ਨਵੀਂ ਦਿੱਲੀ: ਵਿਸ਼ਵ ਕੱਪ 2023 ਵਿੱਚ ਭਾਰਤੀ ਟੀਮ ਦੇ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਹਰ ਕੋਈ ਹੈਰਾਨ ਹੈ। ਭਾਰਤੀ ਟੀਮ ਨੇ ਮੈਚ ਦੇ ਹਰ ਖੇਤਰ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਚਾਹੇ ਉਹ ਬੱਲੇਬਾਜ਼ੀ ਹੋਵੇ, ਫੀਲਡਿੰਗ ਹੋਵੇ ਜਾਂ ਗੇਂਦਬਾਜ਼ੀ। ਭਾਰਤੀ ਟੀਮ ਨੇ ਵਿਸ਼ਵ ਕੱਪ 2023 (Cricket world cup 2023 ) ਵਿੱਚ 8 ਮੈਚ ਖੇਡੇ ਹਨ ਅਤੇ ਸਾਰੇ ਮੈਚ ਜਿੱਤੇ ਹਨ। ਭਾਰਤੀ ਖਿਡਾਰੀਆਂ ਨੇ ਗੇਂਦਬਾਜ਼ੀ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ।
ਗੇਂਦਬਾਜ਼ਾਂ ਤੋਂ ਬਚਣਾ ਮੁਸ਼ਕਿਲ:ਇੰਗਲੈਂਡ ਦੇ ਸਾਬਕਾ ਖਿਡਾਰੀ ਮਾਈਕਲ ਵਾਨ ਨੇ ਭਾਰਤੀ ਗੇਂਦਬਾਜ਼ਾਂ ਦੀ ਕਾਫੀ ਤਾਰੀਫ ਕੀਤੀ ਹੈ। ਐਕਸ 'ਤੇ ਪੋਸਟ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ ਕਿ ਜੇਕਰ ਬੁਮਰਾਹ ਤੁਹਾਨੂੰ ਆਊਟ ਨਹੀਂ ਕਰ ਪਾਉਂਦੇ ਹਨ ਤਾਂ ਮੁਹੰਮਦ ਸਿਰਾਜ ਤੁਹਾਨੂੰ ਆਊਟ ਕਰ ਦੇਣਗੇ। ਜੇਕਰ ਤੁਸੀਂ ਸਿਰਾਜ ਦੀ ਗੇਂਦਬਾਜ਼ੀ (Siraj bowling) ਦੌਰਾਨ ਵੀ ਆਊਟ ਨਹੀਂ ਹੋਏ ਤਾਂ ਮੁਹੰਮਦ ਸ਼ਮੀ ਤੁਹਾਨੂੰ ਆਊਟ ਕਰ ਦੇਣਗੇ। ਸ਼ਮੀ ਨਹੀਂ ਤਾਂ ਜਡੇਜਾ, ਜੇ ਜਡੇਜਾ ਤੋਂ ਬਚ ਗਏ ਤਾਂ ਕੁਲਦੀਪ ਤੈਨੂੰ ਨਹੀਂ ਛੱਡਣਗੇ।