ਦੁਬਈ: ਚੇਨਈ ਸੁਪਰ ਕਿੰਗਜ਼ ਦੇ ਸਟਾਰ ਆਲਰਾਉਂਡਰ ਸੈਮ ਕਰਨ ਨੇ ਕਿਹਾ ਕਿ ਐਤਵਾਰ ਨੂੰ ਦੁਬਈ ਦੀ ਪਿਚ ਸੀਐਸਕੇ ਦੀ ਘਰੇਲੂ ਮੈਦਾਨ ਦੀ ਪਿਚ ਵਰਗੀ ਸੀ ਤੇ ਇਹ ਵੱਡਾ ਕਾਰਨ ਸੀ ਕਿ ਉਨ੍ਹਾਂ ਨੂੰ 8 ਵਿਕੇਟਾਂ ਨਾਲ ਜਿੱਤ ਮਿਲੀ। ਦੱਸ ਦਈਏ ਕਿ ਉਨ੍ਹਾਂ ਨੇ ਆਰਸੀਬੀ ਨੂੰ 8 ਵਿਕੇਟ ਤੋਂ ਹਰਾਇਆ।
ਮੈਚ ਤੋਂ ਬਾਅਦ, ਸੈਮ ਨੇ ਕਿਹਾ,"ਅਸੀਂ ਜਿੱਤਣ ਦੀ ਕੋਸ਼ਿਸ਼ ਕਰ ਰਹੇੇ ਸੀ। ਇਹ ਪਿਚ ਚੇਨਈ ਦੀ ਪਿਚ ਵਰਗੀ ਸੀ ਤੇ ਰਿਤੂਰਾਜ ਗਾਇਕਵਾੜ ਨੇ ਸ਼ਾਨਦਾਰ ਪਾਰੀ ਖੇਡੀ।" 22 ਸਾਲਾ ਸੈਮ ਨੇ ਕਿਹਾ ਕਿ ਉਨ੍ਹਾਂ ਆਪਣੇ ਭਰਾ ਟੌਮ ਦੀ ਨਕਲ ਕਰਦੇ ਹੌਲੀ ਗੇਂਦਬਾਜੀ ਕੀਤੀ ਤੇ ਆਰਸੀਬੀ ਦੇ ਬੱਲੇਬਾਜ਼ਾਂ ਨੂੰ ਆਉਟ ਕੀਤਾ।