ਬੈਲਜੀਅਮ 'ਚ ਹੋਈ ਫੁੱਟਬਾਲ ਦੀ ਵਾਪਸੀ, ਐਂਟਵਰਪ ਨੇ ਬੈਲਜੀਅਮ ਕੱਪ ਜਿੱਤਿਆ

ਐਂਟਵਰਪ ਨੇ ਡਿਫੈਂਸ ਦਾ ਨਜਾਰਾ ਪੇਸ਼ ਕਰਦੇ ਹੋਏ ਤੀਸਰੀ ਵਾਰ ਬੈਲਜੀਅਮ ਕੱਪ ਆਪਣੇ ਨਾਮ ਕਰ ਲਿਆ ਹੈ। ਇਸ ਫਾਈਨਲ ਮੁਕਾਬਲੇ ਦੇ ਲਈ ਐਂਟਵਰਪ ਤੇ ਕਲੱਬ ਬਰੂਜ਼ ਆਹਮਣੇ-ਸਾਹਮਣੇ ਸੀ ਜਿੱਥੇ ਐਂਟਵਰਪ ਨੇ 1-0 ਨਾਲ ਮੈਚ ਜਿੱਤ ਲਿਆ।

ਬ੍ਰਸੇਲਜ਼: ਵਿੰਗਰ ਲਿਓਰ ਰਿਫਿਲੋਵ ਦੇ ਇੱਕ ਗੋਲ ਦੀ ਬਦੌਲਤ ਰਾਇਲ ਐਂਟਵਰਪ ਨੇ ਕਲੱਬ ਬੂਜ ਨੂੰ 1-0 ਨਾਲ ਹਰਾ ਕੇ ਬੈਲਜੀਅਮ ਕੱਪ ਦਾ ਖ਼ਿਤਾਬ ਆਪਣੇ ਨਾਮ ਕਰ ਲਿਆ। ਮਾਰਚ ਤੋਂ ਬਾਅਦ ਇਹ ਦੇਸ਼ ਵਿੱਚ ਪਹਿਲਾ ਫੁੱਟਬਾਲ ਮੁਕਾਬਲਾ ਸੀ।

ਕੋਰੋਨਾਵਾਇਰਸ ਮਹਾਂਮਾਰੀ ਦੇ ਕਾਰਨ ਹਾਲਾਂਕਿ ਸ਼ਨੀਵਾਰ ਨੂੰ ਇਹ ਮੁਕਾਬਲਾ ਕਿੰਗ ਬਾਓਡੋਇਨ ਸਟੇਡੀਅਮ ਵਿੱਚ ਦਰਸ਼ਕਾਂ ਦੀ ਗ਼ੈਰ ਮੌਜੂਦਗੀ ਵਿੱਚ ਖੇਡਿਆ ਗਿਆ। ਮੈਚ ਦਾ ਇਕਲੌਤਾ ਗੋਲ 25ਵੇਂ ਮਿੰਟ ਵਿੱਚ ਰਿਫੈਲੋਵ ਨੇ ਕੀਤਾ ਜੋ ਸੱਤ ਸਾਲ ਬਰੂਜ਼ ਲਈ ਖੇਡਣ ਤੋਂ ਬਾਅਦ 2 ਸਾਲ ਪਹਿਲਾਂ ਹੀ ਐਂਟਵਰਪ ਨਾਲ ਜੁੜਿਆ ਸੀ।

ਐਂਟਵਰਪ ਦੀ ਟੀਮ ਬੈਲਜੀਅਮ ਕੱਪ ਦੇ ਨਾਲ

ਦੱਸ ਦੇਈਏ ਕਿ ਦੂਜੇ ਪਾਸੇ ਕਪਤਾਨ ਪਿਅਰ ਅਮਰੀਕਿ ਅੁਬਾਮੇਯਾਂਗ ਜਿਸਨੇ ਯੂਰਪ ਵਿੱਚ ਅਰਸੇਨਲ ਨੂੰ ਆਪਣਾ 14ਵਾਂ ਐੱਫ ਏ ਕੱਪ ਖ਼ਿਤਾਬ ਜਿਤਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ ਹੈ।

ਵੇਂਬਲੇ ਸਟੇਡੀਅਮ ਵਿੱਚ ਖੇਡੇ ਗਏ ਮੈਚ ਦੌਰਾਨ ਕਪਤਾਨ ਪਿਅਰ ਐਮੇਰਿਕ ਅੁਬਾਮੇਯਾਂਗ ਨੇ ਦੋ ਗੋਲ ਕਰ ਕੇ ਆਪਣੀ ਟੀਮ ਨੂੰ ਜਿੱਤ ਤੱਕ ਪਹੁੰਚਾਇਆ। ਕਪਤਾਨ ਨੇ ਇਹ ਦੋ ਗੋਲ ਕੀਤੇ ਜਦੋਂ ਟੀਮ ਇੱਕ ਗੋਲ ਤੋਂ ਪਿੱਛੇ ਸੀ। ਇਸ ਜਿੱਤ ਤੋਂ ਬਾਅਦ ਅਰਸੇਨਲ ਨੇ ਯੂਰੋਪਾ ਲੀਗ ਦੇ ਅਗਲੇ ਸੀਜ਼ਨ ਲਈ ਕੁਆਲੀਫਾਈ ਕਰ ਲਿਆ ਹੈ।