ਨਵੀਂ ਦਿੱਲੀ: ਆਈਸੀਸੀ ਦੀ ਤਾਜ਼ਾ ਟੈਸਟ ਰੈਂਕਿੰਗ ਬੁੱਧਵਾਰ ਨੂੰ ਜਾਰੀ ਕੀਤੀ ਗਈ ਹੈ। ਟੀਮ ਇੰਡੀਆ ਦੇ ਤਜਰਬੇਕਾਰ ਮੱਧ ਕ੍ਰਮ ਦੇ ਬੱਲੇਬਾਜ਼ ਅਜਿੰਕਿਆ ਰਹਾਣੇ ਅਤੇ ਤੇਜ਼ ਗੇਂਦਬਾਜ਼ ਆਲਰਾਊਂਡਰ ਸ਼ਾਰਦੁਲ ਠਾਕੁਰ ਨੇ ਟੈਸਟ ਰੈਂਕਿੰਗ 'ਚ ਆਪਣਾ ਸਥਾਨ ਬਣਾ ਲਿਆ ਹੈ। 2023 ਵਿੱਚ ਓਵਲ ਮੈਦਾਨ ਵਿੱਚ ਆਸਟਰੇਲੀਆ ਦੇ ਖਿਲਾਫ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦੇ ਫਾਈਨਲ ਵਿੱਚ, ਰਹਾਣੇ ਦੇ 89 ਅਤੇ 46 ਦੇ ਸਕੋਰ ਨੇ ਭਾਰਤੀ ਟੀਮ ਵਿੱਚ ਉਸਦੀ ਵਾਪਸੀ ਦੀ ਨਿਸ਼ਾਨਦੇਹੀ ਕੀਤੀ। ਰਹਾਣੇ ਨੂੰ ਟੈਸਟ ਰੈਂਕਿੰਗ 'ਚ ਇਸ ਦਾ ਫਾਇਦਾ ਮਿਿਲਆ ਹੈ। ਡਬਲਯੂ.ਟੀ.ਸੀ. ਫਾਈਨਲ 'ਚ ਸ਼ਾਨਦਾਰ ਪ੍ਰਦਰਸ਼ਨ ਦੀ ਬਦੌਲਤ ਆਸਟਰੇਲੀਅਨ ਬੱਲੇਬਾਜ਼ਾਂ ਨੇ ਰੈਂਕਿੰਗ 'ਤੇ ਕਬਜ਼ਾ ਕੀਤਾ ਹੈ।
ਚੋਟੀ ਦੇ 3 ਬੱਲੇਬਾਜ਼: ਆਸਟ੍ਰੇਲੀਆ ਦੇ ਤਿੰਨ ਦਿੱਗਜ ਬੱਲੇਬਾਜ਼ ਆਈਸੀਸੀ ਟੈਸਟ ਰੈਂਕਿੰਗ ਦੀ ਤਾਜ਼ਾ ਸੂਚੀ 'ਚ ਜਗ੍ਹਾ ਬਣਾਉਣ 'ਚ ਸਫਲ ਰਹੇ ਹਨ। 39 ਸਾਲਾਂ ਦੇ ਰਿਕਾਰਡ 'ਚ ਇਹ ਪਹਿਲੀ ਵਾਰ ਹੋ ਰਿਹਾ ਹੈ ਕਿ ਇਕ ਹੀ ਦੇਸ਼ ਦੇ ਤਿੰਨ ਖਿਡਾਰੀ ਟੈਸਟ ਰੈਂਕਿੰਗ 'ਚ ਚੋਟੀ 'ਤੇ ਕਾਬਜ਼ ਹੋਏ ਹਨ। ਇਸ ਤੋਂ ਪਹਿਲਾਂ 1984 'ਚ ਟੈਸਟ ਰੈਂਕਿੰਗ 'ਚ ਵੈਸਟਇੰਡੀਜ਼ ਦੇ 3 ਬੱਲੇਬਾਜ਼ਾਂ ਨੇ ਪਹਿਲੇ ਤਿੰਨ ਸਥਾਨਾਂ 'ਤੇ ਕਬਜ਼ਾ ਕੀਤਾ ਸੀ। ਇਨ੍ਹਾਂ ਵਿੱਚ ਗੋਰਡਨ ਗ੍ਰੀਨਿਜ, ਕਲਾਈਵ ਲੋਇਡ ਅਤੇ ਲੈਰੀ ਗੋਮਜ਼ ਸ਼ਾਮਲ ਹਨ।
7-8 ਜੂਨ ਨੂੰ ਓਵਲ ਵਿੱਚ ਖੇਡੇ ਗਏ ਡਬਲਯੂਟੀਸੀ ਫਾਈਨਲ ਦੇ ਪਹਿਲੇ ਦੋ ਦਿਨ ਆਸਟਰੇਲੀਆਈ ਬੱਲੇਬਾਜ਼ ਟ੍ਰੈਵਿਸ ਹੈੱਡ ਨੇ ਸ਼ਾਨਦਾਰ ਸੈਂਕੜਾ ਜੜਿਆ ਅਤੇ 163 ਦੌੜਾਂ ਬਣਾਈਆਂ। ਡਬਲਯੂਟੀਸੀ ਫਾਈਨਲ ਵਿੱਚ ਇਹ ਸੈਂਕੜਾ ਇਤਿਹਾਸਕ ਸੀ। ਇਸ ਤੋਂ ਬਾਅਦ ਟ੍ਰੇਵਿਡ ਹੈਡ ਟੈਸਟ ਰੈਂਕਿੰਗ 'ਚ ਪਹਿਲੇ ਤਿੰਨ ਸਥਾਨ 'ਤੇ ਆ ਗਏ ਹਨ। ਹੈਡ 884 ਰੇਟਿੰਗ ਅੰਕਾਂ ਨਾਲ ਚੋਟੀ ਦੇ 3 ਸਥਾਨ 'ਤੇ ਹਨ। ਇਸ ਸੂਚੀ 'ਚ ਦੂਜਾ ਨਾਂ ਮਾਰਨਸ ਲੈਬੁਸ਼ਗਨ ਦਾ ਹੈ, ਜੋ 903 ਰੇਟਿੰਗ ਅੰਕਾਂ ਨਾਲ ਟੈਸਟ ਰੈਂਕਿੰਗ 'ਚ ਚੋਟੀ 'ਤੇ ਹਨ। ਇਸ ਤੋਂ ਇਲਾਵਾ ਇਸ ਸੂਚੀ 'ਚ ਸਟੀਵ ਸਮਿਥ ਦੂਜੇ ਸਥਾਨ 'ਤੇ ਬਰਕਰਾਰ ਹਨ। ਸਮਿਥ ਨੇ ਡਬਲਯੂਟੀਸੀ ਫਾਈਨਲ ਵਿੱਚ ਵੱਖ-ਵੱਖ ਪਾਰੀਆਂ ਵਿੱਚ 121 ਅਤੇ 34 ਦੌੜਾਂ ਬਣਾਈਆਂ।
ਭਾਰਤੀ ਖਿਡਾਰੀਆਂ ਦਾ ਨੰਬਰ:ਰਵੀਚੰਦਰਨ ਅਸ਼ਵਿਨ 860 ਅੰਕਾਂ ਨਾਲ ਪਹਿਲੇ ਨੰਬਰ 'ਤੇ ਬਰਕਰਾਰ ਹਨ। ਅਜਿੰਕਿਆ ਰਹਾਣੇੇ 37ਵੇਂ ਸਥਾਨ 'ਤੇ ਹਨ। ਇਸ ਤੋਂ ਇਲਾਵਾ ਸ਼ਾਰਦੁਲ ਠਾਕੁਰ 94ਵੇਂ ਨੰਬਰ 'ਤੇ ਹਨ। ਇਸ ਦੇ ਨਾਲ ਹੀ ਮੁਹੰਮਦ ਸਿਰਾਜ 36ਵੇਂ ਨੰਬਰ 'ਤੇ ਪਹੁੰਚ ਗਏ ਹਨ। ਵਿਕਟਕੀਪਰ ਬੱਲੇਬਾਜ਼ ਐਲੇਕਸ ਕੈਰੀ 48 ਅਤੇ ਨਾਬਾਦ 66 ਦੌੜਾਂ ਬਣਾ ਕੇ 11 ਸਥਾਨਾਂ ਦੀ ਛਾਲ ਲਗਾ ਕੇ 36ਵੇਂ ਸਥਾਨ 'ਤੇ ਪਹੁੰਚ ਗਿਆ ਹੈ। ਆਫ ਸਪਿਨਰ ਨਾਥਨ ਲਿਓਨ ਦੋ ਸਥਾਨਾਂ ਦੇ ਫਾਇਦੇ ਨਾਲ ਛੇਵੇਂ ਅਤੇ ਤੇਜ਼ ਗੇਂਦਬਾਜ਼ ਸਕਾਟ ਬੋਲੈਂਡ ਪੰਜ ਸਥਾਨ ਦੇ ਫਾਇਦੇ ਨਾਲ 36ਵੇਂ ਸਥਾਨ 'ਤੇ ਪਹੁੰਚ ਗਿਆ ਹੈ।
