ਹਾਂਗਜ਼ੂ:ਏਸ਼ੀਆਈ ਖੇਡਾਂ 2023 ਦਾ ਅੱਜ ਨੌਵਾਂ ਦਿਨ ਹੈ। ਅੱਜ ਜਦੋਂ ਭਾਰਤੀ ਐਥਲੀਟ ਮੈਦਾਨ ਵਿੱਚ ਉਤਰਨਗੇ ਤਾਂ ਉਨ੍ਹਾਂ ਦਾ ਇਰਾਦਾ ਆਪਣੀ ਤਗਮੇ ਦੀ ਗਿਣਤੀ ਨੂੰ ਵੱਧ ਤੋਂ ਵੱਧ ਵਧਾਉਣ ਦਾ ਹੋਵੇਗਾ। ਏਸ਼ਿਆਈ ਖੇਡਾਂ ਦੇ ਇਤਿਹਾਸ ਵਿੱਚ ਐਤਵਾਰ ਦਾ ਦਿਨ ਸਭ ਤੋਂ ਖਾਸ ਰਿਹਾ। ਐਤਵਾਰ ਨੂੰ ਭਾਰਤ ਨੇ ਇੱਕ ਦਿਨ ਵਿੱਚ ਸਭ ਤੋਂ ਵੱਧ ਮੈਡਲ ਜਿੱਤੇ ਹਨ। 1 ਅਕਤੂਬਰ ਨੂੰ, ਭਾਰਤ ਨੇ ਕੁੱਲ 15 ਤਗਮੇ ਜਿੱਤੇ, ਜਿਸ ਵਿੱਚ 3 ਸੋਨ ਤਗਮੇ ਸ਼ਾਮਲ ਹਨ। ਭਾਰਤ ਨੇ ਏਸ਼ਿਆਈ ਖੇਡਾਂ ਵਿੱਚ ਹੁਣ ਤੱਕ ਕੁੱਲ 53 ਤਗ਼ਮੇ ਜਿੱਤੇ ਹਨ, ਜਿਨ੍ਹਾਂ ਵਿੱਚ 13 ਸੋਨ, 22 ਚਾਂਦੀ ਅਤੇ 18 ਕਾਂਸੀ ਦੇ ਤਗ਼ਮੇ ਸ਼ਾਮਲ ਹਨ।
ਭਾਰਤੀ ਹਾਕੀ ਟੀਮ ਦੀ ਜਿੱਤ: ਭਾਰਤੀ ਹਾਕੀ ਟੀਮ ਨੇ ਫਾਈਨਲ ਪੂਲ ਮੈਚ ਵਿੱਚ ਬੰਗਲਾਦੇਸ਼ ਨੂੰ 12-0 ਨਾਲ ਹਰਾਇਆ, ਇਸ ਜਿੱਤ ਨਾਲ ਭਾਰਤੀ ਪੁਰਸ਼ ਹਾਕੀ ਟੀਮ ਸੈਮੀਫਾਈਨਲ ਵਿੱਚ ਪਹੁੰਚ ਗਈ ਹੈ।ਹਰਮਨ ਅਤੇ ਮਨਦੀਪ ਦੋਵਾਂ ਨੇ ਹੈਟ੍ਰਿਕ ਬਣਾਈ। ਭਾਰਤ ਨੇ 5 ਮੈਚਾਂ 'ਚ 58 ਗੋਲ ਕੀਤੇ ਅਤੇ ਸਿਰਫ 5 ਹੀ ਹਾਰੇ।
ਭਾਰਤ ਸਕੁਐਸ਼ ਵਿੱਚ ਜਿੱਤਿਆ, ਕੁਆਰਟਰ ਫਾਈਨਲ ਵਿੱਚ ਬਣਾਈ ਥਾਂ:ਸਕੁਐਸ਼ 'ਚ ਤਨਵੀ ਖੰਨਾ ਦੂਜੇ ਦੌਰ 'ਚ 3-0 ਨਾਲ ਜਿੱਤ ਦਰਜ ਕਰਕੇ ਕੁਆਰਟਰ ਫਾਈਨਲ 'ਚ ਪਹੁੰਚ ਗਈ।
ਭਾਰਤ ਨੇ ਟੇਬਲ ਟੈਨਿਸ ਵਿੱਚ ਜਿੱਤਿਆ ਬ੍ਰਾਂਜ਼: ਸੁਤੀਰਥ ਮੁਖਰਜੀ ਅਤੇ ਅਹਿਕਾ ਮੁਖਰਜੀ ਨੇ ਟੇਬਲ ਟੈਨਿਸ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ ਹੈ। ਸੁਤੀਰਥ ਅਤੇ ਅਹਿਕਾ ਏਸ਼ਿਆਈ ਖੇਡਾਂ ਵਿੱਚ ਟੇਬਲ ਟੈਨਿਸ ਮਹਿਲਾ ਡਬਲਜ਼ ਵਿੱਚ ਤਗ਼ਮਾ ਜਿੱਤਣ ਵਾਲੀ ਪਹਿਲੀ ਭਾਰਤੀ ਜੋੜੀ ਬਣ ਗਈ ਹੈ। ਸੁਤੀਰਥ-ਅਹਿਕਾ ਮੁਖਰਜੀ ਨੂੰ ਸੈਮੀਫਾਈਨਲ 'ਚ ਉੱਤਰੀ ਕੋਰੀਆ ਦੀ ਸੁਯੋਂਗ ਚਾ ਨੇ 4-3 ਨਾਲ ਹਰਾ ਦਿੱਤਾ। ਹਾਲਾਂਕਿ ਹਾਰ ਦੇ ਬਾਵਜੂਦ ਇਹ ਜੋੜੀ ਇਤਿਹਾਸ ਰਚਣ 'ਚ ਸਫਲ ਰਹੀ। ਭਾਰਤ ਦੇ ਕੋਲ ਹੁਣ 56 ਤਮਗੇ ਹਨ, ਜਿਨ੍ਹਾਂ 'ਚ 13 ਸੋਨ ਤਗ਼ਮੇ ਸ਼ਾਮਲ ਹਨ।
ਸਪੀਡ ਸਕੇਟਿੰਗ 'ਚ ਜਿੱਤਿਆ ਤਗ਼ਮਾ:ਭਾਰਤ ਨੇ ਅੱਜ ਨੌਵੇਂ ਦਿਨ ਪਹਿਲਾ ਤਗ਼ਮਾ ਜਿੱਤਿਆ ਹੈ। ਸਪੀਡ ਸਕੇਟਿੰਗ 3000 ਮੀਟਰ ਰਿਲੇਅ ਰੇਸ ਵਿੱਚ ਭਾਰਤੀ ਅਥਲੀਟਾਂ ਆਰਤੀ ਕਸਤੂਰੀਰਾਜ, ਹੀਰਲ, ਸੰਜਨਾ ਅਤੇ ਕਾਰਤਿਕਾ ਦੇ ਵਰਗ ਨੇ ਸਪੀਡ ਸਕੇਟਿੰਗ 3000 ਮੀਟਰ ਰਿਲੇਅ ਰੇਸ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ ਹੈ। ਭਾਰਤ ਦੇ ਕੁੱਲ ਮੈਡਲਾਂ ਦੀ ਗਿਣਤੀ 54 ਹੋ ਗਈ ਹੈ।