ਕਰਾਚੀ: ਪਾਕਿਸਤਾਨ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਇੰਜ਼ਾਮਾਮ-ਉਲ-ਹੱਕ ਨੇ ਕਿਹਾ ਕਿ ਹੈ ਜੇਕਰ ਕੋਵਿਡ-19 ਮਹਾਂਮਾਰੀ ਦੇ ਕਾਰਨ ਆਸਟਰੇਲੀਆ 'ਚ ਹੋਣ ਵਾਲੇ ਆਈਸੀਸੀ ਟੀ-20 ਵਿਸ਼ਵ ਕੱਪ ਨੂੰ ਰੱਦ ਕਰਕੇ ਉਸ ਦੀ ਥਾਂ ਇੰਡੀਅਨ ਪ੍ਰੀਮੀਅਰ ਲੀਗ ਦਾ ਆਯੋਜਨ ਕੀਤਾ ਜਾਂਦਾ ਹੈ ਤਾਂ ਸਵਾਲ ਉਠਣਗੇ।
ਪੂਰੀ ਸੰਭਾਵਨਾ ਹੈ ਕਿ ਕੋਰੋਨਾ ਲਾਗ ਕਾਰਨ ਟੀ20 ਵਿਸ਼ਵ ਕੱਪ ਨੂੰ ਰੱਦ ਕੀਤਾ ਜਾਵੇਗਾ। ਆਈਸੀਸੀ ਨੇ ਆਸਟਰੇਲੀਆ 'ਚ 18 ਨਵੰਬਰ ਤੋਂ 15 ਨਵੰਬਰ ਤੱਕ ਹੋਣ ਵਾਲੇ ਟੀ 20 ਵਿਸ਼ਵ ਕੱਪ 'ਤੇ ਕੋਈ ਫੈਸਲਾ ਨਹੀਂ ਦਿੱਤਾ।
ਇੰਜ਼ਾਮਾਮ ਉਲ ਹੱਕ ਨੇ ਐਤਵਾਰ ਨੂੰ ਕਿਹਾ ਕਿ ਇਹ ਮੰਨਿਆ ਜਾ ਰਿਹਾ ਹੈ ਕਿ ਵਿਸ਼ਵ ਕੱਪ ਦੀ ਤਰੀਕਾਂ ਇੰਡੀਅਨ ਪ੍ਰੀਮੀਅਰ ਲੀਗ ਤੇ ਭਾਰਤ ਆਸਟਰੇਲੀਆ ਸੀਰੀਜ਼ ਨਾਲ ਮਿਲ ਰਹੀਆਂ ਹਨ। ਇਸ ਲਈ ਟੀ20 ਦਾ ਆਯੋਜਨ ਨਹੀਂ ਹੋਵੇਗਾ।
ਉਨ੍ਹਾਂ ਕਿਹਾ, “ਭਾਰਤੀ ਬੋਰਡ ਮਜ਼ਬੂਤ ਹੈ ਅਤੇ ਆਈਸੀਸੀ ਵਿੱਚ ਉਸ ਦਾ ਕੰਟਰੋਲ ਹੈ। ਜੇ ਆਸਟਰੇਲੀਆ ਕਹਿੰਦਾ ਹੈ ਕਿ ਅਸੀਂ ਕੋਵਿਡ -19 ਮਹਾਂਮਾਰੀ ਦੇ ਕਾਰਨ ਵਿਸ਼ਵ ਕੱਪ ਦਾ ਆਯੋਜਨ ਨਹੀਂ ਕਰ ਸਕਦੇ ਤਾਂ ਉਨ੍ਹਾਂ ਦੇ ਇਸ ਐਲਾਨ ਨੂੰ ਸਰਲਤਾ ਨਾਲ ਸਵੀਕਾਰਿਆ ਜਾਵੇਗਾ ਪਰ ਜੇ ਇਸ ਸਮੇਂ ਕੋਈ ਹੋਰ ਮੁਕਾਬਲਾ ਹੁੰਦਾ ਹੈ ਤਾਂ ਪ੍ਰਸ਼ਨ ਉੱਠਣਗੇ।
ਪਾਕਿਸਤਾਨ ਦੇ ਸਾਬਕਾ ਕੋਚ ਨੇ ਇਹ ਮੰਨਿਆ ਹੈ ਕਿ ਟੀ-20 ਵਿਸ਼ਵ ਕੱਪ ਦੌਰਾਨ 16 ਟੀਮਾਂ ਦੀ ਮੇਜ਼ਬਾਨੀ ਕਰਨਾ ਸੌਖਾ ਨਹੀਂ ਹੋਵੇਗਾ। ਇੰਜਾਮਾਮ ਨੇ ਕਿਹਾ, “ਆਸਟਰੇਲੀਆ ਕਹਿ ਸਕਦਾ ਹੈ ਕਿ ਇਸ ਵੱਡੇ ਮੁਕਾਬਲੇ ਲਈ 18 ਟੀਮਾਂ (16 ਟੀਮਾਂ) ਦੀ ਮੇਜ਼ਬਾਨੀ ਕਰਨਾ ਮੁਸ਼ਕਲ ਹੋਵੇਗਾ ਕਿਉਂਕਿ ਇਹ ਆਸਾਨ ਨਹੀਂ ਹੋਵੇਗਾ। ਇਸੇ ਤਰ੍ਹਾਂ ਪਾਕਿਸਤਾਨ ਦੀ ਟੀਮ ਇੰਗਲੈਂਡ ਦੇ ਹੋਟਲ ਵਿੱਚ ਹੈ ਅਤੇ ਉੱਥੇ ਸਾਰੀਆਂ ਸਹੂਲਤਾਂ ਦਿੱਤੀਆਂ ਜਾ ਰਹੀਆਂ ਹਨ। ਇਸ ਲਈ 18 ਟੀਮਾਂ (16 ਟੀਮਾਂ) ਦਾ ਹੋਣਾ ਸੌਖਾ ਨਹੀਂ ਹੋਵੇਗਾ।”
ਇਹ ਵੀ ਪੜ੍ਹੋ:4 ਮਹੀਨੇ ਬਾਅਦ ਹੁਣ ਸ਼ਨਿੱਚਰਵਾਰ ਨੂੰ ਮੁੜ ਸ਼ੁਰੂ ਹੋਈ ਫੁੱਟਬਾਲ ਲੀਗ
