ਨਵੀਂ ਦਿੱਲੀ : ਪਾਕਿਸਤਾਨ ਨੇ ਆਪਣੇ ਆਖ਼ਰੀ ਮੁਕਾਬਲੇ ਵਿੱਚ ਬੰਗਲਾਦੇਸ਼ ਨੂੰ 94 ਦੌੜਾਂ ਨਾਲ ਮਾਤ ਦਿੱਤੀ। ਮੈਚ ਖ਼ਤਮ ਹੁੰਦੇ ਹੀ ਸ਼ੋਇਬ ਨੇ ਇੱਕ ਦਿਨਾਂ ਕ੍ਰਿਕਟ ਨੂੰ ਅਲਵਿਦਾ ਕਹਿਣ ਦਾ ਫ਼ੈਸਲਾ ਲਿਆ।
ਅਨੁਭਵੀ ਬੱਲੇਬਾਜ਼ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ, 'ਮੈਂ ਇੱਕ ਦਿਨਾਂ ਕ੍ਰਿਕਟ ਤੋਂ ਸੰਨਿਆਸ ਲੈ ਰਿਹਾ ਹਾਂ। ਮੈ ਕੁੱਝ ਸਾਲ ਪਹਿਲਾਂ ਹੀ ਫ਼ੈਸਲਾ ਕਰ ਲਿਆ ਸੀ ਕਿ ਮੈਂ ਪਾਕਿਸਤਾਨ ਦੇ ਆਖ਼ਰੀ ਵਿਸ਼ਵ ਕੱਪ ਮੈਚ ਤੋਂ ਬਾਅਦ ਸੰਨਿਆਸ ਲਵਾਂਗਾ। ਮੈਂ ਇਸ ਗੱਲ ਤੋਂ ਨਿਰਾਸ਼ ਹਾਂ ਕਿ ਕ੍ਰਿਕਟ ਦੇ ਉਸ ਰੂਪ ਨੂੰ ਅਲਵਿਦਾ ਕਹਿ ਰਿਹਾ ਹਾਂ, ਜਿਸ ਨੇ ਮੈਨੂੰ ਬਹੁਤ ਪਿਆਰ ਦਿੱਤਾ ਸੀ, ਪਰ ਖੁਸ਼ੀ ਇਸ ਗੱਲ ਦੀ ਹੈ ਕਿ ਆਪਣੇ ਪਰਿਵਾਰ ਨਾਲ ਸਮਾਂ ਬਿਤਾਉਣ ਲਈ ਹੁਣ ਮੇਰੇ ਕੋਲ ਜ਼ਿਆਦਾ ਸਮਾਂ ਹੋਵੇਗਾ।'
ਵਿਸ਼ਵ ਕੱਪ 2019 ਵਿੱਚ ਸ਼ੋਇਬ ਮਲਿਕ ਦਾ ਪ੍ਰਦਰਸ਼ਨ ਬੇਹੱਦ ਖ਼ਰਾਬ ਰਿਹਾ। ਮਲਿਕ ਨੇ 3 ਮੈਚ ਖੇਡੇ ਹਨ ਜਿੰਨ੍ਹਾਂ ਵਿੱਚ ਉਸ ਨੇ 8 ਦੌੜਾਂ ਹੀ ਬਣਾਈਆਂ ਹਨ। ਵਿਸ਼ਵ ਕੱਪ 2019 ਵਿੱਚ ਮਲਿਕ ਨੇ ਆਪਣਾ ਆਖ਼ਰੀ ਮੈਚ ਭਾਰਤ ਵਿਰੁੱਧ ਖੇਡਿਆ ਸੀ ਜਿਸ ਵਿੱਚ ਉਹ 0 ਤੇ ਆਉਟ ਹੋਏ ਸਨ।
ਇਸ ਤੋਂ ਬਾਅਦ ਹਾਰਿਸ ਸੋਹੇਲ ਨੇ ਸ਼ੋਇਬ ਮਲਿਕ ਦੀ ਥਾਂ ਲਈ ਅਤੇ ਮਲਿਕ ਨੂੰ ਫ਼ਿਰ ਖੇਡਣ ਦਾ ਮੌਕਾ ਨਹੀਂ ਮਿਲਿਆ।