ਧਰਮਸ਼ਾਲਾ : ਨੀਦਰਲੈਂਡ, ਜਿਸ ਨੂੰ ਖਾਸ ਤੌਰ 'ਤੇ ਨੱਬੇ ਦੇ ਦਹਾਕੇ 'ਚ ਫੁੱਟਬਾਲ ਦੇ ਪਾਵਰਹਾਊਸ ਵਜੋਂ ਜਾਣਿਆ ਜਾਂਦਾਂ ਹੈ, ਪ੍ਰਸ਼ੰਸਕਾਂ ਦਾ ਪਸੰਦੀਦਾ ਬਣ ਗਿਆ ਹੈ, ਜਿਨ੍ਹਾਂ ਨੇ ਮੰਗਲਵਾਰ ਨੂੰ ਧਰਮਸ਼ਾਲਾ 'ਚ ਹਿਮਾਚਲ ਪ੍ਰਦੇਸ਼ ਕ੍ਰਿਕਟ ਸੰਘ 'ਚ ਖੇਡੇ ਗਏ ਕ੍ਰਿਕਟ ਵਿਸ਼ਵ ਕੱਪ ਮੈਚ 'ਚ ਦੱਖਣੀ ਅਫਰੀਕਾ ਖਿਲਾਫ ਟੀਮ ਦੀ ਜਿੱਤ 'ਤੇ ਖੁਸ਼ੀ ਦਾ ਇਜ਼ਹਾਰ ਕੀਤਾ।
ਵਿਕਟਕੀਪਰ ਬੱਲੇਬਾਜ਼ ਸਕਾਟ ਐਡਵਰਡਸ ਦੀ ਅਗਵਾਈ ਵਾਲੀ ਡੱਚ ਟੀਮ ਨੇ ਟੇਂਬਾ ਬਾਵੁਮਾ ਦੀ ਕਪਤਾਨੀ ਵਾਲੀ ਦੱਖਣੀ ਅਫਰੀਕਾ ਨੂੰ 38 ਦੌੜਾਂ ਨਾਲ ਹਰਾਇਆ। ਇਸ ਦਾ ਬਹੁਤਾ ਸਿਹਰਾ ਐਡਵਰਡਸ ਨੂੰ ਜਾਂਦਾ ਹੈ, ਜੋ ਵਿਰੋਧੀ ਦੱਖਣੀ ਅਫਰੀਕੀ ਗੇਂਦਬਾਜ਼ੀ ਦੇ ਵਿਚਕਾਰ ਮਜ਼ਬੂਤੀ ਨਾਲ ਖੜ੍ਹੇ ਰਹੇ। ਇੱਕ ਸਮੇਂ ਹਾਲੈਂਡ ਦੀ ਅੱਧੀ ਟੀਮ 100 ਦੌੜਾਂ ਦੇ ਅੰਦਰ ਹੀ ਪੈਵੇਲੀਅਨ ਪਰਤ ਚੁੱਕੀ ਸੀ ਪਰ ਮੀਂਹ ਪ੍ਰਭਾਵਿਤ ਇਸ ਮੈਚ ਵਿੱਚ ਡੱਚ ਕਪਤਾਨ ਐਡਵਰਡਸ ਨੇ ਅੰਤ ਤੱਕ ਡਟ ਕੇ ਆਪਣੀ ਟੀਮ ਨੂੰ 43 ਓਵਰਾਂ ਵਿੱਚ 245 ਦੌੜਾਂ ਦੇ ਚੁਣੌਤੀਪੂਰਨ ਸਕੋਰ ਤੱਕ ਪਹੁੰਚਾਇਆ।
ਐਡਵਰਡਸ ਦੀ 78 ਦੌੜਾਂ ਦੀ ਪਾਰੀ ਕ੍ਰਿਕਟ ਵਿਸ਼ਵ ਕੱਪ ਦੇ ਇਤਿਹਾਸ 'ਚ ਨੰਬਰ 7 ਜਾਂ ਉਸ ਤੋਂ ਹੇਠਾਂ ਬੱਲੇਬਾਜ਼ੀ ਕਰਨ ਵਾਲੇ ਕਿਸੇ ਵੀ ਕਪਤਾਨ ਦੁਆਰਾ ਬਣਾਇਆ ਗਿਆ ਸਰਵਉਤਮ ਸਕੋਰ ਹੈ। ਡੱਚ ਕਪਤਾਨ ਨੇ ਸਾਬਕਾ ਭਾਰਤੀ ਕਪਤਾਨ ਕਪਿਲ ਦੇਵ ਦਾ 36 ਸਾਲ ਪੁਰਾਣਾ ਰਿਕਾਰਡ ਤੋੜ ਦਿੱਤਾ, ਜਿੰਨ੍ਹਾਂ ਨੇ 1987 ਵਿਸ਼ਵ ਕੱਪ 'ਚ ਨਿਊਜ਼ੀਲੈਂਡ ਖਿਲਾਫ 72 ਦੌੜਾਂ ਬਣਾਈਆਂ ਸਨ। ਹੁਣ ਤੱਕ ਇਹ ਰਿਕਾਰਡ ਨਾਥਨ ਕੌਲਟਰ-ਨਾਇਲ ਦੇ ਨਾਂ ਹੈ, ਜਿਸ ਨੇ 2019 ਵਿਸ਼ਵ ਕੱਪ 'ਚ ਵੈਸਟਇੰਡੀਜ਼ ਖਿਲਾਫ 60 ਗੇਂਦਾਂ 'ਚ 92 ਦੌੜਾਂ ਬਣਾਈਆਂ ਸਨ। ਇਸ ਤੋਂ ਬਾਅਦ ਨੀਦਰਲੈਂਡ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਵਿਰੋਧੀ ਟੀਮ ਨੂੰ 38 ਦੌੜਾਂ ਨਾਲ ਹਰਾ ਕੇ ਜਿੱਤ ਦਰਜ ਕੀਤੀ। ਨੀਦਰਲੈਂਡ ਦੀ ਜਿੱਤ ਦੇ ਨਾਲ ਹੀ ਟੂਰਨਾਮੈਂਟ ਵਿੱਚ ਦੱਖਣੀ ਅਫਰੀਕਾ ਦੀ ਹੁਣ ਤੱਕ ਦੀ ਜਿੱਤ ਦਾ ਸਿਲਸਿਲਾ ਵੀ ਟੁੱਟ ਗਿਆ।
ਐਡਵਰਡਸ ਦੀ 68 ਗੇਂਦਾਂ 'ਤੇ 78 ਦੌੜਾਂ ਦੀ ਪਾਰੀ ਦੀ ਮਦਦ ਨਾਲ ਡੱਚ ਟੀਮ ਨੇ ਦੱਖਣੀ ਅਫਰੀਕਾ ਨੂੰ ਹਰਾਇਆ। ਸਕੌਟ ਐਡਵਰਡਸ ਨੇ ਕਿਹਾ ਕਿ ਉਨ੍ਹਾਂ ਨੂੰ ਟੀਮ ਦੀ ਜਿੱਤ 'ਤੇ ਬਹੁਤ ਮਾਣ ਅਤੇ ਖੁਸ਼ੀ ਹੈ। ਐਡਵਰਡਸ ਨੇ ਮੰਗਲਵਾਰ ਦੇਰ ਰਾਤ ਮੈਚ ਤੋਂ ਬਾਅਦ ਦੀ ਪੇਸ਼ਕਾਰੀ ਸਮਾਰੋਹ ਵਿੱਚ ਕਿਹਾ ਕਿ ਅਸੀਂ ਵੱਡੀਆਂ ਉਮੀਦਾਂ ਨਾਲ ਆਏ ਹਾਂ। ਸਾਡੇ ਕੋਲ ਬਹੁਤ ਚੰਗੇ ਖਿਡਾਰੀ ਸਨ। ਮੈਂ ਆਪਣੀ ਪਹਿਲੀ ਜਿੱਤ ਪ੍ਰਾਪਤ ਕਰਕੇ ਖੁਸ਼ ਹਾਂ। ਉਮੀਦ ਹੈ ਕਿ ਕੁਝ ਹੋਰ ਜਿੱਤਾਂ ਹੋਣਗੀਆਂ। ਅਸੀਂ ਬਹੁਤ ਖੋਜ ਕਰਦੇ ਹਾਂ। ਅਸੀਂ ਕੁਝ ਮੈਚਅੱਪ ਲੈ ਕੇ ਆਏ ਹਾਂ। ਕੁਝ ਦਿਨ ਇਹ ਕੰਮ ਕਰਦਾ ਹੈ ਅਤੇ ਕੁਝ ਦਿਨ ਇਹ ਕੰਮ ਨਹੀਂ ਕਰਦਾ। ਅਸੀਂ ਸ਼ੁਰੂਆਤੀ ਕੁਝ ਮੈਚਾਂ ਵਿੱਚ ਚੰਗੀ ਸਥਿਤੀ ਵਿੱਚ ਸੀ ਪਰ ਫਿਰ ਪਿੱਛੇ ਰਹਿ ਗਏ। ਜਿੱਤ ਤੋਂ ਬਹੁਤ ਖੁਸ਼ ਹਾਂ।