ਨਵੀਂ ਦਿੱਲੀ:ਆਸਟ੍ਰੇਲੀਆ ਕ੍ਰਿਕਟ ਟੀਮ ਦੇ ਕਪਤਾਨ ਅਤੇ ਤੇਜ਼ ਗੇਂਦਬਾਜ਼ ਪੈਟ ਕਮਿੰਸ ਦਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਹੈ। ਉਸ ਨੇ ਸਿਡਨੀ 'ਚ ਪਾਕਿਸਤਾਨ ਖਿਲਾਫ ਖੇਡੇ ਜਾ ਰਹੇ ਦੂਜੇ ਟੈਸਟ ਮੈਚ ਦੇ ਪਹਿਲੇ ਦਿਨ ਗੇਂਦ ਨਾਲ ਧਮਾਕੇਦਾਰ ਪ੍ਰਦਰਸ਼ਨ ਕੀਤਾ ਅਤੇ 5 ਵਿਕਟਾਂ ਲਈਆਂ। ਇਸ ਦੇ ਨਾਲ ਹੀ ਪੈਟ ਕਮਿੰਸ ਨੇ ਲਗਾਤਾਰ ਤਿੰਨ ਟੈਸਟ ਪਾਰੀਆਂ 'ਚ 5 ਵਿਕਟਾਂ ਹਾਸਲ ਕੀਤੀਆਂ ਹਨ। ਉਸ ਨੇ ਪਾਕਿਸਤਾਨ ਖ਼ਿਲਾਫ਼ ਦੂਜੇ ਟੈਸਟ ਮੈਚ ਦੀ ਪਹਿਲੀ ਅਤੇ ਦੂਜੀ ਪਾਰੀ ਵਿੱਚ ਪੰਜ ਵਿਕਟਾਂ ਝਟਕਾਈਆਂ। ਹੁਣ ਇਕ ਵਾਰ ਫਿਰ ਕਮਿੰਸ ਨੇ 5 ਵਿਕਟਾਂ ਲੈ ਕੇ ਨਵਾਂ ਰਿਕਾਰਡ ਬਣਾਇਆ ਹੈ।
ਪੈਟ ਕਮਿੰਸ ਗੇਂਦ ਨਾਲ ਟੈਸਟ ਕ੍ਰਿਕਟ 'ਚ ਮਚਾ ਰਹੇ ਧਮਾਲ, ਲਗਾਤਾਰ ਤੀਜੀ ਵਾਰ ਪੰਜ ਵਿਕਟਾਂ ਕੀਤੀਆਂ ਹਾਸਿਲ - Mohammad Rizwan
PAT CUMMINS TOOK FIVE WICKET HAUL: ਪੈਟ ਕਮਿੰਸ ਗੇਂਦ ਨਾਲ ਚਮਕ ਰਹੇ ਹਨ, ਉਸ ਨੇ ਆਪਣੀ ਲਗਾਤਾਰ ਤੀਜੀ ਟੈਸਟ ਪਾਰੀ 'ਚ ਪਾਕਿਸਤਾਨ ਦੇ ਖਿਲਾਫ ਇੱਕ ਵਾਰ ਫਿਰ ਪੰਜ ਵਿਕਟਾਂ ਦੀ ਝੜੀ ਲਗਾਈ ਹੈ। ਉਸ ਦੀ ਜ਼ਬਰਦਸਤ ਗੇਂਦਬਾਜ਼ੀ ਦੇ ਸਾਹਮਣੇ ਪਾਕਿਸਤਾਨੀ ਬੱਲੇਬਾਜ਼ ਟਿਕ ਨਹੀਂ ਸਕੇ ਅਤੇ ਇੱਕ ਤੋਂ ਬਾਅਦ ਇੱਕ ਪੈਵੇਲੀਅਨ ਜਾਂਦੇ ਰਹੇ।
Pat Cummins
Published : Jan 3, 2024, 4:13 PM IST
ਪੈਟ ਕਮਿੰਸ ਨੇ ਲਈਆਂ 5 ਵਿਕਟਾਂ :ਇਸ ਮੈਚ 'ਚ ਪਾਕਿਸਤਾਨ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਪਹਿਲੀ ਪਾਰੀ 'ਚ ਸਿਰਫ 313 ਦੌੜਾਂ ਬਣਾਈਆਂ। ਇਸ ਪਾਰੀ ਵਿੱਚ ਪੈਟ ਕਮਿੰਸ ਨੇ 18 ਓਵਰਾਂ ਵਿੱਚ 61 ਦੌੜਾਂ ਦੇ ਕੇ 5 ਵਿਕਟਾਂ ਲਈਆਂ। ਇਸ ਦੌਰਾਨ ਉਸ ਨੇ 1 ਮੇਡਨ ਓਵਰ ਵੀ ਸੁੱਟਿਆ। ਕਮਿੰਸ ਨੇ ਪਹਿਲਾਂ ਬਾਬਰ ਆਜ਼ਮ ਨੂੰ ਪਾਰੀ ਦੇ 11ਵੇਂ ਓਵਰ ਦੀ 5ਵੀਂ ਗੇਂਦ 'ਤੇ 26 ਦੌੜਾਂ ਦੇ ਨਿੱਜੀ ਸਕੋਰ 'ਤੇ ਐੱਲ.ਬੀ.ਡਬਲਯੂ. ਇਸ ਤੋਂ ਬਾਅਦ ਉਸ ਨੇ 15ਵੇਂ ਓਵਰ ਦੀ ਚੌਥੀ ਗੇਂਦ 'ਤੇ 5 ਦੌੜਾਂ ਦੇ ਨਿੱਜੀ ਸਕੋਰ 'ਤੇ ਸੌਦ ਸ਼ਕੀਲ ਨੂੰ ਪੈਵੇਲੀਅਨ ਦਾ ਰਸਤਾ ਦਿਖਾਇਆ।
ਪ੍ਰਮੁੱਖ ਬੱਲੇਬਾਜ਼ਾਂ ਦੀਆਂ ਲਈਆਂ ਵਿਕਟਾਂ:ਉਸ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕਰ ਰਹੇ ਮੁਹੰਮਦ ਰਿਜ਼ਵਾਨ ਨੂੰ ਤੀਜਾ ਸ਼ਿਕਾਰ ਬਣਾਇਆ। ਰਿਜ਼ਵਾਨ 88 ਦੌੜਾਂ ਬਣਾ ਕੇ 47ਵੇਂ ਓਵਰ ਦੀ ਦੂਜੀ ਗੇਂਦ 'ਤੇ ਜੋਸ਼ ਹੇਜ਼ਲਵੁੱਡ ਹੱਥੋਂ ਕੈਚ ਆਊਟ ਹੋ ਗਏ। ਇਸ ਤੋਂ ਬਾਅਦ ਕਮਿੰਸ ਨੇ ਸਾਜਿਦ ਖਾਨ ਨੂੰ 53ਵੇਂ ਓਵਰ ਦੀ ਦੂਜੀ ਗੇਂਦ 'ਤੇ 15 ਦੌੜਾਂ ਦੇ ਨਿੱਜੀ ਸਕੋਰ 'ਤੇ ਡਗਆਊਟ ਤੋਂ ਬਾਹਰ ਭੇਜਿਆ। ਉਸ ਨੇ ਆਪਣਾ ਆਖਰੀ ਵਿਕਟ 55ਵੇਂ ਓਵਰ ਦੀ ਆਖਰੀ ਗੇਂਦ 'ਤੇ ਹਸਨ ਅਲੀ (0) ਦੇ ਰੂਪ 'ਚ ਹਾਸਲ ਕੀਤਾ।