IPL: Dhoni ਦੀ ਪ੍ਰਸ਼ੰਸਾ ਕਰਦਿਆਂ ਪੋਂਟਿੰਗ ਨੇ ਆਖੀ ਵੱਡੀ ਗੱਲ

ਦਿੱਲੀ ਕੈਪੀਟਲਜ਼ (Delhi Capitals) ਦੇ ਮੁੱਖ ਕੋਚ ਰਿਕੀ ਪੋਂਟਿੰਗ (head coach Ricky Ponting) ਇੱਕ ਵਾਰ ਫਿਰ ਮਹਿੰਦਰ ਸਿੰਘ ਧੋਨੀ ਦੀ ਦਬਾਅ ਹੇਠ ਸ਼ਾਨਦਾਰ ਪਾਰੀ ਦੇਖ ਕੇ ਹੈਰਾਨ ਰਹਿ ਗਏ। ਪੋਂਟਿੰਗ ਨੇ ਚੇਨਈ ਸੁਪਰ ਕਿੰਗਜ਼ ਦੇ ਕਪਤਾਨ ਨੂੰ ਖੇਡ ਦੇ ਮਹਾਨ 'ਫਿਨਿਸ਼ਰ' ਵਿੱਚੋਂ ਇੱਕ ਦੱਸਿਆ।

ਦੁਬਈ: ਦਿੱਲੀ ਕੈਪੀਟਲਸ ਦੇ ਮੁੱਖ ਕੋਚ ਰਿੱਕੀ ਪੋਂਟਿੰਗ (Delhi Capitals head coach Ricky Ponting) ਨੇ ਚੇਨਈ ਸੁਪਰਕਿੰਗਜ਼ (Chennai Super Kings) ਦੇ ਖਿਲਾਫ਼ ਚਾਰ ਵਿਕਟਾਂ ਦੀ ਹਾਰ ਤੋਂ ਬਾਅਦ ਚੇਨਈ ਦੇ ਕਪਤਾਨ ਮਹਿੰਦਰ ਸਿੰਘ ਧੋਨੀ (Captain Mahendra Singh Dhoni) ਦੀ ਪ੍ਰਸ਼ੰਸਾ ਕਰਦੇ ਹੋਏ ਕਿਹਾ ਕਿ ਇਸ ਵਿੱਚ ਕੋਈ ਸ਼ੱਕ ਨਹੀਂ ਕਿ ਧੋਨੀ ਮਹਾਨ ਫਿਨਿਸ਼ਰਾਂ ਵਿੱਚੋਂ ਇੱਕ ਹੈ।

ਧੋਨੀ ਲਈ ਇਹ ਸੀਜ਼ਨ ਬੱਲੇਬਾਜ਼ੀ ਦੇ ਲਿਹਾਜ਼ ਨਾਲ ਮੁਸ਼ਕਿਲ ਰਿਹਾ ਹੈ ਅਤੇ ਬਹੁਤ ਸਾਰੇ ਲੋਕਾਂ ਨੇ ਮਹਿਸੂਸ ਕੀਤਾ ਕਿ ਹੁਣ ਸਮਾਂ ਆ ਗਿਆ ਹੈ ਕਿ ਧੋਨੀ (Dhoni) ਨੂੰ ਬੈਕਸੀਟ 'ਤੇ ਬੈਠਣਾ ਚਾਹੀਦਾ ਹੈ। ਪਰ ਧੋਨੀ ਨੇ ਆਪਣੇ ਅੰਦਾਜ਼ ਵਿੱਚ ਆਪਣੀ ਟੀਮ ਨੂੰ ਜਿੱਤ ਦਿਵਾਈ। ਉਸ ਨੇ ਦਿੱਲੀ ਖ਼ਿਲਾਫ਼ ਛੇ ਗੇਂਦਾਂ ਵਿੱਚ 18 ਦੌੜਾਂ ਬਣਾਈਆਂ ਅਤੇ ਟੀਮ ਨੂੰ ਫਾਈਨਲ ਵਿੱਚ ਲੈ ਗਏ।

ਇਹ ਵੀ ਪੜ੍ਹੋ:ਵੀਡੀਓ: ਇਮੋਸ਼ਨਲ ਪਲ ... ਜਦੋਂ ਧੋਨੀ ਦੇ ਜੇਤੂ ਸ਼ਾਟ 'ਤੇ ਰੋਣ ਲੱਗ ਪਈ ਛੋਟੀ ਜਿਹੀ ਕੁੜੀ

ਪੋਂਟਿੰਗ (Ricky Ponting) ਨੇ ਕਿਹਾ ਧੋਨੀ (Dhoni) ਮਹਾਨ ਬੱਲੇਬਾਜ਼ਾਂ ਵਿੱਚੋਂ ਇੱਕ ਹੈ ਅਤੇ ਇਸ ਵਿੱਚ ਕੋਈ ਸ਼ੱਕ ਨਹੀਂ ਹੈ। ਅਸੀਂ ਡੁਗਆਉਟ ਵਿੱਚ ਬੈਠੇ ਸੋਚ ਰਹੇ ਸੀ ਕਿ ਰਵਿੰਦਰ ਜਡੇਜਾ (Ravindra Jadeja) ਆਉਣਗੇ ਜਾਂ ਧੋਨੀ (Dhoni)। ਮੈਨੂੰ ਯਕੀਨ ਸੀ ਕਿ ਧੋਨੀ (Dhoni) ਹੀ ਆ ਕੇ ਮੈਚ ਖ਼ਤਮ ਕਰਨ ਦੀ ਕੋਸ਼ਿਸ਼ ਕਰਨਗੇ।

ਉਸ ਨੇ ਕਿਹਾ ਅਸੀਂ ਲੋੜ ਅਨੁਸਾਰ ਮੈਚ ਖ਼ਤਮ ਨਹੀਂ ਕਰ ਸਕੇ ਅਤੇ ਤੁਸੀਂ ਜਾਣਦੇ ਹੋ ਕਿ ਜੇਕਰ ਤੁਸੀਂ ਮਿਸ ਕੀਤਾ ਤਾਂ ਤੁਹਾਨੂੰ ਕੀਮਤ ਚੁਕਾਉਣੀ ਪਵੇਗੀ। ਧੋਨੀ (Dhoni) ਲੰਮੇ ਸਮੇਂ ਤੋਂ ਅਜਿਹਾ ਕਰਦੇ ਆਏ ਹਨ ਅਤੇ ਮੈਨੂੰ ਲਗਦਾ ਹੈ ਕਿ ਸਾਡੇ ਗੇਂਦਬਾਜ਼ ਥੋੜਾ ਖੁੰਝ ਗਏ ਹਨ। ਜਦੋਂ ਉਹ ਸੰਨਿਆਸ ਲੈਂਣਗੇ ਤਾਂ ਉਨ੍ਹਾਂ ਨੂੰ ਇਸ ਖੇਡ ਦੇ ਮਹਾਨ ਫਿਨਿਸ਼ਰ ਵਜੋਂ ਯਾਦ ਕੀਤਾ ਜਾਵੇਗਾ।

ਇਹ ਵੀ ਪੜ੍ਹੋ:CSK's 9th Wonder: ਇੰਡੀਅਨ ਪ੍ਰੀਮੀਅਰ ਲੀਗ ਦੇ ਫਾਈਨਲ ’ਚ ਪਹੁੰਚੀ ਚੇਨਈ ਸੁਪਰਕਿੰਗਜ਼