ਮੈਨਚੈਸਟਰ : ਇੰਗਲਿਸ਼ ਪ੍ਰੀਮੀਅਰ ਲੀਗ (ਈਪੀਐੱਲ) ਦੇ 11ਵੇਂ ਦੌਰ ਦੇ ਮੈਚ ਵਿੱਚ ਮੌਜੂਦਾ ਚੈਂਪੀਅਨ ਮੈਨਚੈਸਟਰ ਸਿਟੀ ਨੇ ਸ਼ਨਿਚਰਵਾਰ ਰਾਤ ਨੂੰ ਇੱਕ ਫ਼ਸਵੇਂ ਮੁਕਾਬਲੇ ਵਿੱਚ ਸਾਊਥਹੈਮਟਨ ਨੂੰ 2-1 ਨਾਲ ਮਾਤ ਦਿੱਤੀ। ਇਸ ਜਿੱਤ ਤੋਂ ਬਾਅਦ ਸਿਟੀ ਦੀ ਟੀਮ 25 ਅੰਕਾਂ ਨਾਲ ਦੂਸਰੇ ਨੰਬਰ ਉੱਤੇ ਕਾਬਿਜ਼ ਹੈ, ਜਦਕਿ ਹਾਰ ਕਾਰਨ ਸਾਊਥਹੈਮਟਨ 8 ਅੰਕਾਂ ਦੇ ਨਾਲ 18ਵੇਂ ਸਥਾਨ ਉੱਤੇ ਬਣੀ ਹੋਈ ਹੈ।
ਹਾਲਾਂਕਿ, ਮੈਚ ਦੀ ਸ਼ੁਰੂਆਤ ਮਹਿਮਾਨ ਟੀਮ ਲਈ ਸ਼ਾਨਦਾਰ ਰਹੀ। ਸਾਊਥਹੈਮਟਨ ਨੇ 13ਵੇਂ ਮਿੰਟ ਉੱਤੇ ਹਮਲਾ ਕੀਤਾ ਅਤੇ ਜੇਮਸ ਵਾਰਡ ਪ੍ਰਾਉਸ ਨੇ ਗੋਲ ਕਰਦੇ ਹੋਏ ਆਪਣੀ ਟੀਮ ਨੂੰ ਅੱਗੇ ਲਿਆਉਂਦਾ।
ਇਸ ਤੋਂ ਬਾਅਦ, ਸਿਟੀ ਨੇ ਜ਼ਿਆਦਾ ਸਮੇਂ ਤੱਕ ਫ਼ੁੱਟਬਾਲ ਨੂੰ ਆਪਣੇ ਕਬਜ਼ੇ ਵਿੱਚ ਰੱਖਿਆ ਅਤੇ ਮਹਿਮਾਨ ਟੀਮ ਉੱਤੇ ਦਬਾਅ ਬਣਾਇਆ, ਪਰ ਪਹਿਲੇ ਹਾਫ਼ ਵਿੱਚ ਉਸ ਨੂੰ ਸਫ਼ਲਤਾ ਨਹੀਂ ਮਿਲੀ।