ਨਵੀਂ ਦਿੱਲੀ : ਵਿਸ਼ਵ ਚੈਂਪੀਅਨ ਅਤੇ ਓਲੰਪਿਕ ਤਮਗ਼ਾ ਜੇਤੂ ਭਾਰਤੀ ਮਹਿਲਾ ਮੁੱਕੇਬਾਜ਼ ਐੱਮਸੀ ਮੈਰੀਕਾਮ ਨੇ ਇੱਥੇ ਪਹਿਲੀ ਬਿਗ ਬਾਉਟ ਲੀਗ ਦਾ ਡਰਾਫ਼ਟ ਪ੍ਰਕਿਰਿਆ ਉੱਤੇ ਹਸਤਾਖ਼ਰ ਕੀਤੇ ਹਨ। ਇਹ ਲੀਗ 2 ਦਸੰਬਰ ਤੋਂ 6 ਟੀਮਾਂ ਵਿਚਕਾਰ ਰਾਉਂਡ ਰਾਬਿਨ ਆਧਾਰ ਉੱਤੇ ਹੋਵੇਗੀ। ਖਿਡਾਰੀਆਂ ਦੀ ਡਰਾਫ਼ਟ ਪ੍ਰਕਿਰਿਆ ਮੰਗਲਵਾਰ ਨੂੰ ਹੋਵੇਗੀ।
ਬਿਗ ਬਾਉਟ ਲੀਗ ਦੇ ਡਰਾਫ਼ਟ ਨੂੰ ਲੈ ਕੇ ਭਾਰਤੀ ਮੁੱਕੇਬਾਜ਼ੀ ਸੰਘ ਅਤੇ ਬਿਗ ਬਾਊਟ ਲੀਗ ਦੇ ਪ੍ਰਬੰਧਕਾਂ ਦੀ ਸੋਮਵਾਰ ਨੂੰ ਇੱਥੇ ਇੱਕ ਸੰਯੁਕਤ ਬੈਠਕ ਹੋਈ। ਬੈਠਕ ਵਿੱਚ ਤਿੰਨ ਰਾਉਂਡਾਂ ਦੇ ਮੁਕਾਬਲੇ ਦੇ ਹਰ ਰਾਉਂਡ ਵਿੱਚ ਸਕੋਰ ਦਿਖਾਉਣ ਸਮੇਤ ਕਈ ਅਹਿਮ ਮਸਲਿਆਂ ਉੱਤੇ ਚਰਚਾ ਹੋਈ।