ਸਾਊਥੈਂਪਟਨ : ਮੇਜ਼ਬਾਨ ਇੰਗਲੈਂਡ ਅਤੇ ਟੀਮ ਇੰਡੀਆ ਵਿਚਾਲੇ ਟੀ-20 ਅੰਤਰਰਾਸ਼ਟਰੀ ਸੀਰੀਜ਼ ਅੱਜ (ਵੀਰਵਾਰ) ਤੋਂ ਸ਼ੁਰੂ ਹੋ ਗਈ ਹੈ। ਤਿੰਨ ਟੀ-20 ਮੈਚਾਂ ਦੀ ਇਸ ਸੀਰੀਜ਼ ਦਾ ਪਹਿਲਾ ਮੈਚ ਅੱਜ ਸਾਊਥੈਂਪਟਨ ਦੇ ਦਿ ਏਜਸ ਬਾਊਲ ਮੈਦਾਨ 'ਤੇ ਖੇਡਿਆ ਜਾ ਰਿਹਾ ਹੈ। ਭਾਰਤ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ।
ਐਜਬੈਸਟਨ ਟੈਸਟ 'ਚ ਮਿਲੀ ਹਾਰ ਤੋਂ ਬਾਅਦ ਟੀਮ ਇੰਡੀਆ ਹੁਣ ਸੀਮਤ ਓਵਰਾਂ ਦੀ ਕ੍ਰਿਕਟ ਸੀਰੀਜ਼ 'ਚ ਇੰਗਲੈਂਡ ਤੋਂ ਬਦਲਾ ਲੈਣਾ ਚਾਹੇਗੀ। ਟੀਮ ਇੰਡੀਆ ਇਕ ਵਾਰ ਫਿਰ ਰੋਹਿਤ ਸ਼ਰਮਾ ਦੀ ਅਗਵਾਈ ਵਿਚ ਦਿਖਾਈ ਦੇਵੇਗੀ, ਜੋ ਕੋਵਿਡ ਕਾਰਨ ਟੈਸਟ ਮੈਚ ਤੋਂ ਬਾਹਰ ਹੋ ਗਿਆ ਸੀ ਅਤੇ ਹੁਣ ਪੂਰੀ ਤਰ੍ਹਾਂ ਫਿੱਟ ਹੈ।
ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਤਿੰਨ ਟੀ-20 ਮੈਚਾਂ ਦੀ ਸੀਰੀਜ਼ ਦਾ ਪਹਿਲਾ ਮੈਚ ਵੀਰਵਾਰ ਨੂੰ ਖੇਡਿਆ ਜਾਵੇਗਾ, ਜਦਕਿ ਦੋਵਾਂ ਟੀਮਾਂ ਵਿਚਾਲੇ ਦੂਜਾ ਟੀ-20 ਸ਼ਨੀਵਾਰ ਅਤੇ ਐਤਵਾਰ ਨੂੰ ਬਰਮਿੰਘਮ 'ਚ ਖੇਡਿਆ ਜਾਵੇਗਾ। ਜਦਕਿ ਤੀਜਾ ਟੀ-20 ਮੈਚ ਨਾਟਿੰਘਮ 'ਚ ਹੋਵੇਗਾ। ਇਸ ਸਾਲ ਟੀ-20 ਵਿਸ਼ਵ ਕੱਪ ਦਾ ਆਯੋਜਨ ਹੋਣਾ ਹੈ ਅਤੇ ਇੰਗਲੈਂਡ ਵੀ ਉਸ ਖਿਤਾਬ ਦਾ ਮਜ਼ਬੂਤ ਦਾਅਵੇਦਾਰ ਹੋਵੇਗਾ। ਅਜਿਹੇ 'ਚ ਇਸ ਸੀਰੀਜ਼ 'ਚ ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਟੱਕਰ ਦੇਖਣ ਵਾਲੀ ਹੋਵੇਗੀ।
ਇੰਗਲੈਂਡ ਦੀ ਟੀਮ ਫਿਲਹਾਲ ਨਵੇਂ ਕੋਚ ਬ੍ਰੈਂਡਨ ਮੈਕੁਲਮ ਦੀ ਅਗਵਾਈ 'ਚ ਮੈਦਾਨ 'ਤੇ ਹੈ ਅਤੇ ਉਹ ਪਹਿਲੀ ਵਾਰ ਟੀ-20 ਸੀਰੀਜ਼ 'ਚ ਮੈਕੁਲਮ ਦੀ ਅਗਵਾਈ 'ਚ ਖੇਡੇਗੀ। ਜੌਨੀ ਬੇਅਰਸਟੋ ਤੋਂ ਲੈ ਕੇ ਜੋਸ ਬਟਲਰ ਅਤੇ ਜੋ ਰੂਟ ਤੱਕ ਸਾਰੇ ਖਿਡਾਰੀ ਟੀਮ 'ਚ ਮੌਜੂਦ ਹਨ, ਜੋ ਟੀਮ ਇੰਡੀਆ ਨੂੰ ਸਖਤ ਮੁਕਾਬਲਾ ਦੇਣਗੇ। ਇਸ ਸੀਰੀਜ਼ ਦਾ ਨਤੀਜਾ ਭਾਰਤੀ ਟੀਮ ਨੂੰ ਅੱਗੇ ਦੀ ਰਣਨੀਤੀ ਤੈਅ ਕਰਨ 'ਚ ਕਾਫੀ ਹੱਦ ਤੱਕ ਮਦਦ ਕਰੇਗਾ।