IPL 2021: ਹੈਦਰਾਬਾਦ ਦੇ ਤੇਜ਼ ਗੇਂਦਬਾਜ਼ ਟੀ ਨਟਰਾਜਨ ਕੋਰੋਨਾ ਪੋਜ਼ੀਟਿਵ

ਆਈ.ਪੀ.ਐਲ ਤੋਂ ਬੁੱਧਵਾਰ ਨੂੰ ਇੱਕ ਚਿੰਤਾਜਨਕ ਖ਼ਬਰ ਸਾਹਮਣੇ ਆਈ ਹੈ। ਸਨਰਾਈਜ਼ਰਜ਼ ਹੈਦਰਾਬਾਦ (Sunrisers Hyderabad) ਦਾ ਇੱਕ ਖਿਡਾਰੀ ਕੋਰੋਨਾ ਪੋਜ਼ੀਟਿਵ ਪਾਇਆ ਗਿਆ ਹੈ। ਸਨਰਾਈਜ਼ਰਸ ਹੈਦਰਾਬਾਦ (Sunrisers Hyderabad) ਦਾ ਸਾਹਮਣਾ ਅੱਜ (ਬੁੱਧਵਾਰ) ਸ਼ਾਮ ਨੂੰ ਦਿੱਲੀ ਕੈਪੀਟਲਸ ਨਾਲ ਹੋਵੇਗਾ।

ਨਵੀਂ ਦਿੱਲੀ: ਇੰਡੀਅਨ ਪ੍ਰੀਮੀਅਰ ਲੀਗ (Indian Premier League) ਦੇ ਫੇਜ਼ -2 'ਤੇ ਕੋਰੋਨਾ ਮਹਾਂਮਾਰੀ (Corona epidemic) ਦਾ ਪਰਛਾਵਾਂ ਆਉਣ ਲੱਗਾ ਹੈ। ਦਿੱਲੀ ਕੈਪੀਟਲਸ (Delhi Capitals) ਦੇ ਖਿਲਾਫ਼ ਮੈਚ ਤੋਂ ਚਾਰ ਘੰਟੇ ਅਤੇ 30 ਮਿੰਟ ਪਹਿਲਾਂ, ਖ਼ਬਰ ਆਈ ਕਿ ਹੈਦਰਾਬਾਦ ਦੇ ਤੇਜ਼ ਗੇਂਦਬਾਜ਼ ਟੀ ਨਟਰਾਜਨ (T. Natarajan) ਕੋਰੋਨਾ ਪੋਜ਼ੀਟਿਵ ਹੋ ਗਏ ਹਨ।

ਹਾਲਾਂਕਿ, ਬੀਸੀਸੀਆਈ (BCCI) ਨੇ ਕਿਹਾ ਹੈ ਕਿ ਮੈਚ ਪਹਿਲਾਂ ਤੋਂ ਨਿਰਧਾਰਤ ਸ਼ਡਿਲ 'ਤੇ ਹੋਵੇਗਾ। ਮਈ ਵਿੱਚ, ਕਈ ਖਿਡਾਰੀਆਂ ਅਤੇ ਸਹਾਇਕ ਸਟਾਫ ਦੇ ਟੈਸਟ ਪੋਜ਼ੀਟਿਵ ਆਉਣ ਤੋਂ ਬਾਅਦ ਵੀ ਸੀਜ਼ਨ ਨੂੰ ਮੁਲਤਵੀ ਕਰਨਾ ਪਿਆ। ਇਸ ਤੋਂ ਬਾਅਦ ਬੋਰਡ ਨੇ ਸਤੰਬਰ-ਅਕਤੂਬਰ ਵਿੱਚ ਯੂਏਈ (UAE) ਵਿੱਚ ਲੀਗ ਦਾ ਪੜਾਅ -2 ਕਰਵਾਉਣ ਦਾ ਫੈਸਲਾ ਕੀਤਾ ਸੀ।

ਕੋਰੋਨਾ ਦੇ ਕਾਰਨ, ਟੀ -20 ਵਿਸ਼ਵ ਕੱਪ ਭਾਰਤ ਵਿੱਚ ਨਾ ਕਰਵਾਉਣ ਦਾ ਫੈਸਲਾ ਕੀਤਾ ਗਿਆ ਸੀ। ਇਹ ਟੂਰਨਾਮੈਂਟ ਆਈ.ਪੀ.ਐਲ ਫੇਜ਼ -2 ਤੋਂ ਬਾਅਦ ਯੂਏਈ ਅਤੇ ਓਮਾਨ ਵਿੱਚ ਹੋਵੇਗਾ।

ਫੇਜ਼ -1 ਦੇ ਅੰਤ ਵਿੱਚ, ਦਿੱਲੀ ਦੀ ਟੀਮ 8 ਮੈਚਾਂ ਵਿੱਚ 12 ਅੰਕਾਂ ਦੇ ਨਾਲ ਅੰਕ ਸੂਚੀ ਵਿੱਚ ਪਹਿਲੇ ਨੰਬਰ ਉੱਤੇ ਸੀ। ਇਸ ਦੇ ਨਾਲ ਹੀ ਹੈਦਰਾਬਾਦ ਦੀ ਟੀਮ 7 ਮੈਚਾਂ 'ਚ 2 ਅੰਕਾਂ ਦੇ ਨਾਲ ਆਖਰੀ ਸਥਾਨ 'ਤੇ ਸੀ। ਫੇਜ਼ -2 ਦੇ ਪਹਿਲੇ ਮੈਚ ਵਿੱਚ ਚੇਨਈ ਨੇ ਮੁੰਬਈ ਨੂੰ ਹਰਾਇਆ ਅਤੇ ਦਿੱਲੀ ਤੋਂ ਪਹਿਲਾ ਸਥਾਨ ਖੋਹਿਆ।

ਅਜਿਹੀ ਸਥਿਤੀ ਵਿੱਚ, ਹੁਣ ਦਿੱਲੀ ਕੋਲ ਦੁਬਾਰਾ ਨੰਬਰ -1 'ਤੇ ਜਾਣ ਦਾ ਮੌਕਾ ਹੈ। ਦੂਜੇ ਪਾਸੇ ਸਨਰਾਈਜ਼ਰਸ ਹੈਦਰਾਬਾਦ(Sunrisers Hyderabad) ਨੂੰ ਡੇਵਿਡ ਵਾਰਨਰ ਤੋਂ ਬਹੁਤ ਉਮੀਦਾਂ ਹਨ। ਸਨਰਾਈਜ਼ਰਜ਼ ਹੈਦਰਾਬਾਦ (Sunrisers Hyderabad) ਨੇ ਮੈਚ ਤੋਂ ਕੁਝ ਘੰਟੇ ਪਹਿਲਾਂ ਅਭਿਆਸ ਦੌਰਾਨ ਵਾਰਨਰ ਦੇ ਸ਼ਾਟ ਲੈਣ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਜਾਰੀ ਕੀਤਾ ਹੈ, ਜਿਸ ਦੇ ਸਿਰਲੇਖ ਦਿੱਤਾ ਗਿਆ ਹੈ ਕਿ ਅਸੀਂ ਤਿਆਰ ਹਾਂ।

ਇਹ ਵੀ ਪੜ੍ਹੋ:- ਕਾਂਗਰਸ ਦੇ ਚਾਰ ਥੰਮ੍ਹ ਕਰਨਗੇ ਵਧੀਆ ਕੰਮ:ਵੈਦ