ਯੋਗ ਦੇ ਰਾਹੀਂ ਖੇਡ ਜਗਤ ਦੀਆਂ ਹਸਤੀਆਂ ਨੇ ਤੰਦਰੁਸਤ ਰਹਿਣ ਦਾ ਦਿੱਤਾ ਸੁਨੇਹਾ

ਸਾਬਕਾ ਬੱਲੇਬਾਜ਼ ਵਰਿੰਦਰ ਸਹਿਵਾਗ ਨੇ ਵੀ ਯੋਗ ਕਰਦੇ ਹੋਏ ਇੱਕ ਵੀਡੀਓ ਸਾਂਝੀ ਕੀਤੀ ਹੈ। ਉਨ੍ਹਾਂ ਨੇ ਕੈਪਸ਼ਨ ਵਿੱਚ ਲਿਖਿਆ ਕਿ ਥੋੜਾ ਸਮਾਂ ਜ਼ਰੂਰ ਲੱਗੇਗਾ, ਪਰ ਯੋਗ ਨਾਲ ਹੋ ਹੋਵੇਗਾ।

ਕੋਲਕਾਤਾ: ਮਹਾਨ ਕ੍ਰਿਕਟਰ ਸਚਿਨ ਤੇੰਦੁਲਕਰ ਅਤੇ ਵਿਸ਼ਵ ਬੈਡਮਿੰਟਨ ਚੈਂਪੀਅਨ ਪੀਵੀ ਸਿੰਧੂ ਸਮੇਤ ਕਈ ਭਾਰਤੀ ਖਿਡਾਰੀਆਂ ਨੇ 6ਵੇਂ ਅੰਤਰ-ਰਾਸ਼ਟਰੀ ਯੋਗ ਦਿਵਸ ਦੇ ਮੌਕੇ ਉੱਤੇ ਐਤਵਾਰ ਨੂੰ ਯੋਗ ਦੇ ਮਾਧਿਅਮ ਰਾਹੀਂ ਤੰਦਰੁਸਤ ਰਹਿਣ ਦਾ ਸੰਦੇਸ਼ ਦਿੱਤਾ।

ਸਚਿਨ ਨੇ ਫ਼ਾਦਰਜ਼ ਡੇਅ ਉੱਤੇ ਆਪਣੇ ਬੇਟੇ ਅਰਜੁਨ ਅਤੇ ਬੇਟੀ ਸਾਰਾ ਦੇ ਨਾਲ ਯੋਗ ਕਰਦੇ ਹੋਏ ਸੋਸ਼ਲ ਮੀਡਿਆ ਉੱਤੇ ਇੱਕ ਫ਼ੋਟੋ ਪੋਸਟ ਕੀਤੀ ਹੈ। ਉਨ੍ਹਾਂ ਨੇ ਟਵਿਟਰ ਉੱਤੇ ਲਿਖਿਆ ਹੈ, 'ਇਕੱਠੇ ਯੋਗ ਕਰ ਫ਼ਾਦਰਜ਼ ਡੇਅ ਮਨਾ ਰਹੇ ਹਾਂ'।

ਸਿੰਧੂ ਨੇ ਕਿਹਾ 'ਯੋਗ ਅਗਿਆਤ ਸਮੇਂ ਤੋਂ ਹੀ ਸਾਡਾ ਨਾਲ ਰਿਹਾ ਹੈ ਅਤੇ ਸਭ ਤੋਂ ਮੁੱਖ ਸਿਹਤ ਪ੍ਰਥਾਵਾਂ ਵਿੱਚੋਂ ਇੱਕ ਹੈ। ਇੱਕ ਸਿਹਤਮੰਦ ਜ਼ਿੰਦਗੀ ਦੀ ਸ਼ੁਰੂਆਤ ਕਰੋ ਅਤੇ ਇਸ ਖ਼ੁਸ਼ੀ ਦਾ ਸੰਕਲਪ ਲਵੋ।'

ਸਾਬਕਾ ਸਲਾਮੀ ਬੱਲੇਬਾਜ਼ ਵਰਿੰਦਰ ਸਹਿਵਾਗ ਨੇ ਯੋਗ ਕਰਦੇ ਹੋਏ ਇੱਕ ਵੀਡੀਓ ਸਾਂਝੀ ਕੀਤੀ ਹੈ। ਉਨ੍ਹਾਂ ਨੇ ਕੈਪਸ਼ਨ ਵਿੱਚ ਲਿਖਿਆ ਹੈ 'ਥੋੜਾ ਸਮਾਂ ਜ਼ਰੂਰ ਲੱਗੇਗਾ, ਪਰ ਯੋਗ ਨਾਲ ਹੀ ਹੋਵੇਗਾ।'

ਹਰਭਜਨ ਸਿੰਘ ਨੇ ਕਿਹਾ ਕਿ ਪਤਨੀ ਗੀਤਾ ਬਸਰਾ ਅਤੇ ਬਟੀ ਹਿਨਾਇਆ ਹੀਰ ਦੇ ਨਾਲ ਯੋਗ ਕਰਦੇ ਹੋਏ ਫ਼ੋਟੋ ਸਾਂਝੀ ਕੀਤੀ। ਗੀਤਾ ਨੇ ਇੱਕ ਵੀਡੀਓ ਸਾਂਝੀ ਕੀਤੀ, ਉਨ੍ਹਾਂ ਨੇ ਕਿਹਾ ਯੋਗ ਜੀਵਨ ਹੈ।

ਸਾਬਕਾ ਬੱਲੇਬਾਜ਼ ਵੀਵੀਐੱਸ ਲਕਸ਼ਮਣ ਨੇ ਕਿਹਾ ਕਿ ਯੋਗ ਮੈਟ ਤੋਂ ਪਰ੍ਹੇ ਹੁੰਦਾ ਹੈ। ਕੁੱਝ ਵੀ ਤੁਸੀਂ ਧਿਆਨ ਦੇ ਨਾਲ ਕਰਦੇ ਹੋ ਤਾਂ ਤੁਹਾਨੂੰ ਲੱਗੇਗਾ ਕਿ ਯੋਗ ਕਰ ਰਹੇ ਹਨ।

ਮੁਹੰਮਦ ਕੈਫ਼ ਨੇ ਵੀ ਯੋਗ ਕਰਦੇ ਹੋਏ ਦੀਆਂ ਫ਼ੋਟੋਆਂ ਸਾਂਝੀਆਂ ਕੀਤੀਆਂ ਹਨ। ਉਨ੍ਹਾਂ ਨੇ ਲਿਖਿਆ ਹੈ ਕਿ ਖ਼ੁਦ ਦਾ ਖਿਆਲ ਰੱਖਣ ਨਾਲ ਮੈਨੂੰ ਪਿਆਰ ਹੈ।

ਸ਼੍ਰੇਅਸ ਅਇਅਰ ਨੇ ਪਾਲਤੂ ਕੁੱਤੇ ਦੇ ਨਾਲ ਯੋਗ ਕਰਦੇ ਹੋਏ ਦੀਆਂ ਫ਼ੋਟੋਆਂ ਸਾਂਝੀਆਂ ਕੀਤੀਆਂ ਹਨ। ਉਨ੍ਹਾਂ ਨੇ ਲਿਖਿਆ ਹੈ ਕਿ ਆਪਣੇ ਪਾਰਟਨਰ ਇਨ ਕ੍ਰਾਇਮ ਦੇ ਨਾਲ ਯੋਗ ਅਤੇ ਮਿਊਜ਼ਿਕ ਡੇ ਸੈਲੀਬ੍ਰੇਟ ਕਰਦੇ ਹੋਏ।