ਸੈਂਚੁਰੀਅਨ: ਤਿੰਨ ਮੈਚਾਂ ਦੀ ਟੈਸਟ ਲੜੀ ਵਿੱਚ ਭਾਰਤ ਨੇ ਵੀਰਵਾਰ ਨੂੰ ਸੁਪਰਸਪੋਰਟ ਪਾਰਕ ਵਿੱਚ ਦੱਖਣੀ ਅਫਰੀਕਾ ਨੂੰ 113 ਦੌੜਾਂ ਨਾਲ ਹਰਾ ਦਿੱਤਾ। ਇਸ ਨਾਲ ਭਾਰਤ ਨੇ ਸੀਰੀਜ਼ 'ਚ 1-0 ਦੇ ਨਾਲ ਅੱਗੇ ਵਧ ਗਿਆ ਹੈ। 305 ਦੌੜਾਂ ਦਾ ਪਿੱਛਾ ਕਰਦੇ ਹੋਏ ਦੱਖਣੀ ਅਫਰੀਕਾ ਦੀ ਟੀਮ ਪੰਜਵੇਂ ਦਿਨ 191 ਦੌੜਾਂ 'ਤੇ ਸਿਮਟ ਗਈ। ਟੀਮ ਲਈ ਕਪਤਾਨ ਡੀਨ ਐਲਗਾਰ (77) ਨੇ ਦੂਜੀ ਪਾਰੀ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਈਆਂ।
ਇਸ ਦੇ ਨਾਲ ਹੀ ਭਾਰਤੀ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ, ਮੁਹੰਮਦ ਸ਼ਮੀ ਅਤੇ ਮੁਹੰਮਦ ਸਿਰਾਜ ਨੇ ਚੰਗੀ ਗੇਂਦਬਾਜ਼ੀ ਕੀਤੀ। ਸ਼ਮੀ ਅਤੇ ਬੁਮਰਾਹ ਨੇ ਦੂਜੀ ਪਾਰੀ ਵਿੱਚ ਸਭ ਤੋਂ ਵੱਧ ਤਿੰਨ-ਤਿੰਨ ਵਿਕਟਾਂ ਲਈਆਂ। ਪੰਜਵੇਂ ਦਿਨ ਦੇ ਪਹਿਲੇ ਸੈਸ਼ਨ ਵਿੱਚ ਪ੍ਰੋਟੀਆਜ਼ ਨੇ 94/4 ਨਾਲ ਅੱਗੇ ਖੇਡਦੇ ਹੋਏ ਜਲਦੀ ਹੀ ਲੰਚ ਤੱਕ ਟੀਮ ਨੇ 187/7 ਦੌੜਾਂ ਬਣਾ ਲਈਆਂ ਸੀ। ਜਿਸ ਚ ਕਪਤਾਨ ਡੀਨ ਐਲਗਰ (77), ਡੀ ਕਾਕ (21) ਅਤੇ ਮਲਡਰ (1) ਸਾਰੇ ਆਊਟ ਹੋ ਗਏ। ਇਸ ਦੌਰਾਨ ਬੁਮਰਾਹ, ਸਿਰਾਜ ਅਤੇ ਸ਼ਮੀ ਨੇ ਇਕ-ਇਕ ਵਿਕਟ ਲਿਆ।
ਇਸ ਤੋਂ ਬਾਅਦ ਦੂਜੇ ਸੈਸ਼ਨ 'ਚ ਦੱਖਣੀ ਅਫਰੀਕਾ ਦੀ ਟੀਮ 191 ਦੌੜਾਂ 'ਤੇ ਢੇਰ ਹੋ ਗਈ। ਇਸ ਸੀਜ਼ਨ ਦੇ ਸ਼ੁਰੂਆਤੀ ਓਵਰ 'ਚ ਹੀ ਸ਼ਮੀ ਨੇ ਜੇਨਸੇਨ (13) ਦੌੜਾਂ 'ਤੇ ਆਊਟ ਕਰ ਦਿੱਤਾ, ਜਦਕਿ ਅਸ਼ਵਿਨ ਨੇ ਅਗਲੇ ਓਵਰ 'ਚ ਕਗਿਸੋ ਰਬਾਡਾ (0) ਅਤੇ ਲੁੰਗੀ ਨਗਿਡੀ (0) ਨੂੰ ਆਊਟ ਕਰਕੇ ਸੈਂਚੁਰੀਅਨ ਟੈਸਟ 'ਚ ਜਿੱਤ ਹਾਸਲ ਕੀਤੀ।