Kolkata Knight Riders : IPL ਛੱਡ ਕੇ ਘਰ ਪਰਤੇ ਲਿਟਨ ਦਾਸ, ਜਾਣੋ ਕਾਰਨ

ਕੇਕੇਆਰ ਦੇ ਵਿਕਟਕੀਪਰ ਲਿਟਨ ਦਾਸ ਪਰਿਵਾਰਕ ਸੰਕਟ ਕਾਰਨ ਘਰ ਪਰਤ ਆਏ ਹਨ। ਲਿਟਨ ਦਾਸ ਨੇ ਆਈਪੀਐੱਲ ਵਿੱਚ ਸਿਰਫ਼ ਇੱਕ ਮੈਚ ਖੇਡਿਆ ਹੈ।

ਕੋਲਕਾਤਾ: ਬੰਗਲਾਦੇਸ਼ ਦੇ ਵਿਕਟਕੀਪਰ ਬੱਲੇਬਾਜ਼ ਲਿਟਨ ਦਾਸ ਪਰਿਵਾਰਕ ਸੰਕਟ ਕਾਰਨ ਘਰ ਪਰਤ ਆਏ ਹਨ ਅਤੇ ਕੋਲਕਾਤਾ ਨਾਈਟ ਰਾਈਡਰਜ਼ (ਕੇਕੇਆਰ) ਲਈ ਇੰਡੀਅਨ ਪ੍ਰੀਮੀਅਰ ਲੀਗ ਦੇ ਆਗਾਮੀ ਮੈਚਾਂ ਲਈ ਉਪਲਬਧ ਨਹੀਂ ਹੋਣਗੇ। ਕੇਕੇਆਰ ਟੀਮ ਦੇ ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਉਸ ਦੇ ਪਰਿਵਾਰ ਵਿੱਚ ਮੈਡੀਕਲ ਐਮਰਜੈਂਸੀ ਸੀ ਜਿਸ ਕਾਰਨ ਉਹ ਅੱਜ ਸਵੇਰੇ ਢਾਕਾ ਲਈ ਰਵਾਨਾ ਹੋ ਗਿਆ। ਉਹ ਕਦੋਂ ਵਾਪਸ ਆਵੇਗਾ, ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ।

ਇਸ 28 ਸਾਲਾ ਵਿਕਟਕੀਪਰ ਬੱਲੇਬਾਜ਼ ਨੂੰ ਕੇਕੇਆਰ ਨੇ ਪਿਛਲੇ ਸਾਲ ਨਿਲਾਮੀ ਵਿੱਚ 50 ਲੱਖ ਰੁਪਏ ਦੀ ਬੇਸ ਪ੍ਰਾਈਜ਼ ਵਿੱਚ ਖਰੀਦਿਆ ਸੀ। ਉਸ ਨੇ ਆਈਪੀਐਲ ਵਿੱਚ ਦਿੱਲੀ ਕੈਪੀਟਲਜ਼ ਖ਼ਿਲਾਫ਼ ਸਿਰਫ਼ ਇੱਕ ਮੈਚ ਖੇਡਿਆ ਸੀ। ਜੇਸਨ ਰਾਏ ਦੇ ਨਾਲ ਪਾਰੀ ਦੀ ਸ਼ੁਰੂਆਤ ਕਰਦਿਆਂ, ਦਾਸ ਨੇ ਉਸ ਮੈਚ ਵਿੱਚ ਸਿਰਫ਼ ਚਾਰ ਦੌੜਾਂ ਬਣਾਈਆਂ ਅਤੇ ਵਿਕਟਕੀਪਰ ਵਜੋਂ ਦੋ ਸਟੰਪਿੰਗ ਕਰਨ ਤੋਂ ਖੁੰਝ ਗਿਆ। ਦਿੱਲੀ ਨੇ ਇਹ ਮੈਚ ਚਾਰ ਵਿਕਟਾਂ ਨਾਲ ਜਿੱਤ ਕੇ ਲਗਾਤਾਰ ਪੰਜ ਮੈਚਾਂ ਵਿੱਚ ਹਾਰ ਦਾ ਸਿਲਸਿਲਾ ਤੋੜ ਦਿੱਤਾ।

ਬੰਗਲਾਦੇਸ਼ ਟੀਮ ਦੇ ਨਾਲ ਲਿਟਨ ਦਾਸ ਦੇ ਕ੍ਰਿਕਟ ਕਰੀਅਰ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ 38 ਟੈਸਟ ਮੈਚ ਖੇਡੇ ਹਨ ਜਿਸ 'ਚ ਉਨ੍ਹਾਂ ਨੇ 58.45 ਦੀ ਸਟ੍ਰਾਈਕ ਰੇਟ ਨਾਲ 2319 ਦੌੜਾਂ ਬਣਾਈਆਂ ਹਨ। ਉਸ ਦਾ ਸਰਵੋਤਮ ਸਕੋਰ 141 ਦੌੜਾਂ ਹੈ। ਇਸ ਦੇ ਨਾਲ ਹੀ ਉਸ ਨੇ 66 ਵਨਡੇ ਖੇਡੇ ਹਨ ਜਿਸ ਵਿੱਚ ਉਸ ਨੇ 88.17 ਦੀ ਸਟ੍ਰਾਈਕ ਰੇਟ ਨਾਲ 2065 ਦੌੜਾਂ ਬਣਾਈਆਂ ਹਨ। ਵਨਡੇ 'ਚ ਉਸ ਦਾ ਸਰਵੋਤਮ ਸਕੋਰ 171 ਦੌੜਾਂ ਹੈ। ਉਸਨੇ ਬੰਗਲਾਦੇਸ਼ ਲਈ 71 ਟੀ-20 ਅੰਤਰਰਾਸ਼ਟਰੀ ਮੈਚ ਵੀ ਖੇਡੇ ਹਨ। ਇਸ ਦੌਰਾਨ ਉਸ ਨੇ 132.43 ਦੀ ਸਟ੍ਰਾਈਕ ਰੇਟ ਨਾਲ 1617 ਦੌੜਾਂ ਬਣਾਈਆਂ ਹਨ। ਉਸ ਦੀਆਂ 83 ਦੌੜਾਂ ਟੀ-20 ਵਿੱਚ ਸਭ ਤੋਂ ਵੱਧ ਹਨ।(ਪੀਟੀਆਈ: ਭਾਸ਼ਾ)

ਇਹ ਵੀ ਪੜ੍ਹੋ:-ਨੌਜਵਾਨ ਖਿਡਾਰੀਆਂ ਦੇ ਪ੍ਰਦਰਸ਼ਨ ਤੋਂ ਖੁਸ਼ ਹੋਏ ਕਪਤਾਨ ਸੰਜੂ ਸੈਮਸਨ, ਟੀਮ ਪ੍ਰਬੰਧਨ ਅਤੇ ਸਹਿਯੋਗੀ ਸਟਾਫ ਦੀ ਵੀ ਕੀਤੀ ਸ਼ਲਾਘਾ