ਜਾਣੋ ਕੀ ਹੈ ਰਣਜੀ ਟ੍ਰਾਫ਼ੀ ਦਾ ਗੁਜਰਾਤ ਨਾਲ ਸਬੰਧ

ਲੇਟ ਕੱਟ ਅਤੇ ਲੈਗ ਗਲਾਂਸ ਵਰਗੇ ਸ਼ਾਟਸ ਨੂੰ ਕ੍ਰਿਕਟ ਵਿੱਚ ਲਿਆਉਣ ਵਾਲੇ ਰਣਜੀਤ ਸਿੰਘ ਦਾ ਅੱਜ 147ਵਾਂ ਜਨਮ ਦਿਨ ਹੈ। ਰਣਜੀਤ ਸਿੰਘ ਦੇ ਨਾਂਅ ਉੱਤੇ ਭਾਰਤ ਵਿੱਚ ਘਰੇਲੂ ਕ੍ਰਿਕਟ ਟੂਰਨਾਮੈਂਟ ਰਣਜੀ ਟ੍ਰਾਫ਼ੀ ਖੇਡੀ ਜਾਂਦੀ ਹੈ।

ਹੈਦਰਾਬਾਦ : ਭਾਰਤੀ ਕ੍ਰਿਕਟ ਦੇ ਪਿਤਾਮਾ ਕਹੇ ਜਾਣ ਵਾਲੇ ਰਣਜੀਤ ਸਿੰਘ ਦਾ ਅੱਜ 147ਵਾਂ ਜਨਮ ਦਿਨ ਹੈ। ਜਿਸ ਸਮੇਂ ਰਣਜੀਤ ਨੇ ਕ੍ਰਿਕਟ ਖੇਡਣਾ ਸ਼ੁਰੂ ਕੀਤਾ ਸੀ ਉਦੋਂ ਭਾਰਤ ਕੋਈ ਅੰਤਰ-ਰਾਸ਼ਟਰੀ ਟੀਮ ਨਹੀਂ ਸੀ। ਅੱਜ ਉਨ੍ਹਾਂ ਦੇ ਨਾਂਅ ਉੱਤੇ ਭਾਰਤ ਵਿੱਚ ਘਰੇਲੂ ਕ੍ਰਿਕਟ ਟੂਰਨਾਮੈਂਟ ਰਣਜੀ ਟ੍ਰਾਫ਼ੀ ਖੇਡੀ ਜਾਂਦੀ ਹੈ।

ਉਹ ਭਾਰਤ ਵਿੱਚ ਪੈਦਾ ਹੋਏ ਸੀ ਪਰ ਉਨ੍ਹਾਂ ਨੇ ਇੰਗਲੈਂਡ ਵਿੱਚ ਕ੍ਰਿਕਟ ਖੇਡਿਆ ਸੀ। ਉਨ੍ਹਾਂ ਕੋਲ ਟਾਇਮਿੰਗ ਸੀ, ਗ੍ਰੇਸ ਸੀ ਅਤੇ ਕਮਾਲ ਦੇ ਸ਼ਾਟ ਵੀ ਸਨ। ਇੰਨਾਂ ਹੀ ਖ਼ਾਸ ਖੂਬੀਆਂ ਕਰਾਨ ਉਨ੍ਹਾਂ ਨੂੰ ਪੂਰਬ ਦਾ ਜਾਦੂ ਕਿਹਾ ਜਾਂਦਾ ਸੀ।

ਰਣਜੀ ਦਾ ਜਨਮ 10 ਸਤੰਬਰ 1872 ਨੂੰ ਗੁਜਰਾਤ ਦੇ ਕਾਠਿਆਵਾੜ ਵਿੱਚ ਹੋਇਆ ਸੀ। ਰਣਜੀਤ ਕੋਲ ਸ਼ਾਟ ਦਾ ਭੰਡਾਰ ਸੀ। ਉਹ ਜਿਸ ਤਰ੍ਹਾਂ ਗਲਾਂਸ ਖੇਡਦੇ ਸਨ ਸ਼ਾਇਦ ਹੀ ਕੋਈ ਖਿਡਾਰੀ ਖੇਡ ਸਕਦਾ ਹੈ। ਉਨ੍ਹਾਂ ਦੀ ਤੇਜ਼ ਨਜ਼ਰ ਅਤੇ ਤੇਜ਼ ਰਿਐਕਸ਼ਨ ਟਾਇਮਿੰਗ ਕਾਰ ਰਣਜੀਤ ਕ੍ਰਿਕਟ ਵਿੱਚ ਲੇਟ ਕੱਟ ਅਤੇ ਲੈਗ ਗਲਾਂਸ ਲੈ ਕੇ ਆਏ।

ਜਾਣੋ ਕੀ ਹੈ ਰਣਜੀ ਟ੍ਰਾਫ਼ੀ ਦਾ ਗੁਜਰਾਤ ਨਾਲ ਸਬੰਧ

ਪਹਿਲਾਂ-ਪਹਿਲ ਉਨ੍ਹਾਂ ਦੇ ਬੱਲੇ ਤੋਂ ਹੀ ਬੈਕਫੁੱਟ ਡਿਫੈਂਸ ਨਿਕਲਿਆ। 1891 ਵਿੱਚ ਰਣਜੀ ਇੰਗਲੈਂਡ ਵਿੱਚ ਕੈਂਮਬ੍ਰਿਜ ਯੂਨੀਵਰਸਿਟੀ ਪੜ੍ਹਣ ਗਏ। ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ 1895 ਵਿੱਚ ਉਨ੍ਹਾਂ ਨੇ ਸਸੇਕਸ ਲਈ ਖੇਡਣਾ ਸ਼ੁਰੂ ਕੀਤਾ।

ਲਾਰਡਜ਼ ਉੱਤੇ ਪਹਿਲੇ ਮੈਚ ਵਿੱਚ ਉਨ੍ਹਾਂ ਨੇ ਐੱਮਸੀਸੀ ਵਿਰੁੱਧ 77 ਅਤੇ 150 ਦੌੜਾਂ ਦੀ ਪਾਰੀ ਖੇਡੀ। ਉਨ੍ਹਾਂ ਦੇ ਟੈਸਟ ਕਰਿਅਰ ਦੀ ਸ਼ੁਰੂਆਤ ਹੋਈ।

1896 ਵਿੱਚ ਆਸਟ੍ਰੇਲੀਆ ਵਿਰੁੱਧ ਓਲਡ ਟ੍ਰੈਫ਼ਰਡ ਵਿੱਚ ਉਨ੍ਹਾਂ ਨੇ 62 ਅਤੇ 154 ਨਾਬਾਦ ਦੌੜਾਂ ਦੀ ਪਾਰੀ ਖੇਡੀ ਸੀ। 1895 ਤੋਂ ਲੈ ਕੇ ਉਨ੍ਹਾਂ ਨੇ ਲਗਾਤਾਰ 10 ਸੀਜ਼ਨ ਤੱਕ ਹਰ ਸਾਲ 1000 ਤੋਂ ਜ਼ਿਆਦਾ ਦੌੜਾਂ ਬਣਾਈਆਂ।

1897-98 ਦੇ ਆਸਟ੍ਰੇਲੀਆ ਦੌਰੇ ਉੱਤੇ ਉਨ੍ਹਾਂ ਨੇ 60.89 ਦੀ ਔਸਤ ਨਾਲ 1157 ਦੌੜਾਂ ਬਣਾਈਆਂ। ਫਰਸਟ ਕਲਾਸ ਮੈਚਾਂ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ 307 ਮੈਚਾਂ ਵਿੱਚ 24692 ਦੌੜਾਂ ਬਣਾਈਆਂ। ਸਭ ਤੋਂ ਉੱਚਾ ਸਕੋਰ ਰਿਹਾ 285 ਨਾਬਾਦ ਆਉਟ ਸੀ। ਇਸ ਦੌਰਾਨ ਉਨ੍ਹਾਂ ਨੇ 72 ਸੈਂਕੜੇ ਲਾਏ ਅਤੇ 109 ਵਾਰ ਅਰਧ ਸੈਂਕੜੇ ਲਾਏ।