ਚੰਡੀਗੜ੍ਹ: ਹਾਕੀ ਦੇ ਹੀਰੋ ਸਰਦਾਰ ਸਿੰਘ ਜਿਨ੍ਹਾਂ ਨੂੰ ਸਰਦਾਰਾ ਸਿੰਘ ਦੇ ਨਾਂ ਤੋਂ ਵੀ ਜਾਣਿਆ ਜਾਂਦਾ ਹੈ ਅੱਜ ਆਪਣਾ 35ਵਾਂ ਜਨਮਦਿਨ ਮਨਾ ਰਹੇ ਹਨ। ਸਰਦਾਰ ਸਿੰਘ ਨੇ ਆਪਣੇ ਹੁਰਨ ਦਾ ਸਿੱਕਾ ਪੂਰੀ ਦੁਨੀਆ ਚ ਚਲਾਇਆ।
ਭਾਰਤੀ ਹਾਕੀ ਟੀਮ ਦੇ ਸਾਬਕਾ ਕਪਤਾਨ ਸਰਦਾਰ ਸਿੰਘ ਦਾ ਜਨਮ 15 ਜੁਲਾਈ 1986 ਨੂੰ ਰਾਣੀਆ, ਹਰਿਆਣਾ ਵਿੱਚ ਹੋਇਆ ਸੀ। ਦੱਸ ਦਈਏ ਕਿ ਹਾਕੀ ਹਮੇਸ਼ਾ ਸਰਦਾਰ ਸਿੰਘ ਦੇ ਪਰਿਵਾਰ ਦਾ ਹਿੱਸਾ ਰਹੀ ਹੈ। ਸਰਦਾਰ ਸਿੰਘ ਦੇ ਵੱਡੇ ਭਰਾ ਦੀਦਾਰ ਸਿੰਘ ਵੀ ਭਾਰਤ ਦੇ ਲਈ ਖੇਡ ਚੁੱਕੇ ਸੀ। ਸਰਦਾਰ ਸਿੰਘ ਨੇ ਆਪਣੇ ਭਰਾ ਤੋਂ ਹੀ ਹਾਕੀ ਖੇਡਣਾ ਸਿੱਖਿਆ ਸੀ।
ਦੱਸ ਦਈਏ ਕਿ ਸਾਲ 2008 ਜਦੋਂ ਉਹ 22 ਸਾਲ ਦੇ ਸੀ ਤਾਂ ਉਨ੍ਹਾਂ ਨੂੰ ਸੁਲਤਾਨ ਅਜ਼ਲਾਨ ਸ਼ਾਹ ਹਾਕੀ ਟੂਰਨਾਮੈਂਟ ਲਈ ਭਾਰਤੀ ਹਾਕੀ ਟੀਮ ਦਾ ਕਪਤਾਨ ਬਣਾਇਆ ਗਿਆ ਸੀ। ਸਰਦਾਰ ਸਿੰਘ ਦਾ ਇਹ ਸਮਾਂ ਉਨ੍ਹਾਂ ਦੇ ਕਰੀਅਰ ਲਈ ਬਹੁਤ ਵਧੀਆ ਰਿਹਾ।