ਭੋਪਾਲ: ਹਾਕੀ ਇੰਡੀਆ ਸੀਨੀਅਰ ਮਹਿਲਾ ਰਾਸ਼ਟਰੀ ਚੈਂਪੀਅਨਸ਼ਿਪ 6 ਮਈ 2022 ਤੋਂ ਸ਼ੁਰੂ ਹੋਵੇਗੀ। 12 ਦਿਨਾਂ ਤੱਕ ਚੱਲਣ ਵਾਲੇ ਇਸ ਟੂਰਨਾਮੈਂਟ ਵਿੱਚ ਕੁੱਲ 27 ਟੀਮਾਂ ਚੋਟੀ ਦੇ ਸਨਮਾਨ ਲਈ ਭਿੜਨਗੀਆਂ। ਭਾਗ ਲੈਣ ਵਾਲੀਆਂ ਟੀਮਾਂ ਨੂੰ ਅੱਠ ਪੂਲ ਵਿੱਚ ਵੰਡਿਆ ਗਿਆ ਹੈ। ਹਾਕੀ ਮੱਧ ਪ੍ਰਦੇਸ਼, ਹਾਕੀ ਚੰਡੀਗੜ੍ਹ ਅਤੇ ਹਾਕੀ ਬਿਹਾਰ ਪੂਲ ਏ ਵਿੱਚ ਹਨ, ਜਦਕਿ ਹਾਕੀ ਹਰਿਆਣਾ, ਅਸਾਮ ਹਾਕੀ ਅਤੇ ਹਾਕੀ ਬੰਗਾਲ ਪੂਲ ਬੀ ਵਿੱਚ ਹਨ।
ਹਾਕੀ ਪੰਜਾਬ, ਛੱਤੀਸਗੜ੍ਹ ਹਾਕੀ ਅਤੇ ਤ੍ਰਿਪੁਰਾ ਹਾਕੀ ਪੂਲ ਸੀ ਵਿੱਚ ਸ਼ਾਮਲ ਹਨ। ਇਸ ਦੇ ਨਾਲ ਹੀ ਹਾਕੀ ਮਹਾਰਾਸ਼ਟਰ, ਹਾਕੀ ਰਾਜਸਥਾਨ ਅਤੇ ਹਾਕੀ ਉੱਤਰਾਖੰਡ ਨੂੰ ਪੂਲ ਡੀ 'ਚ ਸ਼ਾਮਲ ਕੀਤਾ ਗਿਆ ਹੈ।
ਹਾਕੀ ਝਾਰਖੰਡ, ਹਾਕੀ ਆਂਧਰਾ ਪ੍ਰਦੇਸ਼ ਅਤੇ ਪੁਡੂਚੇਰੀ ਹਾਕੀ ਨੂੰ ਪੂਲ ਈ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਜਦਕਿ ਹਾਕੀ ਕਰਨਾਟਕ, ਤਾਮਿਲਨਾਡੂ ਦੀ ਹਾਕੀ ਇਕਾਈ ਅਤੇ ਹਾਕੀ ਅਰੁਣਾਚਲ, ਹਾਕੀ ਅੰਡੇਮਾਨ ਅਤੇ ਨਿਕੋਬਾਰ ਨੂੰ ਪੂਲ ਐੱਫ ਵਿੱਚ ਥਾਂ ਦਿੱਤੀ ਗਈ ਹੈ। ਪੂਲ ਜੀ ਵਿੱਚ ਉੱਤਰ ਪ੍ਰਦੇਸ਼ ਹਾਕੀ, ਦਿੱਲੀ ਹਾਕੀ, ਗੋਆ ਹਾਕੀ ਅਤੇ ਹਾਕੀ ਗੁਜਰਾਤ ਸ਼ਾਮਲ ਹਨ। ਜਦੋ ਕਿ ਹਾਕੀ ਐਸੋਸੀਏਸ਼ਨ ਆਫ਼ ਓਡੀਸ਼ਾ, ਕੇਰਲ ਹਾਕੀ, ਤੇਲੰਗਾਨਾ ਹਾਕੀ ਤੇ ਹਾਕੀ ਹਿਮਾਚਲ ਨੂੰ ਪੂਲ ਐਚ ਵਿੱਚ ਰੱਖਿਆ ਗਿਆ ਹੈ।
ਇਹ ਵੀ ਪੜ੍ਹੋ:-IPL 2022 CSK vs RCB : ਕੁੜੀ ਦਾ ਹਾਰ ਬੈਠੀ ਆਪਣਾ ਦਿਲ, ਇੰਝ ਕੀਤਾ ਬੁਆਏਫ੍ਰੈਂਡ ਨੂੰ ਪ੍ਰਪੋਜ਼
ਹਾਕੀ ਮੱਧ ਪ੍ਰਦੇਸ਼ ਦੀ ਕੋਚ ਵੰਦਨਾ ਨੇ ਖਿਤਾਬ ਦਾ ਬਚਾਅ ਕਰਨ ਦੀ ਸੰਭਾਵਨਾ 'ਤੇ ਬੋਲਦਿਆਂ ਕਿਹਾ, ਮੈਨੂੰ ਲੱਗਦਾ ਹੈ ਕਿ ਅਸੀਂ ਮਾਨਸਿਕ ਅਤੇ ਸਰੀਰਕ ਤੌਰ 'ਤੇ ਪੂਰੀ ਤਰ੍ਹਾਂ ਤਿਆਰ ਹਾਂ। ਸਾਡਾ ਉਦੇਸ਼ ਹਰ ਮੈਚ 'ਚ ਚੰਗਾ ਪ੍ਰਦਰਸ਼ਨ ਕਰਨਾ ਅਤੇ ਕੁਆਰਟਰ 'ਚ ਕੁਆਲੀਫਾਈ ਕਰਨਾ ਹੈ। ਖਿਡਾਰੀ ਮੁਕਾਬਲੇ ਵਿੱਚ ਭਾਗ ਲੈਣ ਲਈ ਉਤਸ਼ਾਹਿਤ ਹਨ।
ਇਸ ਦੌਰਾਨ ਪਿਛਲੇ ਸਾਲ ਦੀ ਉਪ ਜੇਤੂ ਟੀਮ ਹਾਕੀ ਹਰਿਆਣਾ ਦੇ ਕੋਚ ਕੁਲਦੀਪ ਸਿਵਾਚ ਨੇ ਕਿਹਾ ਕਿ ਅਸੀਂ ਪਿਛਲੇ ਸਾਲ ਖਿਤਾਬ ਤੋਂ ਖੁੰਝ ਗਏ ਸੀ ਪਰ ਇਸ ਵਾਰ ਮੈਨੂੰ ਉਮੀਦ ਹੈ ਕਿ ਅਸੀਂ ਖਿਤਾਬ ਜਿੱਤ ਕੇ ਹਾਕੀ ਹਰਿਆਣਾ ਦੀ ਵਿਰਾਸਤ ਨੂੰ ਅੱਗੇ ਤੋਰਨ ਦੀ ਜ਼ਿੰਮੇਵਾਰੀ ਜਾਰੀ ਰੱਖਾਂਗੇ। ਅਸੀਂ ਲੰਬੇ ਸਮੇਂ ਤੋਂ ਅਭਿਆਸ ਕਰ ਰਹੇ ਹਾਂ ਅਤੇ ਅਸੀਂ ਯਕੀਨੀ ਤੌਰ 'ਤੇ ਖਿਤਾਬ ਜਿੱਤਣ ਲਈ ਆਪਣਾ ਸਰਵਸ੍ਰੇਸ਼ਠ ਪ੍ਰਦਰਸ਼ਨ ਕਰਾਂਗੇ।
ਟੂਰਨਾਮੈਂਟ ਲਈ ਆਪਣੀ ਟੀਮ ਦੀਆਂ ਤਿਆਰੀਆਂ ਬਾਰੇ ਬੋਲਦਿਆਂ ਹਾਕੀ ਪੰਜਾਬ ਦੀ ਕੋਚ ਯੋਗਿਤਾ ਬਾਲੀ ਨੇ ਕਿਹਾ, ''ਟੂਰਨਾਮੈਂਟ ਦੀ ਤਿਆਰੀ ਵਾਕਈ ਵਧੀਆ ਰਹੀ ਹੈ। ਸਾਡੇ ਕੋਲ ਨੌਜਵਾਨ ਅਤੇ ਤਜਰਬੇਕਾਰ ਖਿਡਾਰੀਆਂ ਦੀ ਚੰਗੀ ਟੀਮ ਹੈ। ਅਸੀਂ ਪਿਛਲੇ ਸਾਲ ਤੀਜੇ ਸਥਾਨ 'ਤੇ ਰਹੇ ਸੀ, ਪਰ ਸਾਨੂੰ ਇਸ ਵਾਰ ਫਾਈਨਲ 'ਚ ਪਹੁੰਚਣ ਦੀ ਉਮੀਦ ਹੈ। ਅੱਠ ਦਿਨ ਚੱਲਣ ਵਾਲੇ ਇਸ ਪੂਲ ਮੈਚ ਤੋਂ ਬਾਅਦ 14 ਮਈ ਨੂੰ ਕੁਆਰਟਰ ਫਾਈਨਲ, 16 ਮਈ ਨੂੰ ਸੈਮੀਫਾਈਨਲ ਅਤੇ 17 ਮਈ ਨੂੰ ਮੈਡਲ ਮੈਚ ਹੋਣਗੇ।
