ਨਵੀਂ ਦਿੱਲੀ : ਆਸਟ੍ਰੇਲੀਆ ਮਹਿਲਾ ਟੀਮ ਦੀ ਕਪਤਾਨ ਮੇਗ ਲੈਨਿੰਗ ਨੇ ਟੀ-20 ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਇਕ ਖਾਸ ਰਿਕਾਰਡ ਬਣਾਇਆ ਹੈ। ਮੇਗ ਲੈਨਿੰਗ ਦੀ ਕਪਤਾਨੀ ਹੇਠ ਆਸਟ੍ਰੇਲੀਆ ਮਹਿਲਾ ਟੀ-20 ਵਿਸ਼ਵ ਕੱਪ 2023 ਦਾ 8ਵਾਂ ਸੀਜ਼ਨ ਜਿੱਤ ਕੇ 6ਵੀਂ ਵਾਰ ਚੈਂਪੀਅਨ ਬਣਿਆ ਹੈ। ਆਸਟ੍ਰੇਲੀਆ ਦੀ ਟੀਮ ਨੇ ਇਹ ਟੀ-20 ਵਿਸ਼ਵ ਕੱਪ ਟਰਾਫੀ ਜਿੱਤ ਕੇ ਦੂਜੀ ਵਾਰ ਹੈਟ੍ਰਿਕ ਲਗਾਈ ਹੈ ਅਤੇ ਮੇਗ ਲੈਨਿੰਗ ਦੀ ਕਪਤਾਨੀ ਵਿੱਚ ਟੀਮ ਦੀ ਇਹ ਪਹਿਲੀ ਹੈਟ੍ਰਿਕ ਹੋਵੇਗੀ। ਟੀ-20 ਅੰਤਰਰਾਸ਼ਟਰੀ ਪੁਰਸ਼ ਅਤੇ ਮਹਿਲਾ ਕ੍ਰਿਕਟਰਾਂ ਵਿੱਚ ਹਾਲੇ ਤੱਕ ਕੋਈ ਵੀ ਅਜਿਹਾ ਨਹੀਂ ਕਰ ਸਕਿਆ ਹੈ, ਪਰ ਮੇਗ ਲੈਨਿੰਗ ਨੇ ਬਤੌਰ ਕਪਤਾਨ ਆਪਣੇ 100 ਟੀ-20 ਅੰਤਰਰਾਸ਼ਟਰੀ ਮੈਚ ਪੂਰੇ ਕਰ ਲਏ ਹਨ। ਮੇਗ ਦੀ ਇਸ ਪ੍ਰਾਪਤ ਦੀ ਕਾਫੀ ਪ੍ਰਸ਼ੰਸਾ ਹੋ ਰਹੀ ਹੈ।
ਇਹ ਵੀ ਪੜ੍ਹੋ :WOMENS T20 WC CHAMPIONS: ਇਸ ਮਹਿਲਾ ਕਪਤਾਨ ਨੇ ਰਿੱਕੀ ਪੌਂਟਿੰਗ ਤੇ ਧੋਨੀ ਨੂੰ ਛੱਡਿਆ ਪਿੱਛੇ
ਇਸ ਕਾਰਨ ਮੇਗ ਲੈਨਿੰਗ ਬਣੀ ਸਭ ਤੋਂ ਸਫਲ ਕਪਤਾਨ :ਆਸਟ੍ਰੇਲੀਆ ਟੀਮ ਦੀ ਕਪਤਾਨੀ 'ਚ ਮੇਗ ਲੈਨਿੰਗ ਦਾ ਰਿਕਾਰਡ ਸ਼ਾਨਦਾਰ ਰਿਹਾ ਹੈ। ਮੇਗ ਲੈਨਿੰਗ 2014 ਤੋਂ 2023 ਤੱਕ ਖੇਡੇ ਗਏ ਟੀ-20 ਅੰਤਰਰਾਸ਼ਟਰੀ ਮੈਚਾਂ 'ਚ ਆਸਟ੍ਰੇਲੀਆ ਦੀ ਕਪਤਾਨ ਰਹੀ ਹੈ। ਇਸ ਦੌਰਾਨ ਟੀਮ ਨੇ ਵੀ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਮੇਗ ਲੈਨਿੰਗ ਦੀ ਕਪਤਾਨੀ ਹੇਠ ਆਈਸੀਸੀ ਟੀ-20 ਕ੍ਰਿਕਟ ਦੇ 100 ਮੈਚਾਂ ਵਿੱਚ ਆਸਟ੍ਰੇਲੀਆ ਨੇ ਲਗਭਗ 76 ਮੈਚ ਜਿੱਤੇ ਹਨ। ਇਸ ਕਾਰਨ ਮੇਗ ਲੈਨਿੰਗ ਸਭ ਤੋਂ ਸਫਲ ਕਪਤਾਨ ਬਣ ਗਈ ਹੈ। 100 ਟੀ-20 ਮੈਚਾਂ 'ਚੋਂ ਮੇਗ ਲੈਨਿੰਗ ਨੂੰ 18 ਮੈਚਾਂ 'ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਇਸ ਦੇ ਨਾਲ ਹੀ ਇਨ੍ਹਾਂ 100 ਮੈਚਾਂ ਵਿੱਚੋਂ 5 ਮੈਚਾਂ ਦਾ ਕੋਈ ਨਤੀਜਾ ਨਹੀਂ ਨਿਕਲਿਆ ਅਤੇ ਬਾਕੀ ਇੱਕ ਮੈਚ ਬਰਾਬਰ ਰਿਹਾ।
ਇਹ ਵੀ ਪੜ੍ਹੋ :Women T20 World Cup Stat : ਜਾਣੋ ਕਿਹੜੇ ਖਿਡਾਰੀ ਨੇ ਬਣਾਏ ਸਭ ਤੋਂ ਜ਼ਿਆਦਾ ਰਨ, ਕਿਸਨੇ ਲਏ ਸਭ ਤੋਂ ਜ਼ਿਆਦਾ ਵਿਕੇਟ
ਦੂਜੇ ਨੰਬਰ 'ਤੇ ਭਾਰਤੀ ਮਹਿਲਾ ਟੀਮ ਦੀ ਕਪਤਾਨ ਹਰਮਨਪ੍ਰੀਤ ਕੌਰ ਦਾ ਨਾਂ :ਮੇਗ ਲੈਨਿੰਗ ਦੀ ਕਪਤਾਨੀ 'ਚ ਆਸਟ੍ਰੇਲੀਆਈ ਟੀਮ ਦੀ ਟੀ-20 ਅੰਤਰਰਾਸ਼ਟਰੀ ਮੈਚ ਜਿੱਤਣ ਦੀ ਔਸਤ 80.52 ਫੀਸਦੀ ਹੈ। ਇਸ ਮਾਮਲੇ 'ਚ ਦੂਜੇ ਨੰਬਰ 'ਤੇ ਭਾਰਤੀ ਮਹਿਲਾ ਟੀਮ ਦੀ ਕਪਤਾਨ ਹਰਮਨਪ੍ਰੀਤ ਕੌਰ ਦਾ ਨਾਂ ਆਉਂਦਾ ਹੈ। ਹਰਮਨਪ੍ਰੀਤ ਨੇ 2012 ਤੋਂ 2023 ਤੱਕ ਆਈਸੀਸੀ ਟੀ-20 ਕ੍ਰਿਕਟ ਵਿੱਚ 96 ਮੈਚਾਂ ਵਿੱਚ ਟੀਮ ਇੰਡੀਆ ਦੀ ਕਪਤਾਨੀ ਕੀਤੀ ਹੈ। ਇਨ੍ਹਾਂ 96 ਮੈਚਾਂ 'ਚੋਂ ਟੀਮ ਇੰਡੀਆ ਨੇ 54 ਮੈਚ ਜਿੱਤੇ ਹਨ ਅਤੇ 37 ਮੈਚਾਂ 'ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਇਸ ਤੋਂ ਇਲਾਵਾ 96 ਟੀ-20 ਅੰਤਰਰਾਸ਼ਟਰੀ ਮੈਚਾਂ 'ਚੋਂ 5 ਮੈਚਾਂ ਦਾ ਕੋਈ ਨਤੀਜਾ ਨਹੀਂ ਨਿਕਲਿਆ। ਇਸ ਦੇ ਨਾਲ ਹੀ ਇਕ ਮੈਚ ਬਰਾਬਰ ਰਿਹਾ। ਟੀਮ ਇੰਡੀਆ ਦੇ ਆਈਸੀਸੀ ਟੀ-20 ਮੈਚਾਂ ਦੀ ਜਿੱਤ ਦੀ ਪ੍ਰਤੀਸ਼ਤਤਾ ਦੀ ਗੱਲ ਕਰੀਏ ਤਾਂ ਇਹ 59.23 ਰਹੀ ਹੈ।
