ਹੈਦਰਾਬਾਦ:IPL 2022 ਵਿੱਚ ਆਪਣੀ ਤੂਫ਼ਾਨੀ ਬੱਲੇਬਾਜ਼ੀ ਕਰਕੇ ਸੁਰਖੀਆਂ ਵਿੱਚ ਰਹੇ ਟਿਮ ਡੇਵਿਡ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਵਾਇਰਲ ਹੋ ਰਿਹਾ ਹੈ। ਵੀਡੀਓ 'ਚ ਉਸ ਨੂੰ ਫੀਲਡਿੰਗ ਕਰਦੇ ਸਮੇਂ ਪੈਂਟ ਉਤਰਦੀ ਹੈ। ਦਰਅਸਲ, ਇਹ ਘਟਨਾ 29 ਮਈ ਨੂੰ ਮੈਨਚੈਸਟਰ ਦੇ ਐਮੀਰੇਟਸ ਓਲਡ ਟ੍ਰੈਫੋਰਡ ਮੈਦਾਨ 'ਤੇ ਖੇਡੇ ਗਏ ਲੰਕਾਸ਼ਾਇਰ ਅਤੇ ਵਰਸੇਸਟਰਸ਼ਾਇਰ ਵਿਚਾਲੇ ਟੀ-20 ਬਲਾਸਟ 2022 ਮੈਚ ਦੀ ਹੈ।
ਤੁਹਾਨੂੰ ਦੱਸ ਦੇਈਏ ਕਿ Vitalityblast ਨੇ ਇਸ ਘਟਨਾ ਦਾ ਵੀਡੀਓ ਆਪਣੇ ਇੰਸਟਾਗ੍ਰਾਮ 'ਤੇ ਜਾਰੀ ਕੀਤਾ ਹੈ। ਉਸਨੇ ਵੀਡੀਓ ਦੇ ਕੈਪਸ਼ਨ ਵਿੱਚ ਲਿਖਿਆ, ਫੀਲਡਿੰਗ ਟਿਪ: ਕੋਸ਼ਿਸ਼ ਕਰੋ ਕਿ ਆਪਣੇ ਟਰਾਊਜ਼ਰ ਨੂੰ ਨਾ ਉਤਰਨ ਦਿਓ! ਉਸ ਨੇ ਵੀਡੀਓ ਨੂੰ ਟਿਮ ਡੇਵਿਡ ਨੂੰ ਵੀ ਟੈਗ ਕੀਤਾ ਹੈ। ਵੀਡੀਓ ਦੇਖ ਕੇ ਤੁਹਾਡਾ ਵੀ ਹਾਸਾ ਨਹੀਂ ਰੁਕੇਗਾ।
ਆਈਪੀਐਲ 2022 ਵਿੱਚ ਸਭ ਤੋਂ ਵਧੀਆ ਸਟ੍ਰਾਈਕ ਰੇਟ ਦੇ ਮਾਮਲੇ ਵਿੱਚ ਟਿਮ ਡੇਵਿਡ ਪੈਟ ਕਮਿੰਸ ਤੋਂ ਬਾਅਦ ਦੂਜੇ ਨੰਬਰ 'ਤੇ ਸੀ। ਕਮਿੰਸ ਨੇ ਪੰਜ ਮੈਚਾਂ ਵਿੱਚ 262.50 ਦੀ ਸਟ੍ਰਾਈਕ ਰੇਟ ਨਾਲ 63 ਦੌੜਾਂ ਬਣਾਈਆਂ। ਆਈਪੀਐਲ 2022 ਵਿੱਚ ਮੁੰਬਈ ਇੰਡੀਅਨਜ਼ ਦੀ ਮੁਹਿੰਮ ਦੀ ਸਮਾਪਤੀ ਤੋਂ ਬਾਅਦ, ਉਹ ਇੰਗਲੈਂਡ ਲਈ ਰਵਾਨਾ ਹੋ ਗਿਆ। ਉੱਥੇ ਉਸ ਨੇ ਲੰਕਾਸ਼ਾਇਰ ਲਈ 27 ਅਤੇ 29 ਮਈ ਨੂੰ ਮੈਚ ਖੇਡੇ।