ਮੁੰਬਈ ਨੇ ਦਿੱਲੀ ਨੂੰ 9 ਵਿਕਟਾਂ ਨਾਲ ਹਰਾਇਆ, ਕਿਸ਼ਨ ਨੇ ਬਣਾਈਆਂ ਨਾਬਾਦ 72 ਦੌੜਾਂ

ਮੁੰਬਈ ਇੰਡੀਅਨਜ਼ ਨੇ ਸਨਿਚਰਵਾਰ ਨੂੰ ਦੁਬਈ ਇੰਟਰਨੈਸ਼ਨਲ ਸਟੇਡੀਅਮ ਵਿਖੇ ਖੇਡੇ ਗਏ ਇੰਡੀਅਨ ਪ੍ਰੀਮਿਅਰ ਲੀਗ ਦੇ 13ਵੇਂ ਸੀਜ਼ਨ ਦੇ 51ਵੇਂ ਮੈਚ ਵਿੱਚ ਦਿੱਲੀ ਕੈਪਿਟਲਜ਼ ਨੂੰ 9 ਵਿਕਟਾਂ ਨਾਲ ਕਰਾਰੀ ਮਾਤ ਦਿੱਤੀ।

ਹੈਦਰਾਬਾਦ: ਮੁੰਬਈ ਇੰਡੀਅਨਜ਼ ਨੇ ਸਨਿਚਰਵਾਰ ਨੂੰ ਇਥੇ ਦੁਬਈ ਇੰਟਰਨੈਸ਼ਨਲ ਸਟੇਡੀਅਮ ਵਿਖੇ ਖੇਡੇ ਗਏ ਇੰਡੀਅਨ ਪ੍ਰੀਮਿਅਰ ਲੀਗ (ਆਈਪੀਐੱਲ) ਦੇ 13ਵੇਂ ਸੀਜ਼ਨ ਦੇ 51ਵੇਂ ਮੈਚ ਵਿੱਚ ਦਿੱਲੀ ਕੈਪਿਟਲਜ਼ ਨੂੰ 9 ਵਿਕਟਾਂ ਨਾਲ ਕਰਾਰੀ ਮਾਤ ਦਿੱਤੀ ਹੈ।

ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਉੱਤਰੀ ਦਿੱਲੀ ਦੀ ਟੀਮ 9 ਵਿਕਟਾਂ ਉੱਤੇ ਕੇਵਲ 110 ਦੌੜਾਂ ਹੀ ਬਣਾ ਸਕੀ, ਜਿਸ ਨੂੰ ਮੁੰਬਈ ਨੇ 14.2 ਓਵਰਾਂ ਵਿੱਚ ਇੱਕ ਵਿਕਟ ਦਾ ਨੁਕਸਾਨ ਨਾਲ ਹਾਸਲ ਕਰ ਲਿਆ।

ਮੁੰਬਈ ਦੇ ਲਈ ਈਸ਼ਾਨ ਕਿਸ਼ਨ ਨੇ 47 ਦੌੜਾਂ ਉੱਤੇ 8 ਚੌਕੇ ਅਤੇ 3 ਛੱਕਿਆਂ ਦੀ ਮਦਦ ਨਾਲ ਨਾਬਾਦ 12 ਦੌੜਾਂ ਬਣਾਈਆਂ।

ਦਿੱਲੀ ਕੈਪਿਟਲਜ਼ ਦੇ ਲਈ ਐਨਰਿਕ ਨਾਰਟਜੇ ਨੂੰ ਇੱਕ ਹੀ ਸਫ਼ਲਤਾ ਮਿਲੀ। ਦਿੱਲੀ ਦੀ ਇਹ ਲਗਾਤਾਰ ਚੌਥੀ ਹਾਰ ਹੈ। ਹੁਣ ਉਸ ਦੇ ਖ਼ਾਤੇ ਵਿੱਚ ਇੱਕ ਮੈਚ ਬਚਿਆ ਹੈ ਅਤੇ ਪਲੇਆਫ਼ ਦੇ ਲਈ ਉਸ ਨੂੰ ਹਰ ਹਾਲ ਵਿੱਚ ਇਸ ਮੈਚ ਨੂੰ ਜਿੱਤਣਾ ਹੋਵੇਗਾ।