Cricket World Cup 2023 : ਨਿੱਜੀ ਕਾਰਣਾਂ ਕਰਕੇ ਵਿਸ਼ਵ ਕੱਪ ਤੋਂ ਪਹਿਲਾਂ ਟੀਮ ਇੰਡੀਆ ਨੂੰ ਛੱਡ ਵਾਪਿਸ ਮੁੰਬਈ ਪਰਤੇ ਵਿਰਾਟ ਕੋਹਲੀ

ਟੀਮ ਇੰਡੀਆ ਕ੍ਰਿਕਟ ਵਿਸ਼ਵ ਕੱਪ 2023 (Cricket World Cup 2023) ਤੋਂ ਪਹਿਲਾਂ ਮੰਗਲਵਾਰ ਨੂੰ ਆਪਣਾ ਦੂਜਾ ਅਭਿਆਸ ਮੈਚ ਖੇਡਣ ਲਈ ਤਿਰੂਵਨੰਤਪੁਰਮ ਵਿੱਚ ਮੌਜੂਦ ਹੈ ਪਰ ਇਸ ਮੈਚ ਤੋਂ ਪਹਿਲਾਂ ਇੱਕ ਵੱਡੀ ਖਬਰ ਸਾਹਮਣੇ ਆਈ ਹੈ। ਭਾਰਤ ਦੇ ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਨਿੱਜੀ ਐਮਰਜੈਂਸੀ ਕਾਰਨ ਮੁੰਬਈ ਸਥਿਤ ਆਪਣੇ ਘਰ ਪਰਤ ਆਏ ਹਨ।

ਤਿਰੂਵਨੰਤਪੁਰਮ: ਵਿਸ਼ਵ ਕੱਪ 2023 ਦੇ ਮੈਚ ਲਈ ਗੁਹਾਟੀ ਪਹੁੰਚੇ ਵਿਰਾਟ ਕੋਹਲੀ (virat kohli) ਨੂੰ ਨਿੱਜੀ ਐਮਰਜੈਂਸੀ ਕਾਰਨ ਅਚਾਨਕ ਮੁੰਬਈ ਪਰਤਣਾ ਪਿਆ। ਰਿਪੋਰਟ 'ਚ ਦੱਸਿਆ ਜਾ ਰਿਹਾ ਹੈ ਕਿ ਵਿਰਾਟ ਜਲਦ ਹੀ ਦੁਬਾਰਾ ਟੀਮ 'ਚ ਸ਼ਾਮਲ ਹੋਣਗੇ। Cricbuzz ਦੀ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਦੇ ਇੱਕ ਸੂਤਰ ਨੇ ਪੁਸ਼ਟੀ ਕੀਤੀ ਹੈ ਕਿ ਵਿਰਾਟ ਨਿੱਜੀ ਕਾਰਨਾਂ ਕਰਕੇ ਮੁੰਬਈ (Virat went to Mumbai for personal reasons) ਗਏ ਹਨ। ਰਿਪੋਰਟ 'ਚ ਸੂਤਰਾਂ ਦੇ ਹਵਾਲੇ ਤੋਂ ਕਿਹਾ ਗਿਆ ਹੈ ਕਿ ਵਿਰਾਟ ਜਲਦ ਹੀ ਟੀਮ 'ਚ ਸ਼ਾਮਲ ਹੋਣਗੇ।

ਅਭਿਆਸ ਮੈਚ ਮੀਂਹ ਕਾਰਨ ਪ੍ਰਭਾਵਿਤ:ਗੁਹਾਟੀ ਦੇ ਬਾਰਸਾਪਾਰਾ ਕ੍ਰਿਕਟ (Barsapara Cricket Ground in Guwahati) ਮੈਦਾਨ 'ਤੇ ਇੰਗਲੈਂਡ ਦੇ ਖਿਲਾਫ ਭਾਰਤ ਦਾ ਪਹਿਲਾ ਅਭਿਆਸ ਮੈਚ ਸ਼ਨਿੱਚਰਵਾਰ ਨੂੰ ਇੱਕ ਵੀ ਗੇਂਦ ਸੁੱਟੇ ਬਿਨਾਂ ਮੀਂਹ ਕਾਰਨ ਰੱਦ ਕਰ ਦਿੱਤਾ ਗਿਆ। ਸੰਭਾਵਨਾ ਹੈ ਕਿ ਭਾਰਤ ਦਾ ਦੂਜਾ ਅਭਿਆਸ ਮੈਚ ਵੀ ਮੀਂਹ ਨਾਲ ਪ੍ਰਭਾਵਿਤ ਹੋ ਸਕਦਾ ਹੈ। ਹੁਣ ਤੱਕ ਤਿਰੂਵਨੰਤਪੁਰਮ ਵਿੱਚ ਅਭਿਆਸ ਮੈਚ ਮੀਂਹ ਕਾਰਨ ਪ੍ਰਭਾਵਿਤ ਹੋਏ ਹਨ। 29 ਸਤੰਬਰ ਨੂੰ ਦੱਖਣੀ ਅਫਰੀਕਾ-ਅਫਗਾਨਿਸਤਾਨ ਮੈਚ ਮੀਂਹ ਕਾਰਨ ਰੱਦ ਹੋ ਗਿਆ ਸੀ, ਜਦਕਿ 30 ਸਤੰਬਰ ਨੂੰ ਆਸਟਰੇਲੀਆ-ਨੀਦਰਲੈਂਡ ਦਾ ਮੈਚ 23 ਓਵਰਾਂ ਦਾ ਸੀ ਪਰ ਮੀਂਹ ਕਾਰਨ ਪੂਰਾ ਨਹੀਂ ਹੋ ਸਕਿਆ।

ਚੈਂਪੀਅਨ ਆਸਟਰੇਲੀਆ ਖਿਲਾਫ ਮੁਹਿੰਮ ਦੀ ਸ਼ੁਰੂਆਤ: ਦੱਖਣੀ ਅਫਰੀਕਾ ਨੇ ਸੋਮਵਾਰ ਨੂੰ ਨਿਊਜ਼ੀਲੈਂਡ ਖਿਲਾਫ ਆਪਣਾ ਦੂਜਾ ਅਭਿਆਸ ਮੈਚ ਖੇਡਣਾ ਹੈ ਜਦਕਿ ਭਾਰਤ ਮੰਗਲਵਾਰ ਨੂੰ ਨੀਦਰਲੈਂਡ ਖਿਲਾਫ ਆਪਣਾ ਮੈਚ ਖੇਡੇਗਾ। 1983 ਅਤੇ 2011 ਦਾ ਚੈਂਪੀਅਨ ਭਾਰਤ 8 ਅਕਤੂਬਰ ਨੂੰ ਐੱਮ.ਏ.ਚਿਦੰਬਰਮ, ਚੇਨਈ 'ਚ ਪੰਜ ਵਾਰ ਦੇ ਚੈਂਪੀਅਨ ਆਸਟਰੇਲੀਆ ਖਿਲਾਫ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕਰੇਗਾ। ਇਹ ਪਹਿਲੀ ਵਾਰ ਹੈ ਜਦੋਂ ਭਾਰਤ ਪੂਰੀ ਤਰ੍ਹਾਂ ਪੁਰਸ਼ਾਂ ਦੇ ਇੱਕ ਰੋਜ਼ਾ ਵਿਸ਼ਵ ਕੱਪ ਦੀ ਮੇਜ਼ਬਾਨੀ ਕਰ ਰਿਹਾ ਹੈ।