ਸੱਟ ਲੱਗਣ ਕਾਰਨ ਕਰੁਣਾਲ ਪੰਡਯਾ ਕਾਊਂਟੀ ਕ੍ਰਿਕਟ ਤੋਂ ਬਾਹਰ

ਆਲਰਾਊਂਡਰ ਕਰੁਣਾਲ ਪੰਡਯਾ Krunal Pandya ਪੱਟ ਦੀਆਂ ਮਾਸਪੇਸ਼ੀਆਂ ਵਿੱਚ ਖਿਚਾਅ ਕਾਰਨ ਰਾਇਲ ਲੰਡਨ ਵਨ ਡੇ ਕੱਪ Royal One Day Cup ਵਿੱਚ ਇੰਗਲਿਸ਼ ਕਾਊਂਟੀ ਵਾਰਵਿਕਸ਼ਾਇਰ Warwickshire ਲਈ ਨਹੀਂ ਖੇਡ ਸਕਣਗੇ।

ਲੰਡਨ—ਭਾਰਤੀ ਕ੍ਰਿਕਟ ਟੀਮ ਤੋਂ ਬਾਹਰ ਹੋ ਚੁੱਕੇ ਆਲਰਾਊਂਡਰ ਕਰੁਣਾਲ ਪੰਡਯਾ (Krunal Pandya) ਪੱਟ ਦੀਆਂ ਮਾਸਪੇਸ਼ੀਆਂ 'ਚ ਖਿਚਾਅ ਕਾਰਨ ਰਾਇਲ ਲੰਡਨ ਵਨ ਡੇ ਕੱਪ (Royal One Day Cup) 'ਚ ਇੰਗਲਿਸ਼ ਕਾਊਂਟੀ ਵਾਰਵਿਕਸ਼ਾਇਰ (Warwickshire) ਲਈ ਨਹੀਂ ਖੇਡ ਸਕਣਗੇ। ਇਹ 31 ਸਾਲਾ ਭਾਰਤੀ ਖਿਡਾਰੀ 17 ਅਗਸਤ ਨੂੰ ਨਾਟਿੰਘਮਸ਼ਾਇਰ ਖਿਲਾਫ ਵਾਰਵਿਕਸ਼ਾਇਰ ਲਈ ਬੱਲੇਬਾਜ਼ੀ ਕਰਦੇ ਹੋਏ ਜ਼ਖਮੀ ਹੋ ਗਿਆ ਸੀ।

ਇਸ ਤੋਂ ਬਾਅਦ ਕਰੁਣਾਲ (Krunal Pandya) ਮੈਦਾਨ 'ਤੇ ਨਹੀਂ ਉਤਰੇ। ਉਹ ਮਿਡਲਸੈਕਸ ਅਤੇ ਡਰਹਮ ਦੇ ਖਿਲਾਫ ਅਗਲੇ ਦੋ ਮੈਚਾਂ ਦਾ ਵੀ ਹਿੱਸਾ ਨਹੀਂ ਸੀ। ਕਲੱਬ ਨੇ ਸੋਮਵਾਰ ਨੂੰ ਜਾਰੀ ਬਿਆਨ 'ਚ ਕਿਹਾ ਕਿ ਕਰੁਣਾਲ ਪੰਡਯਾ (Krunal Pandya) ਨਾਟਿੰਘਮਸ਼ਾਇਰ ਖਿਲਾਫ ਰਾਇਲ ਲੰਡਨ ਕੱਪ ਮੈਚ ਦੌਰਾਨ ਜ਼ਖਮੀ ਹੋ ਗਿਆ ਸੀ ਅਤੇ ਅੱਜ ਸ਼ਾਮ ਭਾਰਤ ਪਰਤ ਜਾਵੇਗਾ। ਕਰੁਣਾਲ (Krunal Pandya) ਨੂੰ ਇਸ ਕਾਉਂਟੀ ਕਲੱਬ ਨੇ ਜੁਲਾਈ ਵਿੱਚ 50 ਓਵਰਾਂ ਦੇ ਮੁਕਾਬਲੇ ਲਈ ਆਪਣੀ ਟੀਮ ਵਿੱਚ ਚੁਣਿਆ ਸੀ।

ਉਸਨੇ ਮੌਜੂਦਾ ਟੂਰਨਾਮੈਂਟ ਵਿੱਚ ਵਾਰਵਿਕਸ਼ਾਇਰ ਲਈ ਪੰਜ ਮੈਚ ਖੇਡੇ ਜਿਸ ਵਿੱਚ ਉਸਨੇ 33.50 ਦੀ ਔਸਤ ਨਾਲ 134 ਦੌੜਾਂ ਬਣਾਈਆਂ ਅਤੇ ਨੌਂ ਵਿਕਟਾਂ ਵੀ ਲਈਆਂ। ਉਸਨੇ ਆਪਣੀ ਖੱਬੀ ਬਾਂਹ ਦੀ ਸਪਿਨ ਗੇਂਦਬਾਜ਼ੀ ਨਾਲ 25 ਦੀ ਔਸਤ ਨਾਲ ਨੌਂ ਵਿਕਟਾਂ ਵੀ ਲਈਆਂ ਹਨ, ਜਿਸ ਵਿੱਚ ਸਸੇਕਸ ਅਤੇ ਲੈਸਟਰਸ਼ਾਇਰ ਵਿਰੁੱਧ ਲਗਾਤਾਰ ਤਿੰਨ ਵਿਕਟਾਂ ਵੀ ਸ਼ਾਮਲ ਹਨ।

ਵਾਰਵਿਕਸ਼ਾਇਰ ਦੇ ਕ੍ਰਿਕਟ ਡਾਇਰੈਕਟਰ ਪਾਲ ਫਾਰਬ੍ਰੇਸ ਨੇ ਕਿਹਾ ਕਿ ਇਹ ਨਿਰਾਸ਼ਾਜਨਕ ਹੈ ਕਿ ਕਰੁਣਾਲ ਟੂਰਨਾਮੈਂਟ 'ਚ ਅੱਗੇ ਨਹੀਂ ਖੇਡ ਸਕਣਗੇ। ਉਹ ਕਲੱਬ ਛੱਡ ਰਿਹਾ ਹੈ, ਸਾਡੀਆਂ ਸ਼ੁੱਭ ਕਾਮਨਾਵਾਂ ਉਸ ਦੇ ਨਾਲ ਹਨ। ਪੰਡਯਾ (Krunal Pandya)ਨੇ ਦੇਸ਼ ਲਈ ਹੁਣ ਤੱਕ ਪੰਜ ਵਨਡੇ ਅਤੇ 19 ਟੀ-20 ਮੈਚ ਖੇਡੇ ਹਨ। ਉਸ ਦਾ ਆਖਰੀ ਪ੍ਰਦਰਸ਼ਨ ਜੁਲਾਈ 2021 ਵਿੱਚ ਸ਼੍ਰੀਲੰਕਾ ਵਿਰੁੱਧ ਸਫੈਦ ਗੇਂਦ ਦੀ ਲੜੀ ਵਿੱਚ ਸੀ।

ਇਹ ਵੀ ਪੜ੍ਹੋ:-ਏਆਈਐਫਐਫ ਚੋਣਾਂ ਦੋ ਸਤੰਬਰ ਨੂੰ ਨਾਮਜ਼ਦਗੀ ਵੀਰਵਾਰ ਤੋਂ ਸ਼ਨੀਵਾਰ ਤੱਕ