ਨਵੀਂ ਦਿੱਲੀ : ਭਾਰਤ ਤੇ ਨਿਊਜ਼ੀਲੈਂਡ ਵਿਚਕਾਰ ਖੇਡਿਆ ਜਾਣ ਵਾਲਾ ਇੱਕ ਦਿਨਾਂ ਮੈਚ ਮੀਂਹ ਕਾਰਨ ਰੱਦ ਕਰਨਾ ਪਿਆ ਅਤੇ ਦੋਵੇਂ ਟੀਮਾਂ ਨੇ ਇਸ ਮੈਚ ਤੋਂ 1-1 ਅੰਕ ਆਪਸ ਵਿੱਚ ਵੰਡ ਲਏ ਹਨ। ਇਸ ਟੂਰਨਾਮੈਂਟ ਵਿੱਚ ਨਿਊਜ਼ੀਲੈਂਡ ਦਾ ਇਹ ਚੌਥਾ ਮੈਚ ਸੀ ਅਤੇ ਕੀਵੀ ਟੀਮ ਨੇ ਹੁਣ ਤੱਕ ਇਸ ਟੂਰਨਾਮੈਂਟ ਵਿੱਚ 3 ਮੈਚ ਜਿੱਤੇ ਹਨ।
CWC 2019 : ਮੀਂਹ ਕਾਰਨ ਭਾਰਤ-ਨਿਊਜ਼ੀਲੈਂਡ ਮੈਚ ਰੱਦ, ਦੋਵੇਂ ਟੀਮਾਂ ਨੂੰ 1-1 ਅੰਕ ਮਿਲਿਆ
ਭਾਰਤ ਅਤੇ ਨਿਊਜ਼ੀਲੈਂਡ ਦਰਮਿਆਨ ਵਿਸ਼ਵ ਕੱਪ 2019 ਦਾ 19ਵਾਂ ਮੈਚ ਨਾਟਿੰਘਮ ਦੇ ਟ੍ਰੈਂਟ ਬ੍ਰਿਜ ਮੈਦਾਨ ਤੇ ਖੇਡਿਆ ਜਾਣਾ ਸੀ, ਪਰ ਮੈਚ ਨੂੰ ਬਿਨਾਂ ਟਾਸ ਕੀਤੇ ਹੀ ਰੱਦ ਕਰਨਾ ਪਿਆ।
ਮੀਂਹ ਕਾਰਨ ਭਾਰਤ-ਨਿਊਜ਼ੀਲੈਂਡ ਮੈਚ ਰੱਦ, ਦੋਵੇਂ ਟੀਮਾਂ ਨੂੰ 1-1 ਅੰਕ ਮਿਲਿਆ
ਨਿਊਜ਼ੀਲੈਂਡ ਅੰਕ ਸੂਚੀ ਵਿੱਚ ਪਹਿਲਾ ਤੋਂ ਹੀ ਚੋਟੀ ਸੀ ਅਤੇ ਉਸ ਨੇ ਇਸ ਮੈਚ ਵਿੱਚੋਂ ਮਿਲੇ 1 ਅੰਕ ਨੂੰ ਜੋੜ ਕੇ 7 ਅੰਕਾਂ ਦੇ ਨਾਲ ਚੋਟੀ 'ਤੇ ਆਪਣੀ ਸਥਿਤੀ ਨੂੰ ਮਜ਼ਬੂਤ ਕਰ ਲਿਆ ਹੈ। ਟੀਮ ਇੰਡੀਆ ਵੀ ਇਸ ਟੂਰਨਾਮੈਂਟ ਵਿੱਚ ਹੁਣ ਤੱਕ ਜੇਤੂ ਹੈ ਅਤੇ ਉਸ ਨੂੰ ਮੈਚ ਰੱਦ ਹੋਣ ਨਾਲ 1 ਅੰਕ ਮਿਲਿਆ ਹੈ ਅਤੇ ਉਸ ਨੂੰ 1 ਸਥਾਨ ਦਾ ਫ਼ਾਇਦਾ ਹੋਇਆ ਹੈ। ਹੁਣ ਟੀਮ ਇੰਡੀਆ 5 ਅੰਕਾਂ ਨਾਲ ਤੀਸਰੇ ਸਥਾਨ ਤੇ ਪਹੁੰਚ ਗਈ ਹੈ।
ਇਸ ਟੂਰਨਾਮੈਂਟ ਵਿੱਚ ਭਾਰਤ ਤੇ ਨਿਊਜ਼ੀਲੈਂਡ ਹੀ ਅਜਿਹੀਆਂ ਟੀਮਾਂ ਹਨ ਜਿੰਨ੍ਹਾਂ ਨੇ ਹਾਲੇ ਤੱਕ ਹਾਰ ਦਾ ਸਾਹਮਣਾ ਨਹੀਂ ਕੀਤਾ ਹੈ।