ਚੰਡੀਗੜ੍ਹ: ਆਈਪੀਐਲ 2021 ਭਾਵੇਂ ਖਤਮ ਹੋ ਗਿਆ ਹੈ, ਪਰ ਰੋਮਾਂਚ ਕਾਇਮ ਰਹੇਗਾ। ਕਿਉਂਕਿ ਯੂਏਈ ਅਤੇ ਓਮਾਨ ਵਿੱਚ ਆਈਸੀਸੀ ਟੀ-20 ਵਿਸ਼ਵ ਕੱਪ 17 ਅਕਤੂਬਰ ਤੋਂ ਸ਼ੁਰੂ ਹੋਣ ਜਾ ਰਿਹਾ ਹੈ। ਟੂਰਨਾਮੈਂਟ ਦਾ ਫਾਈਨਲ 14 ਨਵੰਬਰ ਨੂੰ ਖੇਡਿਆ ਜਾਵੇਗਾ। ਹਾਲਾਂਕਿ ਟੀਮਾਂ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਭਾਰਤੀ ਟੀਮ ਦੇ ਖਿਡਾਰੀ ਵੀ ਇਥੇ ਹੀ ਹਨ। ਇਸ ਦੇ ਨਾਲ ਹੀ ਦੂਜੇ ਦੇਸ਼ਾਂ ਦੇ ਖਿਡਾਰੀ ਵੀ ਪਹੁੰਚਣੇ ਸ਼ੁਰੂ ਹੋ ਗਏ ਹਨ।
ਟੂਰਨਾਮੈਂਟ ਅਭਿਆਸ ਮੈਚਾਂ ਨਾਲ ਸ਼ੁਰੂ ਹੋਵੇਗਾ। ਆਈਸੀਸੀ ਨੇ ਟੀਮਾਂ ਨੂੰ ਚਾਰ ਸਮੂਹਾਂ ਵਿੱਚ ਵੰਡਿਆ ਹੈ, ਜਿਨ੍ਹਾਂ ਦੇ ਵਿੱਚ ਕੁੱਲ 45 ਮੈਚ ਖੇਡੇ ਜਾਣਗੇ। ਭਾਰਤ ਅਤੇ ਪਾਕਿਸਤਾਨ ਦੋਵਾਂ ਨੂੰ ਹੀ ਇਸ ਵਿਸ਼ਵ ਕੱਪ ਦੇ ਗਰੁੱਪ ਦੋ ਵਿੱਚ ਰੱਖਿਆ ਗਿਆ ਹੈ। 24 ਅਕਤੂਬਰ ਨੂੰ ਦੁਬਈ 'ਚ ਭਾਰਤ ਅਤੇ ਪਾਕਿਸਤਾਨ ਦੇ ਵਿਚਕਾਰ ਮੈਚ ਸ਼ਾਮ ਸਾਢੇ ਸੱਤ ਵਜੇ ਤੋਂ ਦੁਬਈ ਅੰਤਰਰਾਸ਼ਟਰੀ ਕ੍ਰਿਕਟ ਸਟੇਡੀਅਮ 'ਚ ਖੇਡਿਆ ਜਾਵੇਗਾ।
ਤੁਹਾਨੂੰ ਦੱਸ ਦੇਈਏ ਕਿ ਆਖਰੀ ਟੀ-20 ਵਿਸ਼ਵ ਕੱਪ ਭਾਰਤ ਵਿੱਚ 2016 ਵਿੱਚ ਖੇਡਿਆ ਗਿਆ ਸੀ। ਇਸ ਸਾਲ ਵੀ ਇਹ ਟੂਰਨਾਮੈਂਟ ਭਾਰਤ ਵਿੱਚ ਹੀ ਹੋਣਾ ਸੀ ਪਰ ਕੋਰੋਨਾ ਦੀ ਦੂਜੀ ਲਹਿਰ ਦੇ ਕਾਰਨ ਇਸਨੂੰ ਯੂਏਈ ਅਤੇ ਓਮਾਨ ਵਿੱਚ ਤਬਦੀਲ ਕਰ ਦਿੱਤਾ ਗਿਆ। ਹਾਲਾਂਕਿ ਬੀਸੀਸੀਆਈ(BCCI) ਹੀ ਇਸ ਟੂਰਨਾਮੈਂਟ ਦਾ ਮੇਜ਼ਬਾਨ ਹੈ। ਵੈਸਟਇੰਡੀਜ਼ ਦੁਨੀਆ ਦੀ ਇਕਲੌਤੀ ਅਜਿਹੀ ਟੀਮ ਹੈ ਜਿਸ ਨੇ ਇਹ ਖਿਤਾਬ ਦੋ ਵਾਰ ਜਿੱਤਿਆ ਹੈ।
ਜੇਤੂ ਟੀਮ ਨੂੰ ਮਿਲਣਗੇ ਦੋ ਅੰਕ
ਟੀ-20 ਵਿਸ਼ਵ ਕੱਪ ਦੇ ਹਰ ਮੈਚ ਵਿੱਚ ਜੇਤੂ ਟੀਮ ਨੂੰ ਦੋ ਅੰਕ ਦਿੱਤੇ ਜਾਣਗੇ। ਦੂਜੇ ਪਾਸੇ, ਟਾਈ ਜਾਂ ਕੋਈ ਨਤੀਜਾ ਨਾ ਹੋਣ ਦੀ ਸਥਿਤੀ ਵਿੱਚ ਦੋਵਾਂ ਟੀਮਾਂ ਨੂੰ ਇੱਕ -ਇੱਕ ਅੰਕ ਦਿੱਤਾ ਜਾਵੇਗਾ। ਗਰੁੱਪ 1 ਅਤੇ ਗਰੁੱਪ 2 ਵਿੱਚੋਂ ਚੋਟੀ ਦੀਆਂ ਦੋ ਟੀਮਾਂ ਸੈਮੀਫਾਈਨਲ ਵਿੱਚ ਪਹੁੰਚਣਗੀਆਂ।
ਇੱਥੇ ਤੁਸੀਂ ਵੇਖ ਸਕਦੇ ਹੋ ਟੀ-20 ਵਿਸ਼ਵ ਕੱਪ ਦੇ ਮੈਚ
ਤੁਸੀਂ ਟੀ-20 ਵਿਸ਼ਵ ਕੱਪ ਮੈਚਾਂ ਨੂੰ ਸਟਾਰ ਸਪੋਰਟਸ 1 ਅਤੇ ਸਟਾਰ ਸਪੋਰਟਸ 2 'ਤੇ ਲਾਈਵ ਦੇਖ ਸਕਦੇ ਹੋ। ਇਸ ਤੋਂ ਇਲਾਵਾ ਸਟਾਰ ਸਪੋਰਟਸ 3 ਅਤੇ ਸਟਾਰ ਸਪੋਰਟਸ ਐਚਡੀ ਚੈਨਲ 'ਤੇ ਮੈਚ ਦਾ ਸਿੱਧਾ ਪ੍ਰਸਾਰਣ ਵੀ ਕੀਤਾ ਜਾਵੇਗਾ। ਤੁਸੀਂ ਇਹ ਮੈਚ ਡਿਜ਼ਨੀ ਹੌਟਸਟਾਰ ਦੇ ਐਪ ਅਤੇ ਵੈਬਸਾਈਟ 'ਤੇ ਆਪਣੇ ਮੋਬਾਈਲ 'ਤੇ ਲਾਈਵ ਵੀ ਦੇਖ ਸਕਦੇ ਹੋ।
ਆਈਸੀਸੀ ਟੀ-20 ਵਿਸ਼ਵ ਕੱਪ ਟੀਮ'ਚ ਇਹ ਹੋਣਗੇ ਭਾਰਤੀ ਖਿਡਾਰੀ
ਵਿਰਾਟ ਕੋਹਲੀ (ਕਪਤਾਨ), ਰੋਹਿਤ ਸ਼ਰਮਾ (ਉਪ ਕਪਤਾਨ), ਕੇਐਲ ਰਾਹੁਲ, ਸੂਰਯਕੁਮਾਰ ਯਾਦਵ, ਰਿਸ਼ਭ ਪੰਤ (ਵਿਕਟਕੀਪਰ), ਈਸ਼ਾਨ ਕਿਸ਼ਨ, ਹਾਰਦਿਕ ਪੰਡਯਾ, ਰਵਿੰਦਰ ਜਡੇਜਾ, ਰਾਹੁਲ ਚਾਹਰ, ਰਵੀਚੰਦਰਨ ਅਸ਼ਵਿਨ, ਸ਼ਾਰਦੁਲ ਠਾਕੁਰ, ਵਰੁਣ ਚੱਕਰਵਰਤੀ, ਜਸਪ੍ਰੀਤ ਬੁਮਰਾਹ, ਭੁਵਨੇਸ਼ਵਰ ਕੁਮਾਰ ਅਤੇ ਮੁਹੰਮਦ ਸ਼ਮੀ।
ਟੂਰਨਾਮੈਂਟ ਵਿੱਚ ਭਾਰਤ ਦੇ ਮੈਚ ਕਦੋਂ ਹੋਣਗੇ?
- 24 ਅਕਤੂਬਰ - ਭਾਰਤ ਬਨਾਮ ਪਾਕਿਸਤਾਨ
- 31 ਅਕਤੂਬਰ - ਭਾਰਤ ਬਨਾਮ ਨਿਊਜ਼ੀਲੈਂਡ
- 3 ਨਵੰਬਰ - ਭਾਰਤ ਬਨਾਮ ਅਫਗਾਨਿਸਤਾਨ
- 5 ਨਵੰਬਰ -ਭਾਰਤ ਬਨਾਮ ਕੁਆਲੀਫਾਇਰ (ਕੁਆਲੀਫਾਇੰਗ ਗੇੜ ਵਿੱਚ ਗਰੁੱਪ ਬੀ ਦਾ ਜੇਤੂ)
- 8 ਨਵੰਬਰ - ਭਾਰਤ ਬਨਾਮ ਕੁਆਲੀਫਾਇਰ (ਕੁਆਲੀਫਾਇੰਗ ਗੇੜ ਵਿੱਚ ਗਰੁੱਪ ਏ ਦੀ ਉਪ ਜੇਤੂ ਟੀਮ)
ਟੀ-20 ਵਿਸ਼ਵ ਕੱਪ 2021 ਦੇ ਰਾਊਂਡ 1 ਦੇ ਮੈਚਾਂ ਦੀ ਸੂਚੀ
17 ਅਕਤੂਬਰ-ਓਮਾਨ ਬਨਾਮ ਪਾਪੁਆ ਨਿਊ ਗਿਨੀ-ਓਮਾਨ ਵਿੱਚ
ਬੰਗਲਾਦੇਸ਼ ਬਨਾਮ ਸਕੌਟਲੈਂਡ - ਓਮਾਨ ਵਿੱਚ
18 ਅਕਤੂਬਰ-ਆਇਰਲੈਂਡ ਬਨਾਮ ਨੀਦਰਲੈਂਡਜ਼- ਅਬੂ ਧਾਬੀ ਵਿੱਚ
ਸ਼੍ਰੀਲੰਕਾ ਬਨਾਮ ਨਾਮੀਬੀਆ - ਅਬੂ ਧਾਬੀ ਵਿੱਚ
19 ਅਕਤੂਬਰ-ਸਕਾਟਲੈਂਡ ਬਨਾਮ ਪਾਪੁਆ ਨਿਊ ਗਿਨੀ-ਓਮਾਨ ਵਿੱਚ
ਓਮਾਨ ਬਨਾਮ ਬੰਗਲਾਦੇਸ਼-ਓਮਾਨ ਵਿੱਚ
20 ਅਕਤੂਬਰ-ਨਾਮੀਬੀਆ ਬਨਾਮ ਨੀਦਰਲੈਂਡਜ਼-ਅਬੂ ਧਾਬੀ ਵਿੱਚ
ਸ਼੍ਰੀਲੰਕਾ ਬਨਾਮ ਆਇਰਲੈਂਡ-ਅਬੂ ਧਾਬੀ ਵਿੱਚ
21 ਅਕਤੂਬਰ-ਬੰਗਲਾਦੇਸ਼ ਬਨਾਮ ਪਾਪੁਆ ਨਿਊ ਗਿਨੀ-ਓਮਾਨ ਵਿੱਚ
ਓਮਾਨ ਬਨਾਮ ਸਕੌਟਲੈਂਡ-ਓਮਾਨ ਵਿੱਚ
22 ਅਕਤੂਬਰ-ਨਾਮੀਬੀਆ ਬਨਾਮ ਆਇਰਲੈਂਡ-ਸ਼ਾਰਜਾਹ ਵਿੱਚ
ਸ਼੍ਰੀਲੰਕਾ ਬਨਾਮ ਨੀਦਰਲੈਂਡਜ਼-ਸ਼ਾਰਜਾਹ ਵਿੱਚ
ਆਈਸੀਸੀ ਟੀ -20 ਵਿਸ਼ਵ ਕੱਪ 2021 ਸੁਪਰ 12 ਮੈਚਾਂ ਦਾ ਸ਼ਡਿਊਲ
ਗਰੁੱਪ 1 ਮੈਚਾਂ ਦੇ ਮੁਕਾਬਲੇ
23 ਅਕਤੂਬਰ - ਆਸਟ੍ਰੇਲੀਆ ਬਨਾਮ ਦੱਖਣੀ ਅਫਰੀਕਾ ਦੁਪਹਿਰ 3:30 ਵਜੇ ਅਬੂ ਧਾਬੀ ਵਿੱਚ
23 ਅਕਤੂਬਰ - ਇੰਗਲੈਂਡ ਬਨਾਮ ਵੈਸਟਇੰਡੀਜ਼ ਸ਼ਾਮ 6 ਵਜੇ ਦੁਬਈ ਵਿੱਚ
24 ਅਕਤੂਬਰ - ਏ 1 ਬਨਾਮ ਬੀ 2 ਸ਼ਾਰਜਾਹ ਵਿੱਚ ਦੁਪਹਿਰ 3:30 ਵਜੇ