ਮੁੰਬਈ: ਮਹਿਲਾ ਪ੍ਰੀਮੀਅਰ ਲੀਗ 'ਚ ਚੈਂਪੀਅਨ ਬਣਨ ਲਈ ਅੱਜ ਫਾਈਨਲ ਮੈਚ ਖੇਡਿਆ ਜਾਵੇਗਾ। ਮੇਗ ਲੈਨਿੰਗ ਦੀ ਕਪਤਾਨੀ ਵਾਲੀ ਦਿੱਲੀ ਕੈਪੀਟਲਜ਼ ਅਤੇ ਹਰਮਨਪ੍ਰੀਤ ਕੌਰ ਦੀ ਅਗਵਾਈ ਵਾਲੀ ਮੁੰਬਈ ਇੰਡੀਅਨਜ਼ ਖਿਤਾਬ ਲਈ ਭਿੜਨਗੀਆਂ। ਮੇਗ ਦੀ ਟੀਮ ਨੇ WPL ਵਿੱਚ ਹੁਣ ਤੱਕ ਚੰਗਾ ਪ੍ਰਦਰਸ਼ਨ ਕੀਤਾ ਹੈ। ਦਿੱਲੀ ਨੇ ਮੇਗ ਦੀ ਅਗਵਾਈ 'ਚ ਅੱਠ 'ਚੋਂ 6 ਮੈਚ ਜਿੱਤੇ, ਜਦਕਿ ਦੋ 'ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਇਹ ਵੀ ਪੜੋ:BCCI on Bangladeshi players: BCCI ਅਗਲੇ IPL 'ਚ ਬੰਗਲਾਦੇਸ਼ੀ ਖਿਡਾਰੀਆਂ 'ਤੇ ਲਗਾ ਸਕਦਾ ਹੈ ਬੈਨ !
ਹੈਡ-ਟੂ-ਹੈਡ:ਮਹਿਲਾ ਪ੍ਰੀਮੀਅਰ ਲੀਗ 'ਚ ਹੁਣ ਤੱਕ ਮੁੰਬਈ ਅਤੇ ਦਿੱਲੀ ਵਿਚਾਲੇ ਦੋ ਮੈਚ ਖੇਡੇ ਜਾ ਚੁੱਕੇ ਹਨ। ਅੱਜ ਤੀਜੀ ਵਾਰ ਦੋਵੇਂ ਟੀਮਾਂ ਆਹਮੋ-ਸਾਹਮਣੇ ਹੋਣਗੀਆਂ। ਦੋਵਾਂ ਵਿਚਾਲੇ ਲੀਗ ਦਾ ਪਹਿਲਾ ਮੈਚ 9 ਮਾਰਚ ਨੂੰ ਖੇਡਿਆ ਗਿਆ ਸੀ। ਇਸ ਮੈਚ ਵਿੱਚ ਮੁੰਬਈ ਨੇ ਦਿੱਲੀ ਨੂੰ ਅੱਠ ਵਿਕਟਾਂ ਨਾਲ ਹਰਾਇਆ। 20 ਮਾਰਚ ਨੂੰ ਦੋਵਾਂ ਟੀਮਾਂ ਵਿਚਾਲੇ ਦੂਜਾ ਮੈਚ ਸੀ ਜਿਸ ਵਿਚ ਦਿੱਲੀ ਨੇ ਪਿਛਲੀ ਹਾਰ ਦਾ ਬਦਲਾ ਲੈਂਦਿਆਂ ਜਿੱਤ ਦਰਜ ਕੀਤੀ ਸੀ।
ਮੇਗ ਅਤੇ ਸ਼ੈਫਾਲੀ ਦਿੱਲੀ ਦੇ ਮਜ਼ਬੂਤ ਬੱਲੇਬਾਜ਼:ਮੇਗ ਅਤੇ ਸ਼ੇਫਾਲੀ ਵਰਮਾ ਦਿੱਲੀ ਦੀਆਂ ਮੈਚ ਜੇਤੂ ਖਿਡਾਰਨਾਂ ਹਨ। ਆਸਟਰੇਲੀਆ ਦੀ ਮੇਗ ਨੇ ਅੱਠ ਮੈਚਾਂ ਵਿੱਚ 310 ਦੌੜਾਂ ਬਣਾਈਆਂ ਹਨ। ਉਸ ਦਾ ਸਟ੍ਰਾਈਕ ਰੇਟ 141.55 ਹੈ। ਮੇਗ ਡਬਲਯੂ.ਪੀ.ਐੱਲ. ਦੀ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੀ ਖਿਡਾਰੀ ਹੈ। ਇਸ ਦੇ ਨਾਲ ਹੀ ਸ਼ੈਫਾਲੀ ਵੀ ਸ਼ਾਨਦਾਰ ਫਾਰਮ 'ਚ ਹੈ। ਭਾਰਤ ਨੇ ਸ਼ੈਫਾਲੀ ਦੀ ਕਪਤਾਨੀ 'ਚ ਅੰਡਰ 19 ਵਿਸ਼ਵ ਕੱਪ ਜਿੱਤਿਆ ਹੈ। ਸ਼ੈਫਾਲੀ ਨੇ ਅੱਠ ਮੈਚਾਂ ਵਿੱਚ 241 ਦੌੜਾਂ ਬਣਾਈਆਂ ਹਨ। ਉਸ ਦਾ ਸਟ੍ਰਾਈਕ ਰੇਟ 182.57 ਹੈ।
ਨੈਟ ਅਤੇ ਹੇਲੇ ਮੁੰਬਈ ਦੀ ਸ਼ਕਤੀ: ਨੈਟ ਸੀਵਰ ਬਰੰਟ ਨੇ ਹੁਣ ਤੱਕ ਖੇਡੇ ਗਏ ਮੈਚਾਂ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਨੈੱਟ ਨੇ ਨੌਂ ਮੈਚਾਂ ਵਿੱਚ 272 ਦੌੜਾਂ ਬਣਾਈਆਂ ਹਨ। ਉਸ ਦਾ ਸਟ੍ਰਾਈਕ ਰੇਟ 149.45 ਹੈ। ਨੈੱਟ ਲੀਗ ਦੇ ਤੀਜੇ ਖਿਡਾਰੀ ਹਨ ਜਿਨ੍ਹਾਂ ਨੇ ਸਭ ਤੋਂ ਵੱਧ ਦੌੜਾਂ ਬਣਾਈਆਂ ਹਨ। ਆਲਰਾਊਂਡਰ ਹੇਲੀ ਮੈਥਿਊਜ਼ ਨੇ ਨੌਂ ਮੈਚਾਂ ਵਿੱਚ 258 ਦੌੜਾਂ ਬਣਾਈਆਂ। ਹੇਲੀ ਦਾ ਸਟ੍ਰਾਈਕ ਰੇਟ 127.09 ਹੈ। ਮੈਥਿਊਜ਼ ਨੇ ਵੀ 13 ਵਿਕਟਾਂ ਲਈਆਂ ਹਨ। ਦਿੱਲੀ ਦੀ ਗੇਂਦਬਾਜ਼ ਸ਼ਿਖਾ ਪਾਂਡੇ ਵੀ ਰੰਗ ਵਿੱਚ ਹੈ। ਪਾਂਡੇ ਨੇ ਅੱਠ ਮੈਚਾਂ ਵਿੱਚ 10 ਵਿਕਟਾਂ ਲਈਆਂ ਹਨ। ਅਤੇ ਮੁੰਬਈ ਦੀ ਸਾਈਕਾ ਇਸ਼ਾਕ ਨੇ ਨੌਂ ਮੈਚਾਂ ਵਿੱਚ 15 ਵਿਕਟਾਂ ਲਈਆਂ ਹਨ।
ਇਹ ਵੀ ਪੜੋ:Women's World Boxing Championship 2023 : ਨੀਤੂ ਘਣਘਸ ਬਣੀ ਵਿਸ਼ਵ ਚੈਂਪੀਅਨ, 48 ਕਿਲੋਗ੍ਰਾਮ ਵਰਗ 'ਚ ਜਿੱਤਿਆ ਗੋਲਡ ਮੈਡਲ
