Asian games 2023 : ਭਾਰਤ ਨੇ 25 ਮੀਟਰ ਪਿਸਟਲ ਮੁਕਾਬਲੇ ਵਿੱਚ ਜਿੱਤਿਆ ਸੋਨੇ ਦਾ ਤਮਗ਼ਾ, ਭਾਰਤ ਦੀ ਝੋਲੀ ਵਿੱਚ ਹੁਣ ਤੱਕ ਕੁੱਲ 4 ਗੋਲਡ ਮੈਡਲ

ਏਸ਼ੀਆਈ ਖੇਡਾਂ 2023 ਦੇ ਚੌਥੇ ਦਿਨ ਮਹਿਲਾ ਖਿਡਾਰੀ ਕਮਾਲ ਕਰ ਰਹੀਆਂ ਹਨ। ਭਾਰਤੀ ਮਹਿਲਾ ਖਿਡਾਰੀਆਂ ਨੇ ਦੂਜੇ ਦਿਨ ਦੇਸ਼ ਲਈ ਦੋ ਤਮਗ਼ੇ ਜਿੱਤੇ ਹਨ। ਭਾਰਤ ਨੇ 25 ਮੀਟਰ ਸ਼ੂਟਿੰਗ ਈਵੈਂਟ 'ਚ ਗੋਲਡ ਮੈਡਲ ਜਿੱਤਿਆ ਹੈ। ਭਾਰਤ ਦੇ ਕੋਲ ਕੁੱਲ (Four gold medals) ਚਾਰ ਸੋਨੇ ਦੇ ਤਮਗ਼ੇ ਹਨ।

ਹਾਂਗਜ਼ੂ:ਚੀਨ 'ਚ ਚੱਲ ਰਹੀਆਂ ਏਸ਼ੀਆਈ ਖੇਡਾਂ ਦਾ ਚੌਥਾ ਦਿਨ ਅਜੇ ਵੀ ਭਾਰਤੀ ਮਹਿਲਾ ਖਿਡਾਰੀਆਂ ਦੇ ਨਾਂ 'ਤੇ ਹੈ। ਭਾਰਤ ਨੇ ਚੌਥੇ ਦਿਨ 15 ਤਮਗ਼ੇ ਜਿੱਤ ਲਏ ਹਨ। ਭਾਰਤ ਨੇ 50 ਮੀਟਰ ਰਾਈਫਲ ਮੁਕਾਬਲੇ ਵਿੱਚ ਚੌਥੇ ਦਿਨ ਦਾ ਪਹਿਲਾ ਮੈਡਲ ਜਿੱਤਿਆ। ਹੁਣ ਭਾਰਤੀ ਮਹਿਲਾ ਖਿਡਾਰਣਾਂ ਨੇ 25 ਮੀਟਰ ਪਿਸਟਲ ਟੀਮ ਈਵੈਂਟ (25m Pistol Team Event) ਵਿੱਚ ਸੋਨ ਤਮਗ਼ਾ ਜਿੱਤ ਲਿਆ ਹੈ। ਪਿਸਟਲ ਈਵੈਂਟ ਦੀਆਂ ਮਹਿਲਾ ਖਿਡਾਰਣਾਂ ਮਨੂ ਭਾਕਰ, ਈਸ਼ਾ ਸਿੰਘ ਅਤੇ ਰਿਦਮ ਸਾਂਗਵਾਨ ਨੇ ਇਹ ਗੋਲਡ ਮੈਡਲ ਜਿੱਤਿਆ ਹੈ। ਏਸ਼ੀਆਈ ਖੇਡਾਂ ਵਿੱਚ ਭਾਰਤ ਦਾ ਇਹ ਚੌਥਾ ਸੋਨ ਤਮਗ਼ਾ ਹੈ। ਭਾਰਤ ਨੇ ਇਸ 25 ਮੀਟਰ ਪਿਸਟਲ ਮੁਕਾਬਲੇ ਵਿੱਚ 1790 ਅੰਕ ਬਣਾਏ।

ਭਾਰਤ ਦੇ ਖਾਤੇ ਵਿੱਚ ਹੁਣ ਕੁੱਲ 16 ਤਮਗ਼ੇ:ਗੋਲਡ ਮੈਡਲ ਜਿੱਤਣ ਵਾਲੀਆਂ ਖਿਡਾਰਣਾਂ ਵਿੱਚੋਂ ਮਨੂ ਭਾਕਰ ਨੇ ਸਭ ਤੋਂ ਵੱਧ ਅੰਕ ਹਾਸਲ ਕੀਤੇ। ਚੀਨ ਨੂੰ ਇਸ ਈਵੈਂਟ 'ਚ ਚਾਂਦੀ ਦੇ ਤਮਗੇ ਨਾਲ ਸੰਤੁਸ਼ਟ ਹੋਣਾ ਪਿਆ। ਨਾਲ ਹੀ ਇਸ ਈਵੈਂਟ ਵਿੱਚ ਦੱਖਣੀ ਕੋਰੀਆ ਨੇ ਕਾਂਸੀ ਦਾ ਤਮਗ਼ਾ ਜਿੱਤਿਆ। 27 ਸਤੰਬਰ ਨੂੰ ਦਿਨ ਦਾ ਪਹਿਲਾ ਚਾਂਦੀ ਦਾ ਤਮਗ਼ਾ ਪੰਜਾਬ ਦੀ ਸਿਫਤ ਕੌਰ ਸਮਰਾ, ਆਸ਼ੀ ਚੌਕਸੇ ਅਤੇ ਮਾਨਿਨੀ ਕੌਸ਼ਿਕ ਦੀ ਤਿਕੜੀ ਨੇ 50 ਮੀਟਰ ਰਾਈਫਲ 3ਪੀ ਟੀਮ ਈਵੈਂਟ ਵਿੱਚ ਜਿੱਤਿਆ ਸੀ। ਭਾਰਤ ਲਈ ਇਹ 15ਵਾਂ ਤਮਗਾ ਸੀ। 25 ਮੀਟਰ ਰਾਈਫਲ ਈਵੈਂਟ ਜਿੱਤਣ ਤੋਂ ਬਾਅਦ, ਭਾਰਤ ਦੇ ਖਾਤੇ ਵਿੱਚ ਹੁਣ ਕੁੱਲ 16 ਤਮਗ਼ੇ ਹਨ, ਜਿਨ੍ਹਾਂ ਵਿੱਚ ਚਾਰ ਦਿਨਾਂ ਦੇ ਤਮਗ਼ੇ ਸ਼ਾਮਲ ਹਨ। (Asian games 2023 )

ਭਾਰਤ ਨੇ 4 ਗੋਲਡ ਮੈਡਲ ਜਿੱਤੇ: ਭਾਰਤ ਨੇ 10 ਮੀਟਰ ਸ਼ੂਟਿੰਗ ਮੁਕਾਬਲੇ 'ਚ ਪਹਿਲਾ ਸੋਨ ਤਮਗਾ ਜਿੱਤਿਆ, ਇਸ ਤੋਂ ਬਾਅਦ ਭਾਰਤ ਨੇ ਮਹਿਲਾ ਕ੍ਰਿਕਟ ਮੁਕਾਬਲੇ 'ਚ ਦੂਜਾ ਸੋਨ ਤਮਗਾ ਜਿੱਤਿਆ। ਭਾਰਤ ਨੇ ਮੰਗਲਵਾਰ ਨੂੰ ਘੋੜ ਸਵਾਰੀ ਮੁਕਾਬਲੇ ਵਿੱਚ ਆਪਣਾ ਤੀਜਾ ਸੋਨ ਤਮਗਾ ਜਿੱਤਿਆ, ਅੱਜ ਭਾਰਤ ਨੇ 25 ਮੀਟਰ ਮੁਕਾਬਲੇ ਵਿੱਚ ਆਪਣਾ ਚੌਥਾ ਸੋਨ ਤਮਗਾ ਜਿੱਤਿਆ। ਕੁੱਲ ਮਿਲਾ ਕੇ ਭਾਰਤ ਨੇ 4 ਗੋਲਡ ਮੈਡਲ ਜਿੱਤੇ ਹਨ।