ਚੇਨਈ :ਕ੍ਰਿਕਟ ਵਿਸ਼ਵ ਕੱਪ 2023 ਦਾ 26ਵਾਂ ਮੈਚ ਅੱਜ ਦੱਖਣੀ ਅਫਰੀਕਾ ਅਤੇ ਪਾਕਿਸਤਾਨ ਵਿਚਾਲੇ ਚੇਨਈ ਦੇ ਐੱਮਏ ਚਿਦੰਬਰਮ ਸਟੇਡੀਅਮ 'ਚ ਖੇਡਿਆ ਗਿਆ। ICC ਵਿਸ਼ਵ ਕੱਪ ਦੇ 26ਵੇਂ ਮੈਚ ਵਿੱਚ ਪਾਕਿਸਤਾਨ ਦੀ ਟੀਮ 270 ਦੌੜਾਂ ਬਣਾ ਕੇ ਆਲ ਆਊਟ ਹੋ ਗਈ। ਚੇਨਈ ਦੇ ਚੇਪੌਕ ਮੈਦਾਨ 'ਤੇ ਟੀਮ ਨੇ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਸੀ ਅਤੇ 46.4 ਓਵਰਾਂ 'ਚ 270 ਦੌੜਾਂ ਹੀ ਬਣਾ ਸਕੀ। ਮੈਚ ਬਹੁਤ ਹੀ ਰੋਮਾਂਚਕ ਰਿਹਾ ਹੈ। ਸਾਊਥ ਅਫਰੀਕਾ ਨੇ ਇੱਕ ਵਿਕਟ ਨਾਲ ਮੈਚ ਜਿੱਤਿਆ ਹੈ।
ਇਸ ਟੂਰਨਾਮੈਂਟ ਵਿੱਚ ਪਾਕਿਸਤਾਨ ਦੀ ਇਹ ਲਗਾਤਾਰ ਚੌਥੀ ਹਾਰ ਹੈ। ਦੱਖਣੀ ਅਫਰੀਕਾ ਲਈ ਕੇਸ਼ਵ ਮਹਾਰਾਜ ਅਤੇ ਤਬਰੇਜ਼ ਸ਼ਮਸੀ ਨੇ 10ਵੀਂ ਵਿਕਟ ਲਈ 11 ਦੌੜਾਂ ਜੋੜੀਆਂ। ਮੁਹੰਮਦ ਨਵਾਜ਼ ਦੀ ਗੇਂਦ 'ਤੇ ਮਹਾਰਾਜ ਨੇ ਜੇਤੂ ਚੌਕਾ ਜੜਿਆ। ਏਡਨ ਮਾਰਕਰਮ ਨੇ 91 ਦੌੜਾਂ ਬਣਾਈਆਂ, ਜਦਕਿ ਸ਼ਮਸੀ ਨੇ ਪਹਿਲੀ ਪਾਰੀ ਵਿੱਚ 4 ਵਿਕਟਾਂ ਲਈਆਂ।
ਸਾਊਥ ਅਫਰੀਕਾ ਦੀ ਪਾਰੀ:ਦੱਖਣੀ ਅਫਰੀਕਾ ਵੱਲੋਂ ਡੇਵਿਡ ਮਿਲਰ 29, ਮਾਰਕੋ ਜੈਨਸਨ 20, ਹੇਨਰਿਕ ਕਲਾਸੇਨ 12, ਰੈਸੀ ਵੈਨ ਡੇਰ ਡੁਸਨ 21, ਟੇਂਬਾ ਬਾਵੁਮਾ 28, ਕਵਿੰਟਨ ਡੀ ਕਾਕ 24 ਅਤੇ ਗੇਰਾਲਡ ਕੋਏਟਜ਼ੀ 10 ਦੌੜਾਂ ਬਣਾ ਕੇ ਆਊਟ ਹੋਏ। ਪਾਕਿਸਤਾਨ ਵੱਲੋਂ ਸ਼ਾਹੀਨ ਅਫਰੀਦੀ ਨੇ 3 ਵਿਕਟਾਂ ਲਈਆਂ। ਜਦੋਂ ਕਿ ਮੁਹੰਮਦ ਵਸੀਮ ਜੂਨੀਅਰ, ਹਰਿਸ ਰਾਊਫ ਅਤੇ ਉਸਾਮਾ ਮੀਰ ਨੂੰ 2-2 ਸਫਲਤਾ ਮਿਲੀ। 136 ਦੌੜਾਂ ਦੇ ਸਕੋਰ ਅਤੇ 4 ਵਿਕਟਾਂ ਦੇ ਨੁਕਸਾਨ ਤੋਂ ਬਾਅਦ ਏਡੇਨ ਮਾਰਕਰਮ ਨੇ ਡੇਵਿਡ ਮਿਲਰ ਨਾਲ ਪਾਰੀ ਨੂੰ ਸੰਭਾਲਿਆ। ਮਾਰਕਰਮ ਨੇ ਆਪਣਾ ਫਿਫਟੀ ਪੂਰਾ ਕੀਤਾ, ਦੂਜੇ ਪਾਸੇ ਮਿਲਰ ਨੇ ਉਸਾਮਾ ਮੀਰ 'ਤੇ ਹਮਲਾ ਕੀਤਾ। ਦੋਵਾਂ ਖਿਡਾਰੀਆਂ ਨੇ 70 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਸੀ, ਜਦੋਂ ਸ਼ਾਹੀਨ ਸ਼ਾਹ ਅਫਰੀਦੀ ਨੇ ਮਿਲਰ ਨੂੰ ਕੈਚ ਆਊਟ ਕਰ ਦਿੱਤਾ। ਮਿਲਰ 29 ਦੌੜਾਂ ਬਣਾ ਕੇ ਆਊਟ ਹੋ ਗਏ ਅਤੇ ਦੋਵਾਂ ਵਿਚਾਲੇ ਸਾਂਝੇਦਾਰੀ ਟੁੱਟ ਗਈ।
ਪਾਕਿਸਤਾਨ ਦੀ ਪਾਰੀ:ਇੱਕ ਰੋਜ਼ਾ ਵਿਸ਼ਵ ਕੱਪ ਦੇ 26ਵੇਂ ਮੈਚ ਵਿੱਚ ਪਾਕਿਸਤਾਨ ਦੀ ਟੀਮ 271 ਦੌੜਾਂ ਬਣਾ ਕੇ ਆਲ ਆਊਟ ਹੋ ਗਈ। ਚੇਨਈ ਦੇ ਚੇਪੌਕ ਮੈਦਾਨ 'ਤੇ ਟੀਮ ਨੇ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਟੀਮ 46.4 ਓਵਰਾਂ ਵਿੱਚ 270 ਦੌੜਾਂ ਹੀ ਬਣਾ ਸਕੀ। ਦੱਖਣੀ ਅਫਰੀਕਾ ਵੱਲੋਂ ਸਪਿੰਨਰ ਤਬਰੇਜ਼ ਸ਼ਮਸੀ ਨੇ 4 ਵਿਕਟਾਂ ਲਈਆਂ। ਮਾਰਕੋ ਜੈਨਸਨ ਨੇ 3 ਅਤੇ ਗੇਰਾਲਡ ਕੂਟੀਜ਼ ਨੇ 2 ਵਿਕਟਾਂ ਹਾਸਲ ਕੀਤੀਆਂ। ਲੁੰਗੀ ਨਗਿਦੀ ਨੂੰ ਇਕ ਵਿਕਟ ਮਿਲੀ। ਬਾਬਰ ਆਪਣਾ ਅਰਧ ਸੈਂਕੜਾ ਪੂਰਾ ਕਰਨ ਤੋਂ ਬਾਅਦ ਕੈਚ ਬੈਕ ਹੋ ਗਿਆ। ਬਾਬਰ ਅਤੇ ਇਫਤਿਖਾਰ (21) ਨੂੰ ਵੀ ਤਬਰੇਜ਼ ਸ਼ਮਸੀ ਨੇ ਆਊਟ ਕੀਤਾ। ਸ਼ਮਸੀ ਤੋਂ ਇਲਾਵਾ ਮਾਰਕੋ ਜੈਨਸਨ ਨੇ 3 ਅਤੇ ਗੇਰਾਲਡ ਕੂਟੀਜ਼ ਨੇ 2 ਵਿਕਟਾਂ ਲਈਆਂ।
ਦੋਹਾਂ ਟੀਮਾਂ ਦਾ ਹੁਣ ਤੱਕ ਦਾ ਸਫ਼ਰ: ਵਿਸ਼ਵ ਕੱਪ 'ਚ 5 'ਚੋਂ 4 ਮੈਚ ਜਿੱਤ ਕੇ ਦੱਖਣੀ ਅਫਰੀਕਾ ਦੀ ਟੀਮ ਅੰਕ ਸੂਚੀ 'ਚ ਭਾਰਤ ਤੋਂ ਬਾਅਦ ਦੂਜੇ ਸਥਾਨ 'ਤੇ ਹੈ। ਉਸ ਨੇ ਸ਼੍ਰੀਲੰਕਾ, ਆਸਟ੍ਰੇਲੀਆ, ਇੰਗਲੈਂਡ ਅਤੇ ਬੰਗਲਾਦੇਸ਼ ਨੂੰ ਹਰਾਇਆ ਹੈ। ਪਰ ਉਸ ਨੂੰ ਨੀਦਰਲੈਂਡ ਦੇ ਖਿਲਾਫ ਮੈਚ 'ਚ ਹਾਰ ਝੱਲਣੀ ਪਈ। ਇਸ ਦੇ ਨਾਲ ਹੀ, ਪਾਕਿਸਤਾਨ ਨੇ ਪਹਿਲਾਂ ਨੀਦਰਲੈਂਡ ਅਤੇ ਫਿਰ ਸ਼੍ਰੀਲੰਕਾ ਨੂੰ ਹਰਾ ਕੇ ਟੂਰਨਾਮੈਂਟ 'ਚ ਸ਼ਾਨਦਾਰ ਸ਼ੁਰੂਆਤ ਕੀਤੀ। ਪਰ ਫਿਰ ਇਸ ਨੂੰ ਭਾਰਤ, ਆਸਟ੍ਰੇਲੀਆ ਅਤੇ ਅਫਗਾਨਿਸਤਾਨ ਖਿਲਾਫ ਆਪਣੇ ਆਖਰੀ ਤਿੰਨ ਮੈਚਾਂ 'ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਪਾਕਿਸਤਾਨ 5 ਮੈਚਾਂ 'ਚ 2 ਜਿੱਤਾਂ ਨਾਲ ਅੰਕ ਸੂਚੀ 'ਚ ਛੇਵੇਂ ਸਥਾਨ 'ਤੇ ਹੈ।
