ਲਾ ਪਾਜ (ਬੋਲੀਵੀਆ): ਵੀਰਵਾਰ ਨੂੰ ਦੱਖਣੀ ਅਮਰੀਕੀ ਵਿਸ਼ਵ ਕੱਪ ਕੁਆਲੀਫਾਇੰਗ ਮੈਚ ਦੌਰਾਨ ਦੇਸ਼ ਦੀ ਫੁੱਟਬਾਲ ਫ਼ੈਡਰੇਸ਼ਨ ਦੇ ਆਰਜ਼ੀ ਪ੍ਰਧਾਨ ਨੂੰ ਭ੍ਰਿਸ਼ਟਾਚਾਰ ਦੇ ਦੋਸ਼ਾਂ ਹੇਠ ਬੋਲੀਵੀਆ ਦੇ ਜਾਂਚ ਅਧਿਕਾਰੀਆਂ ਨੇ ਗ੍ਰਿਫ਼ਤਾਰ ਕੀਤਾ ਹੈ।
ਫ਼ੈਡਰੇਸ਼ਨ ਦੇ ਆਰਜੀ ਪ੍ਰਧਾਨ ਮਾਰਕੋਸ ਰੋਡਰਿਗਜ਼ ਨੂੰ ਲਾ ਪਾਜ ਵਿੱਚ ਹਰਨਾਂਡੋ ਸਿਲੇਸ ਸਟੇਡੀਅਮ ਵਿੱਚੋਂ ਗ੍ਰਿਫ਼ਤਾਰ ਕੀਤਾ ਗਿਆ, ਜਿੱਥੇ ਬੋਲੀਵੀਆ ਮੈਚ ਖੇਡ ਰਿਹਾ ਸੀ। ਮੈਚ ਵਿੱਚ ਇਕਵੇਡੋਰ ਨੇ ਬੋਲੀਵੀਆ ਨੂੰ 3-2 ਦੇ ਫ਼ਰਕ ਨਾਲ ਹਰਾ ਦਿੱਤਾ ਹੈ।