IND vs WI: ICC ਨੇ ਭਾਰਤ ਅਤੇ ਵੈਸਟਇੰਡੀਜ਼ ਨੂੰ ਪਹਿਲੇ ਟੀ-20 ਮੈਚ 'ਚ ਕਿਉਂ ਜੁਰਮਾਨਾ ਲਗਾਇਆ ?

ਅੰਤਰਰਾਸ਼ਟਰੀ ਕ੍ਰਿਕਟ ਪਰਿਸ਼ਦ ਨੇ ਵੀਰਵਾਰ ਨੂੰ ਖੇਡੇ ਗਏ ਪਹਿਲੇ ਟੀ-20 ਮੈਚ ਵਿੱਚ ਸਲੋ ਓਵਰ ਰੇਟ ਲਈ ਭਾਰਤੀ ਟੀਮ ਨੂੰ ਮੈਚ ਫੀਸ ਦਾ 5 ਫੀਸਦੀ ਅਤੇ ਵੈਸਟਇੰਡੀਜ਼ ਦੀ ਟੀਮ ਨੂੰ 10 ਫੀਸਦੀ ਜੁਰਮਾਨਾ ਲਗਾਇਆ ਹੈ।

ਦੁਬਈ:ਭਾਰਤ ਅਤੇ ਵੈਸਟਇੰਡੀਆ ਵਿਚਾਲੇ ਟੀ-20 ਮੈਚਾਂ ਦੀ ਸ਼ੁਰੂਆਤ ਹੋ ਚੁੱਕੀ ਹੈ। ਪੰਜ ਮੈਚਾਂ ਦੀ ਲੜੀ ਦੇ ਪਹਿਲੇ ਟੀ-20 ਅੰਤਰਰਾਸ਼ਟਰੀ ਮੈਚ ਵਿੱਚ ਭਾਰਤ ਅਤੇ ਵੈਸਟਇੰਡੀਜ਼ ਦੀਆਂ ਟੀਮਾਂ ਨੂੰ ਜੁਰਮਾਨਾ ਲਗਾਇਆ ਗਿਆ। ਇਸ ਜੁਰਮਾਨੇ ਦਾ ਕਰਨ ਹੌਲੀ ਓਵਰ-ਰੇਟ ਦੱਸਿਆ ਜਾ ਰਿਹਾ ਹੈ। ਵੀਰਵਾਰ ਨੂੰ ਖੇਡੇ ਗਏ ਮੈਚ ਦੌਰਾਨ ਭਾਰਤ ਨੂੰ ਘੱਟੋ-ਘੱਟ ਓਵਰ ਰੇਟ ਤੋਂ ਇਕ ਓਵਰ ਘੱਟ ਹੋਣ ਕਾਰਨ ਮੈਚ ਫੀਸ ਦਾ ਪੰਜ ਫੀਸਦੀ ਜੁਰਮਾਨਾ ਲਗਾਇਆ ਗਿਆ, ਜਦਕਿ ਵੈਸਟਇੰਡੀਜ਼ ਨੂੰ ਘੱਟੋ-ਘੱਟ ਓਵਰ ਰੇਟ ਤੋਂ ਦੋ ਓਵਰ ਘੱਟ ਹੋਣ ਕਾਰਨ ਮੈਚ ਫੀਸ ਦਾ 10 ਫੀਸਦੀ ਜੁਰਮਾਨਾ ਲਾਇਆ ਗਿਆ। ਆਈਸੀਸੀ ਏਲੀਟ ਪੈਨਲ ਦੇ ਮੈਚ ਰੈਫਰੀ ਰਿਚੀ ਰਿਚਰਡਸਨ ਨੇ ਹਾਰਦਿਕ ਪੰਡਯਾ ਅਤੇ ਰੋਵਮੈਨ ਪਾਵੇਲ ਦੀਆਂ ਟੀਮਾਂ ਨੂੰ ਨਿਰਧਾਰਤ ਸਮੇਂ ਵਿੱਚ ਕ੍ਰਮਵਾਰ ਇੱਕ ਅਤੇ ਦੋ ਓਵਰ ਘਟਾਉਣ ਦੀ ਸਜ਼ਾ ਦਿੱਤੀ।

ਖਿਡਾਰੀਆਂ ਨੇ ਆਪਣੇ ਸਮੇਂ 'ਚ ਨਹੀਂ ਕੀਤੀ ਗੇਂਦਬਾਜ਼ੀ:ਖਿਡਾਰੀਆਂ ਅਤੇ ਟੀਮ ਐਸੋਸੀਏਟਸ ਲਈ ਆਈਸੀਸੀ ਕੋਡ ਆਫ ਕੰਡਕਟ ਦੇ ਆਰਟੀਕਲ 2.22 (ਘੱਟੋ-ਘੱਟ ਓਵਰਾਂ ਨਾਲ ਸਬੰਧਤ) ਦੇ ਅਨੁਸਾਰ, ਖਿਡਾਰੀਆਂ ਨੂੰ ਆਪਣੀ ਟੀਮ ਦੁਆਰਾ ਨਿਰਧਾਰਤ ਸਮੇਂ ਵਿੱਚ ਗੇਂਦਬਾਜ਼ੀ ਕਰਨ ਵਿੱਚ ਅਸਫਲ ਰਹਿਣ ਵਾਲੇ ਹਰੇਕ ਓਵਰ ਲਈ ਉਨ੍ਹਾਂ ਦੀ ਮੈਚ ਫੀਸ ਦਾ ਪੰਜ ਪ੍ਰਤੀਸ਼ਤ ਜੁਰਮਾਨਾ ਲਗਾਇਆ ਜਾਂਦਾ ਹੈ। ਅਜਿਹੇ 'ਚ ਖਿਡਾਰੀ 'ਤੇ ਵੱਧ ਤੋਂ ਵੱਧ ਮੈਚ ਫੀਸ ਦਾ 50 ਫੀਸਦੀ ਜੁਰਮਾਨਾ ਲਗਾਇਆ ਜਾ ਸਕਦਾ ਹੈ।

ਖਿਡਾਰੀਆਂ ਨੇ ਸਵੀਕਾਰ ਕੀਤੀ ਸਜ਼ਾ: ਆਈਸੀਸੀ ਦੀ ਰਿਲੀਜ਼ ਦੇ ਅਨੁਸਾਰ, ਪੰਡਯਾ ਅਤੇ ਪਾਵੇਲ ਨੇ ਆਪਣੇ ਅਪਰਾਧਾਂ ਅਤੇ ਪ੍ਰਸਤਾਵਿਤ ਪਾਬੰਦੀਆਂ ਨੂੰ ਸਵੀਕਾਰ ਕਰ ਲਿਆ ਹੈ। ਇਸ ਲਈ ਰਸਮੀ ਸੁਣਵਾਈ ਦੀ ਕੋਈ ਲੋੜ ਨਹੀਂ ਸੀ। ਇਹ ਦੋਸ਼ ਮੈਦਾਨ ਦੇ ਅੰਪਾਇਰ ਗ੍ਰੇਗਰੀ ਬ੍ਰੈਥਵੇਟ ਅਤੇ ਪੈਟਰਿਕ ਗੁਸਟਾਰਡ, ਤੀਜੇ ਅੰਪਾਇਰ ਨਿਗੇਲ ਡੁਗੁਇਡ ਅਤੇ ਚੌਥੇ ਅੰਪਾਇਰ ਲੇਸਲੀ ਰੇਫਰ ਨੇ ਲਗਾਏ ਸਨ। ਭਾਰਤ ਪਹਿਲਾ ਟੀ-20 ਮੈਚ ਚਾਰ ਦੌੜਾਂ ਨਾਲ ਹਾਰ ਗਿਆ ਸੀ। ਪੰਜ ਮੈਚਾਂ ਦੀ ਲੜੀ ਦਾ ਦੂਜਾ ਮੈਚ ਐਤਵਾਰ ਨੂੰ ਪ੍ਰੋਵਿਡੈਂਸ, ਗੁਆਨਾ ਵਿੱਚ ਖੇਡਿਆ ਜਾਵੇਗਾ।