ਪੈਰਿਸ: ਸਟ੍ਰਾਇਕਰ ਐਡੀਸਨ ਕਵਾਨੀ ਅਤੇ ਸੈਂਟਰ ਬੈਕ ਅਤੇ ਕਪਤਾਨ ਥਿਆਗੋ ਸਿਲਵਾ ਇਸ ਮਹੀਨੇ ਖ਼ਤਮ ਹੋਣ ਵਾਲੇ ਇਕਰਾਰਨਾਮੇ ਦੇ ਕਾਰਨ ਫ਼ਰਾਂਸ ਦੇ ਫੁੱਟਬਾਲ ਕਲੱਬ ਪੈਰਿਸ ਸੇਂਟ ਜਰਮਨ (PSG) ਦਾ ਸਾਥ ਛੱਡ ਦੇਣਗੇ। ਕਵਾਨੀ ਕਲੱਬ ਦੇ ਸਭ ਤੋਂ ਜ਼ਿਆਦਾ ਗੋਲ ਕਰਨ ਵਾਲੇ ਖਿਡਾਰੀ ਹਨ, ਸਿਲਵਾ ਸਭ ਤੋਂ ਲੰਬੇ ਸਮੇਂ ਤੱਕ ਟੀਮ ਦੇ ਕਪਤਾਨ ਰਹੇ ਹਨ।
ਕਲੱਬ ਦੇ ਖੇਡ ਨਿਰਦੇਸ਼ਕ ਲਿਓਨਾਡਰੇ ਨੇ ਇੱਕ ਅਖ਼ਬਾਰ ਨੂੰ ਦਿੱਤੀ ਇੰਟਰਵਿਊ ਵਿੱਚ ਕਿਹਾ ਕਿ ਹਾਂ ਸਾਡਾ ਇਕਰਾਰਨਾਮਾ ਖ਼ਤਮ ਹੋ ਰਿਹਾ ਹੈ। ਇਸ ਫ਼ੈਸਲੇ ਉੱਤੇ ਪਹੁੰਚਣਾ ਕਾਫ਼ੀ ਮੁਸ਼ਕਿਲ ਸੀ। ਇਹ ਖਿਡਾਰੀ ਟੀਮ ਦੇ ਇਤਿਹਾਸ ਦਾ ਹਿੱਸਾ ਹਨ। ਤੁਸੀਂ ਇਸ ਗੱਲ ਨੂੰ ਲੈ ਕੇ ਸੋਚ ਵਿੱਚ ਪੈ ਜਾਂਦੇ ਹੋ ਕਿ ਕੀ ਸਾਨੂੰ ਥੋੜਾ ਹੋਰ ਅੱਗੇ ਵਧਣਾ ਚਾਹੀਦਾ ਹੈ ਜਾਂ ਇੱਕ ਹੋਰ ਸਾਲ ਵੀ ਨਾਲ ਰਹਿਣਾ ਹੁਣ ਮੁਸ਼ਕਿਲ ਹੋਵੇਗਾ।