ਭਾਰਤੀ ਟੀਮ ਨੇ ਤੀਜੇ ਟੈਸਟ ਤੋਂ ਪਹਿਲਾਂ ਅਭਿਆਸ ਕੀਤਾ ਸ਼ੁਰੂ

ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਭਾਰਤੀ ਟੀਮ ਦੀ ਤਸਵੀਰ ਨਾਲ ਟਵੀਟ ਕੀਤਾ, "ਅਸੀਂ ਇੱਥੇ ਸੁੰਦਰ ਕੇਪਟਾਊਨ ਵਿੱਚ ਹਾਂ। ਭਾਰਤੀ ਟੀਮ ਨੇ ਤੀਜੇ ਟੈਸਟ ਲਈ ਤਿਆਰੀਆਂ ਸ਼ੁਰੂ (INDIAN TEAM STARTS PRACTICE) ਕਰ ਦਿੱਤੀਆਂ ਹਨ।"

ਕੇਪਟਾਊਨ: ਭਾਰਤੀ ਟੀਮ ਨੇ ਐਤਵਾਰ ਨੂੰ ਜੋਹਾਨਸਬਰਗ 'ਚ ਮਿਲੀ ਹਾਰ ਨੂੰ ਭੁਲਾਕੇ ਦੱਖਣੀ ਅਫਰੀਕਾ 'ਚ ਪਹਿਲੀ ਵਾਰ ਸੀਰੀਜ਼ ਜਿੱਤਣ ਦੇ ਉਦੇਸ਼ ਨਾਲ ਤੀਜੇ ਅਤੇ ਫੈਸਲਾਕੁੰਨ ਟੈਸਟ ਮੈਚ ਲਈ ਅਭਿਆਸ ਸ਼ੁਰੂ ਕੀਤਾ।ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਭਾਰਤੀ ਟੀਮ ਦੀ ਤਸਵੀਰ ਨਾਲ ਟਵੀਟ ਕੀਤਾ, "ਅਸੀਂ ਇੱਥੇ ਸੁੰਦਰ ਕੇਪਟਾਊਨ ਵਿੱਚ ਹਾਂ। ਭਾਰਤੀ ਟੀਮ ਨੇ ਤੀਜੇ ਟੈਸਟ ਲਈ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ।"

ਤਿੰਨ ਮੈਚਾਂ ਦੀ ਸੀਰੀਜ਼ ਫਿਲਹਾਲ 1-1 ਨਾਲ ਬਰਾਬਰ ਹੈ। ਤੀਜਾ ਟੈਸਟ ਇੱਥੇ 11 ਤੋਂ 15 ਜਨਵਰੀ ਤੱਕ ਖੇਡਿਆ ਜਾਵੇਗਾ।

ਦੱਖਣੀ ਅਫਰੀਕਾ 'ਚ ਪਹਿਲੀ ਟੈਸਟ ਸੀਰੀਜ਼ ਜਿੱਤਣ ਦੀ ਕੋਸ਼ਿਸ਼ ਕਰ ਰਹੇ ਭਾਰਤ ਨੇ ਸੈਂਚੁਰੀਅਨ 'ਚ ਪਹਿਲੇ ਮੈਚ 'ਚ 113 ਦੌੜਾਂ ਦੀ ਜਿੱਤ ਨਾਲ ਸ਼ਾਨਦਾਰ ਸ਼ੁਰੂਆਤ ਕੀਤੀ ਪਰ ਜੋਹਾਨਸਬਰਗ 'ਚ ਦੂਜੇ ਟੈਸਟ 'ਚ ਉਸ ਨੂੰ 7 ਵਿਕਟਾਂ ਨਾਲ ਹਾਰ ਝੱਲਣੀ ਪਈ।

ਭਾਰਤੀ ਟੀਮ ਸ਼ਨੀਵਾਰ ਨੂੰ ਕੇਪਟਾਊਨ ਪਹੁੰਚੀ ਸੀ।

ਭਾਰਤ ਦੂਜੇ ਮੈਚ ਵਿੱਚ ਕਪਤਾਨ ਵਿਰਾਟ ਕੋਹਲੀ ਦੇ ਬਿਨਾਂ ਖੇਡੀ ਸੀ ਪਰ ਮੁੱਖ ਕੋਚ ਰਾਹੁਲ ਦ੍ਰਾਵਿੜ ਨੇ ਉਮੀਦ ਜਤਾਈ ਸੀ ਕਿ ਉਹ ਫੈਸਲਾਕੁੰਨ ਮੈਚ ਲਈ ਫਿੱਟ ਹੋਣਗੇ।

ਕੋਹਲੀ ਦੀ ਪਿੱਠ ਦੇ ਉਪਰਲੇ ਹਿੱਸੇ ਵਿੱਚ ਜਕੜਨ ਸੀ ਅਤੇ ਉਸਦੀ ਗੈਰ-ਮੌਜੂਦਗੀ ਵਿੱਚ, ਕੇਐਲ ਰਾਹੁਲ ਨੇ ਟੀਮ ਦੀ ਕਮਾਨ ਸੰਭਾਲੀ ਸੀ।

ਤੀਜੇ ਮੈਚ ਵਿੱਚ ਤੇਜ਼ ਗੇਂਦਬਾਜ਼ ਮੁਹੰਮਦ ਸਿਰਾਜ ਦਾ ਖੇਡਣਾ ਸ਼ੱਕੀ ਹੈ। ਉਹ ਦੂਜੇ ਟੈਸਟ ਮੈਚ ਦੌਰਾਨ ਜ਼ਖਮੀ ਹੋ ਗਿਆ ਸੀ। ਉਨ੍ਹਾਂ ਦੀ ਜਗ੍ਹਾ ਇਸ਼ਾਂਤ ਸ਼ਰਮਾ ਜਾਂ ਉਮੇਸ਼ ਯਾਦਵ ਨੂੰ ਪਲੇਇੰਗ ਇਲੈਵਨ 'ਚ ਲਿਆ ਜਾ ਸਕਦਾ ਹੈ

ਇਹ ਵੀ ਪੜ੍ਹੋ:ASHES:ਬ੍ਰਾਡ-ਐਂਡਰਸਨ ਦੇ ਕ੍ਰੀਜ਼ 'ਤੇ ਡਟੇ ਰਹਿਣ ਦੇ ਚੱਲਦੇ ਚੌਥਾ ਟੈਸਟ ਡਰਾਅ