ਨਾਗਪੁਰ: ਭਾਰਤ ਅਤੇ ਆਸਟਰੇਲੀਆ ਵਿਚਾਲੇ ਚਾਰ ਟੈਸਟ ਮੈਚਾਂ ਦੀ ਸੀਰੀਜ਼ ਦੇ ਪਹਿਲੇ ਮੈਚ ਵਿੱਚ ਭਾਰਤ ਨੇ ਜਿੱਤ ਦਰਜ ਕੀਤੀ ਹੈ। ਇਹ ਮੈਚ 9 ਫਰਵਰੀ ਨੂੰ ਸ਼ੁਰੂ ਹੋਇਆ ਸੀ ਅਤੇ ਆਸਟਰੇਲੀਆ ਨੇ ਟਾਸ ਜਿੱਤ ਕੇ ਭਾਰਤ ਨੂੰ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਸੱਦਾ ਦਿੱਤਾ। ਭਾਰਤੀ ਗੇਂਦਬਾਜ਼ਾਂ ਨੇ ਪਹਿਲੇ ਹੀ ਦਿਨ ਆਸਟ੍ਰੇਲੀਆ ਨੂੰ 177 ਦੌੜਾਂ 'ਤੇ ਢੇਰ ਕਰ ਦਿੱਤਾ। ਇਸ ਦੇ ਨਾਲ ਹੀ ਭਾਰਤ ਨੇ ਪਹਿਲੀ ਪਾਰੀ ਵਿੱਚ 400 ਦੌੜਾਂ ਬਣਾਈਆਂ ਸਨ।
ਆਸਟਰੇਲੀਆ ਦੂਜੀ ਪਾਰੀ ਵਿੱਚ ਵੀ ਭਾਰਤੀ ਗੇਂਦਬਾਜ਼ਾਂ ਦੇ ਸਾਹਮਣੇ ਟਿਕ ਨਹੀਂ ਸਕਿਆ। ਪੂਰੀ ਟੀਮ 91 ਦੌੜਾਂ 'ਤੇ ਆਊਟ ਹੋ ਗਈ ਉਸਮਾਨ ਖਵਾਜਾ ਨੇ ਦੂਜੀ ਪਾਰੀ 'ਚ ਕੁੱਝ ਖ਼ਾਸ ਨਹੀਂ ਕਰ ਸਕੇ। ਆਰ ਅਸ਼ਵਿਨ ਨੇ ਪੰਜ ਵਿਕਟਾਂ ਲਈਆਂ। ਅਸ਼ਵਿਨ ਨੇ ਉਸਮਾਨ ਖਵਾਜਾ (5), ਡੇਵਿਡ ਵਾਰਨਰ (10), ਮੈਟ ਰੇਨਸ਼ਾ (2), ਪੀਟਰ ਹੈਂਡਸਕੌਮ (10) ਅਤੇ ਐਲੇਕਸ ਕੈਰੀ (10) ਨੂੰ ਆਊਟ ਕੀਤਾ। ਆਸਟ੍ਰੇਲੀਆ ਦਾ ਸਕੋਰ 28 ਓਵਰਾਂ ਬਾਅਦ 81/8 ਹੈ, ਰਵਿੰਦਰ ਜਡੇਜਾ ਨੇ ਮਾਰਨਸ ਲਾਬੂਸ਼ੇਨ (17) ਅਤੇ ਪੈਟ ਕਮਿੰਸ (1) ਨੂੰ ਆਊਚ ਕੀਤਾ। ਅਕਸ਼ਰ ਪਟੇਲ ਨੇ ਇਕ ਵਿਕਟ ਲਈ। ਉਸ ਨੇ ਟੌਡ ਮਰਫੀ (2) ਨੂੰ ਆਊਟ ਕੀਤਾ। ਮੁਹੰਮਦ ਸ਼ਮੀ ਨੇ ਦੋ ਵਿਕਟਾਂ ਲਈਆਂ। ਸ਼ਮੀ ਨੇ ਨਾਥਨ ਲਿਓਨ (8) ਅਤੇ ਸਕਾਟ ਬੋਲੈਂਡ ਨੂੰ ਆਊਟ ਕੀਤਾ, ਸਟੀਵ ਸਮਿਥ (25) ਅਜੇਤੂ ਰਹੇ।