ਹੈਦਰਾਬਾਦ: ਆਈਪੀਐਲ-13 ਚੇਨਈ ਸੁਪਰ ਕਿੰਗਜ਼ ਲਈ ਬਹੁਤ ਨਿਰਾਸ਼ਾਜਨਕ ਸੀ। ਟੂਰਨਾਮੈਂਟ ਦੇ ਇਤਿਹਾਸ ਵਿੱਚ ਪਹਿਲੀ ਵਾਰ ਚੇਨਈ ਦੀ ਟੀਮ ਆਖਰੀ ਚਾਰ ਵਿੱਚ ਜਗ੍ਹਾ ਬਣਾਉਣ 'ਚ ਅਸਫਲ ਰਹੀ। ਟੀਮ ਦੇ ਨਾਲ-ਨਾਲ ਕਪਤਾਨ ਮਹਿੰਦਰ ਸਿੰਘ ਧੋਨੀ ਦੇ ਫਾਰਮ ਉੱਤੇ ਵੀ ਸਵਾਲ ਉੱਠੇ।
ਕਈ ਕ੍ਰਿਕਟ ਮਾਹਰਾਂ ਨੇ ਤਾਂ ਇਹ ਤੱਕ ਕਹਿ ਦਿੱਤਾ ਕਿ ਧੋਨੀ ਨੂੰ ਆਉਣ ਵਾਲੇ ਆਈਪੀਐਲ ਸੀਜ਼ਨ ਵਿੱਚ ਚੇਨਈ ਦੀ ਕਪਤਾਨੀ ਨਹੀਂ ਕਰਨੀ ਚਾਹੀਦੀ। ਟੀਮ ਇੰਡੀਆ ਦੇ ਸਾਬਕਾ ਬੱਲੇਬਾਜ਼ੀ ਕੋਚ ਸੰਜੇ ਬਾਂਗਰ ਨੇ ਇੱਕ ਬਿਆਨ ਵਿੱਚ ਕਿਹਾ ਹੈ ਕਿ ਆਈਪੀਐਲ 2021 ਵਿੱਚ ਧੋਨੀ ਚੇਨਈ ਦੀ ਅਗਵਾਈ ਨਹੀਂ ਕਰੇਗਾ।
ਇੱਕ ਟੀਵੀ ਸ਼ੋਅ 'ਤੇ ਗੱਲਬਾਤ ਕਰਦਿਆਂ ਬਾਂਗਰ ਨੇ ਕਿਹਾ,' ਜਿੱਥੋਂ ਤੱਕ ਮੈਨੂੰ ਪਤਾ ਹੈ, ਧੋਨੀ ਨੇ 2011 ਤੋਂ ਬਾਅਦ ਟੀਮ ਇੰਡੀਆ ਦੀ ਕਪਤਾਨੀ ਛੱਡਣ ਬਾਰੇ ਸੋਚਿਆ ਸੀ, ਪਰ ਉਹ ਜਾਣਦਾ ਸੀ ਕਿ ਉਸ ਤੋਂ ਬਾਅਦ ਟੀਮ ਦੇ ਕੁਝ ਮੁਸ਼ਕਲ ਮੈਚ ਆਉਣ ਵਾਲੇ ਸਨ ਅਤੇ ਸਾਨੂੰ ਇੰਗਲੈਂਡ ਅਤੇ ਆਸਟਰੇਲੀਆ ਜਾਣਾ ਪਿਆ। ਇਸ ਤੋਂ ਇਲਾਵਾ, ਉਸ ਸਮੇਂ ਕੋਈ ਵੀ ਖਿਡਾਰੀ ਕਪਤਾਨ ਵਜੋਂ ਤਿਆਰ ਨਹੀਂ ਸੀ। ਉਸ ਨੇ ਟੀਮ ਇੰਡੀਆ ਦੀ ਕਪਤਾਨੀ ਸਹੀ ਸਮੇਂ ਵਿਰਾਟ ਕੋਹਲੀ ਨੂੰ ਸੌਂਪੀ ਅਤੇ ਉਸ ਤੋਂ ਬਾਅਦ ਖੇਡਿਆ। ਜਿੱਥੋਂ ਤੱਕ ਮੈਂ ਸਮਝਦਾ ਹਾਂ, ਮੈਂ ਮਹਿਸੂਸ ਕਰ ਰਿਹਾ ਹਾਂ ਕਿ ਮਹਿੰਦਰ ਸਿੰਘ ਧੋਨੀ ਅਗਲੇ ਸਾਲ ਟੀਮ ਦਾ ਕਪਤਾਨ ਨਹੀਂ ਰਹੇਗਾ, ਉਹ ਇੱਕ ਖਿਡਾਰੀ ਦੇ ਰੂਪ ਵਿੱਚ ਖੇਡਣਗੇ ਅਤੇ ਇਸ ਪੜਾਅ 'ਤੇ ਧੋਨੀ ਕਪਤਾਨੀ ਫੈਫ਼ ਡੁਪਲੇਸੀ ਨੂੰ ਸੌਂਪਣਗੇ।'