ਸੈਂਚੁਰੀਅਨ :ਭਾਰਤ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਚੱਲ ਰਹੇ ਪਹਿਲੇ ਟੈਸਟ ਮੈਚ ਦੀ ਪਹਿਲੀ ਪਾਰੀ 'ਚ ਦੱਖਣੀ ਅਫਰੀਕਾ ਦਾ ਦਬਦਬਾ ਹੈ। ਪਹਿਲੇ ਦਿਨ ਮੀਂਹ ਨਾਲ ਪ੍ਰਭਾਵਿਤ ਖੇਡ ਖਤਮ ਹੋਣ ਤੱਕ ਭਾਰਤੀ ਟੀਮ ਨੇ 8 ਵਿਕਟਾਂ ਗੁਆ ਕੇ 208 ਦੌੜਾਂ ਬਣਾ ਲਈਆਂ ਸਨ। ਦੂਜੇ ਦਿਨ ਦੀ ਖੇਡ ਸ਼ੁਰੂ ਹੋਣ ਤੋਂ ਬਾਅਦ ਭਾਰਤੀ ਟੀਮ ਆਪਣੇ ਸਕੋਰ ਵਿੱਚ 37 ਦੌੜਾਂ ਹੋਰ ਜੋੜ ਸਕੀ। ਉਹ 245 ਦੌੜਾਂ 'ਤੇ ਆਲ ਆਊਟ ਹੋ ਗਈ।
ਪਹਿਲੇ ਦਿਨ ਕੇਐਲ ਰਾਹੁਲ ਨਾਬਾਦ 70 ਦੌੜਾਂ ਬਣਾ ਕੇ ਪਰਤੇ। ਇਸ ਤੋਂ ਬਾਅਦ ਦੂਜੇ ਦਿਨ ਕੇਐੱਲ ਰਾਹੁਲ ਅਤੇ ਮੁਹੰਮਦ ਸਿਰਾਜ ਬੱਲੇਬਾਜ਼ੀ ਲਈ ਉਤਰੇ। ਮੁਹੰਮਦ ਸਿਰਾਜ ਦੂਜੇ ਦਿਨ ਸਿਰਫ਼ 12 ਗੇਂਦਾਂ ਹੀ ਖੇਡ ਸਕਿਆ ਅਤੇ ਗੇਰਾਲਡ ਕੋਟਜ਼ੇ ਦੀ ਗੇਂਦ ’ਤੇ ਕੈਚ ਆਊਟ ਹੋ ਗਿਆ। ਉਸ ਨੇ 22 ਗੇਂਦਾਂ ਵਿੱਚ 5 ਦੌੜਾਂ ਬਣਾਈਆਂ। ਇਸ ਤੋਂ ਬਾਅਦ ਪ੍ਰਸਿਧ ਕ੍ਰਿਸ਼ਨਾ ਬੱਲੇਬਾਜ਼ੀ ਕਰਨ ਆਏ ਅਤੇ ਕੇਐਲ ਰਾਹੁਲ ਦਾ ਅੰਤ ਤੱਕ ਸਾਥ ਦਿੱਤਾ।
ਰਾਹੁਲ ਨੇ ਸ਼ਾਨਦਾਰ ਪਾਰੀ ਖੇਡੀ ਅਤੇ 137 ਗੇਂਦਾਂ 'ਚ 101 ਦੌੜਾਂ ਬਣਾਈਆਂ। ਉਸ ਨੇ ਛੱਕਾ ਲਗਾ ਕੇ ਆਪਣਾ ਸੈਂਕੜਾ ਪੂਰਾ ਕੀਤਾ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਨੈਂਡਰੇ ਬਰਗਰ ਨੇ ਬੋਲਡ ਆਊਟ ਕੀਤਾ। ਰਾਹੁਲ ਦੀ ਇਸ ਸੈਂਕੜੇ ਵਾਲੀ ਪਾਰੀ ਦੇ ਬਾਵਜੂਦ ਭਾਰਤੀ ਟੀਮ 67.4 ਓਵਰ ਖੇਡ ਕੇ ਸਿਰਫ਼ 245 ਦੌੜਾਂ ਹੀ ਬਣਾ ਸਕੀ।
ਜੇਕਰ ਭਾਰਤੀ ਟੀਮ ਦੇ ਬੱਲੇਬਾਜ਼ੀ ਕ੍ਰਮ ਦੀ ਗੱਲ ਕਰੀਏ ਤਾਂ ਯਸ਼ਸਵੀ ਜੈਸਵਾਲ (17), ਰੋਹਿਤ ਸ਼ਰਮਾ (5), ਸ਼ੁਭਮਨ ਗਿੱਲ (2), ਵਿਰਾਟ ਕੋਹਲੀ (38), ਸ਼੍ਰੇਅਸ ਅਈਅਰ (31), ਕੇਐਲ ਰਾਹੁਲ (101), ਰਵੀਚੰਦਰਨ (101)। ਅਸ਼ਵਿਨ (8), ਸ਼ਾਰਦੁਲ ਠਾਕੁਰ (24), ਜਸਪ੍ਰੀਤ ਬੁਮਰਾਹ (1), ਮੁਹੰਮਦ ਸਿਰਾਜ (5) ਅਤੇ ਪ੍ਰਸਿਧ ਕ੍ਰਿਸ਼ਨ (0) ਨੇ ਅਜੇਤੂ ਦੌੜਾਂ ਬਣਾਈਆਂ।
ਉਥੇ ਹੀ ਅਫਰੀਕਾ ਵਲੋਂ ਕਾਗਿਸੋ ਰਬਾਡਾ ਨੇ 59 ਦੌੜਾਂ ਦੇ ਕੇ ਸਭ ਤੋਂ ਵੱਧ 5 ਵਿਕਟਾਂ ਲਈਆਂ। ਇਸ ਤੋਂ ਬਾਅਦ ਨੈਂਡਰੇ ਬਰਗਰ ਨੇ 50 ਦੌੜਾਂ ਦੇ ਕੇ ਤਿੰਨ ਵਿਕਟਾਂ, ਮਾਰਕੋ ਜਾਨਸਨ ਅਤੇ ਗੇਰਾਲਡ ਕੋਟਜੇ ਨੇ ਇਕ-ਇਕ ਵਿਕਟ ਲਈ।
