦੇਈਏ ਕਿ ਅਰਜਨਟੀਨਾ ਦੇ ਸਟਾਰ ਫੁੱਟਬਾਲਰ ਲਿਓਨੇਲ ਮੇਸੀ ਦੇ ਨਾਂ ਅਜਿਹੇ ਰਿਕਾਰਡ ਹਨ, ਜਿਨ੍ਹਾਂ ਨੂੰ ਤੋੜਨਾ ਆਮ ਖਿਡਾਰੀਆਂ ਦੇ ਹੱਥ ਨਹੀਂ ਹੈ। ਮੇਸੀ ਨੇ ਲਾ ਲੀਗਾ 'ਚ ਖੇਡਦੇ ਹੋਏ 474 ਗੋਲ ਕੀਤੇ ਹਨ, ਜੋ ਕਿ ਇੱਕ ਵੱਡਾ ਰਿਕਾਰਡ ਹੈ। ਮੇਸੀ ਨੇ ਆਪਣੇ ਕਰੀਅਰ ਦੌਰਾਨ ਆਪਣੇ ਦੇਸ਼ ਅਰਜਨਟੀਨਾ ਅਤੇ ਕਲੱਬ ਸਮੇਤ ਕੁੱਲ 10 ਟਰਾਫੀਆਂ ਜਿੱਤੀਆਂ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਮੇਸੀ 2022 ਵਿੱਚ ਕਤਰ ਵਿੱਚ ਖੇਡੇ ਗਏ ਫੀਫਾ ਵਿਸ਼ਵ ਕੱਪ ਵਿੱਚ ਸਭ ਤੋਂ ਵੱਧ ਗੋਲ ਕਰਨ ਵਾਲੇ ਖਿਡਾਰੀ ਹਨ ਅਤੇ ਉਨ੍ਹਾਂ ਨੇ 1986 ਤੋਂ ਬਾਅਦ ਪਹਿਲੀ ਵਾਰ ਅਰਜਨਟੀਨਾ ਟੀਮ ਨੂੰ ਵਿਸ਼ਵ ਕੱਪ ਟਰਾਫੀ ਦਿਵਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ ਸੀ।

ਇਸ ਤੋਂ ਪਹਿਲਾਂ ਖੇਡੇ ਗਏ ਮੈਚਾਂ 'ਚ ਵੀ ਇੰਟਰ ਮਿਆਮੀ ਲਈ ਸੁਪਰਸਟਾਰ ਫੁੱਟਬਾਲਰ ਲਿਓਨਲ ਮੇਸੀ ਨੇ ਦੋ-ਦੋ ਗੋਲ ਕੀਤੇ ਸਨ। ਰਾਊਂਡ ਆਫ 16 'ਚ ਜਿੱਤ ਨੇ ਇੰਟਰ ਮਿਆਮੀ ਨੂੰ ਲੀਗ ਕੱਪ ਦੇ ਕੁਆਰਟਰ ਫਾਈਨਲ 'ਚ ਪਹੁੰਚਾ ਦਿੱਤਾ ਹੈ। ਮੇਸੀ ਨੂੰ ਦੂਜੇ ਹਾਫ 'ਚ ਕਈ ਫਰੀ ਕਿੱਕ ਮਿਲੇ, ਜਿਸ ਦੀ ਇਕ ਝਲਕ ਲਈ ਸਟੇਡੀਅਮ 'ਚ ਖੜ੍ਹੇ ਹਜ਼ਾਰਾਂ ਦੀ ਭੀੜ ਆਪਣੇ ਸੈੱਲ ਫੋਨਾਂ ਨਾਲ ਉਸ ਦੇ ਗੋਲ ਨੂੰ ਰਿਕਾਰਡ ਕਰ ਰਹੀ ਸੀ।