ਹੈਦਰਾਬਾਦ:ਇੰਡੀਅਨ ਪ੍ਰੀਮੀਅਰ ਲੀਗ 2022 ਨੂੰ ਸ਼ੁਰੂ ਹੋਏ ਤਿੰਨ ਹਫ਼ਤੇ ਤੋਂ ਵੱਧ ਦਾ ਸਮਾਂ ਹੋ ਗਿਆ ਹੈ। ਅਜਿਹੇ 'ਚ ਹੁਣ ਸਾਰੀਆਂ ਟੀਮਾਂ ਦੀਆਂ ਨਜ਼ਰਾਂ ਟਾਪ-4 'ਚ ਬਣੇ ਰਹਿਣ 'ਤੇ ਹਨ ਪਰ, ਮੁੰਬਈ ਇੰਡੀਅਨਜ਼ ਅਤੇ ਚੇਨੱਈ ਸੁਪਰ ਕਿੰਗਜ਼ ਉਹ ਚਮਤਕਾਰ ਨਹੀਂ ਕਰ ਸਕੀਆਂ ਜਿਸ ਲਈ ਇਹ ਟੀਮਾਂ ਜਾਣੀਆਂ ਜਾਂਦੀਆਂ ਹਨ।
ਹਾਰਦਿਕ ਪੰਡਯਾ ਦੀ ਗੁਜਰਾਤ ਟਾਈਟਨਸ ਆਈਪੀਐਲ ਅੰਕ ਸੂਚੀ ਵਿੱਚ ਪਹਿਲੇ ਨੰਬਰ 'ਤੇ ਹੈ। ਗੁਜਰਾਤ ਨੇ ਛੇ ਮੈਚ ਖੇਡੇ ਹਨ ਅਤੇ ਪੰਜ ਜਿੱਤੇ ਹਨ। ਨੈੱਟ ਰਨ ਰੇਟ ਦੀ ਗੱਲ ਕਰੀਏ ਤਾਂ ਗੁਜਰਾਤ ਦੀ ਨੈੱਟ ਰਨ ਰੇਟ 0.39 ਹੈ। ਇਸ ਦੇ ਨਾਲ ਹੀ ਦੂਜੇ ਨੰਬਰ 'ਤੇ ਫਾਫ ਡੁਪਲੇਸਿਸ ਦੀ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਮੌਜੂਦ ਹੈ। ਬੈਂਗਲੁਰੂ ਆਖਰੀ ਮੈਚ ਜਿੱਤ ਕੇ ਦੂਜੇ ਸਥਾਨ 'ਤੇ ਪਹੁੰਚ ਗਿਆ ਹੈ। ਹੁਣ ਤੱਕ ਇਸ ਟੀਮ ਨੇ ਸੱਤ ਮੈਚ ਖੇਡੇ ਹਨ ਅਤੇ ਪੰਜ ਮੈਚ ਜਿੱਤੇ ਹਨ।