Asians para games: ਪ੍ਰਾਚੀ ਯਾਦਵ ਨੇ ਚਮਕਾਇਆ ਭਾਰਤ ਦਾ ਨਾਂਅ, ਦੂਜੇ ਦਿਨ ਕੈਨੋ ਈਵੈਂਟ ਵਿੱਚ ਜਿੱਤਿਆ ਸੋਨ ਤਗ਼ਮਾ

ਸੋਮਵਾਰ ਤੋਂ ਸ਼ੁਰੂ ਹੋਈਆਂ ਪੈਰਾ ਓਲੰਪਿਕ ਖੇਡਾਂ (Para Olympic Games) 'ਚ ਭਾਰਤ ਨੇ ਮੰਗਲਵਾਰ ਨੂੰ ਆਪਣਾ ਪਹਿਲਾ ਸੋਨ ਤਮਗਾ ਜਿੱਤ ਲਿਆ ਹੈ। ਪਹਿਲੇ ਦਿਨ ਭਾਰਤ ਨੇ 6 ਸੋਨ ਤਗਮਿਆਂ ਸਮੇਤ ਕੁੱਲ੍ਹ 17 ਤਗਮੇ ਜਿੱਤੇ ਸਨ।

ਹਾਂਗਜ਼ੂ: ਚੀਨ ਦੇ ਹਾਂਗਜ਼ੂ 'ਚ ਸੋਮਵਾਰ ਨੂੰ ਸ਼ੁਰੂ ਹੋਈਆਂ ਏਸ਼ੀਆਈ ਪੈਰਾ ਖੇਡਾਂ (Asian Para Games) ਦੇ ਦੂਜੇ ਦਿਨ ਭਾਰਤ ਨੇ ਆਪਣਾ ਪਹਿਲਾ ਸੋਨ ਤਮਗਾ ਜਿੱਤ ਲਿਆ ਹੈ। ਭਾਰਤ ਦੀ ਪ੍ਰਾਚੀ ਯਾਦਵ (Prachi Yadav) ਨੇ ਏਸ਼ੀਆਈ ਪੈਰਾ ਖੇਡਾਂ 2023 ਦੇ ਦੂਜੇ ਦਿਨ ਮਹਿਲਾ KL2 ਕੈਨੋ ਈਵੈਂਟ ਵਿੱਚ ਭਾਰਤ ਲਈ ਸੋਨ ਤਗਮੇ ਦੀ ਸ਼ੁਰੂਆਤ ਕੀਤੀ। ਬਹੁਤ ਹੀ ਰੋਮਾਂਚਕ ਦੌੜ ਵਿੱਚ ਭਾਰਤੀ ਅਥਲੀਟ ਨੇ 54.962 ਸਕਿੰਟ ਦਾ ਸਮਾਂ ਕੱਢ ਕੇ ਚੀਨ ਤੋਂ ਬਿਹਤਰ ਪ੍ਰਦਰਸ਼ਨ ਕੀਤਾ।

ਪ੍ਰਾਚੀ ਨੇ ਜ਼ਬਰਦਸਤ ਵਾਪਸੀ ਕੀਤੀ:ਪ੍ਰਾਚੀ ਨੇ ਕੱਲ੍ਹ ਪੈਰਾ ਏਸ਼ੀਅਨ ਖੇਡਾਂ ਦੇ ਚੌਥੇ ਐਡੀਸ਼ਨ ਵਿੱਚ ਮਹਿਲਾ VL2 ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤ ਕੇ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕੀਤੀ। ਕੱਲ੍ਹ ਪਹਿਲੇ ਦਿਨ ਉਹ ਸੋਨ ਤਗ਼ਮੇ ਦੀ ਲੜਾਈ ਵਿੱਚ ਉਜ਼ਬੇਕਿਸਤਾਨ ਦੀ ਇਰੋਦਾਖੋਨ ਰੁਸਤਮੋਵਾ ਤੋਂ ਸਿਰਫ਼ 1.022 ਸਕਿੰਟਾਂ ਨਾਲ ਹਾਰ ਗਈ। ਹਾਲਾਂਕਿ ਪ੍ਰਾਚੀ ਨੇ ਅੱਜ ਜ਼ਬਰਦਸਤ ਵਾਪਸੀ ਕੀਤੀ (Prachi made a strong comeback) ਅਤੇ ਸੋਨ ਤਮਗਾ ਜਿੱਤਿਆ। ਨਾਲ ਹੀ, ਭਾਰਤ ਦੇ ਮਨੀਸ਼ ਕੌਰਵ ਨੇ 44.605 ਸਕਿੰਟ ਦੇ ਸਮੇਂ ਨਾਲ ਪੁਰਸ਼ਾਂ ਦੇ ਕੇਐਲ3 ਕੈਨੋ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ। 27 ਸਾਲਾ ਖਿਡਾਰੀ ਮਨੀਸ਼ ਕੌਰਵ ਦੋ ਵਾਰ ਏਸ਼ੀਅਨ ਚੈਂਪੀਅਨਸ਼ਿਪ ਦਾ ਸੋਨ ਤਮਗਾ ਜੇਤੂ ਹੈ ਅਤੇ ਰਾਸ਼ਟਰੀ ਪੱਧਰ 'ਤੇ ਕਈ ਪੁਰਸਕਾਰ ਜਿੱਤ ਚੁੱਕਾ ਹੈ।

ਓਲੰਪਿਕ ਲਈ ਕੁਆਲੀਫਾਈ:ਟਾਰਗੇਟ ਓਲੰਪਿਕ ਪੋਡੀਅਮ ਸਕੀਮ ਦਾ ਹਿੱਸਾ, ਪ੍ਰਾਚੀ ਯਾਦਵ ਪਿਛਲੇ ਕੁਝ ਸਾਲਾਂ ਤੋਂ ਸ਼ਾਨਦਾਰ ਫਾਰਮ ਵਿੱਚ ਹੈ। ਪੈਰਿਸ ਓਲੰਪਿਕ ਵਿਸ਼ਵ ਕੱਪ (Paris Olympic World Cup) ਵਿਚ ਆਪਣੇ ਚੰਗੇ ਪ੍ਰਦਰਸ਼ਨ ਨਾਲ ਕਾਂਸੀ ਦਾ ਤਗਮਾ ਜਿੱਤਣ ਦੇ ਨਾਲ ਹੀ ਉਸ ਨੇ ਪੈਰਿਸ ਓਲੰਪਿਕ 2024 ਲਈ ਕੁਆਲੀਫਾਈ ਕਰ ਲਿਆ। ਪ੍ਰਾਚੀ ਨੇ ਇੱਕ ਪੈਰਾ ਤੈਰਾਕ ਦੇ ਤੌਰ 'ਤੇ ਆਪਣਾ ਕਰੀਅਰ ਸ਼ੁਰੂ ਕੀਤਾ ਅਤੇ 2018 ਵਿੱਚ ਆਪਣੇ ਕੋਚ ਦੇ ਮਾਰਗਦਰਸ਼ਨ ਵਿੱਚ ਕੈਨੋ ਵਿੱਚ ਚਲੀ ਗਈ। ਉਹ ਟੋਕੀਓ, ਜਾਪਾਨ ਵਿੱਚ 2020 ਸਮਰ ਪੈਰਾਲੰਪਿਕ ਖੇਡਾਂ ਲਈ ਕੁਆਲੀਫਾਈ ਕਰਨ ਵਾਲੀ ਪਹਿਲੀ ਭਾਰਤੀ ਪੈਰਾ ਕੈਨੋ ਅਥਲੀਟ ਵੀ ਬਣ ਗਈ। ਮਹਿਲਾ KL2 ਵਿੱਚ ਦੂਜੀ ਭਾਰਤੀ ਰਜਨੀ ਝਾਅ ਸੀ, ਜੋ 12.190 ਸਕਿੰਟ ਦੇ ਸਮੇਂ ਨਾਲ ਪੰਜਵੇਂ ਸਥਾਨ 'ਤੇ ਰਹੀ। ਇਸ ਸਮਾਗਮ ਵਿੱਚ ਕੁੱਲ ਛੇ ਕਨੋਇਸਟਾਂ ਨੇ ਭਾਗ ਲਿਆ।