ਹੈਦਰਾਬਾਦ: ਚੇਨੱਈ ਸੁਪਰ ਕਿੰਗਜ਼ ਦੇ ਪ੍ਰਸ਼ੰਸਕਾਂ ਲਈ ਕੋਈ ਚੰਗੀ ਖ਼ਬਰ ਨਹੀਂ ਹੈ। ਖੱਬੇ ਹੱਥ ਦੇ ਬੱਲੇਬਾਜ਼ ਸੁਰੇਸ਼ ਰੈਨਾ ਨਿੱਜੀ ਕਾਰਨਾਂ ਕਰ ਕੇ ਯੂਏਈ ਤੋਂ ਭਾਰਤ ਪਰਤ ਆਏ ਹਨ।
ਸੀਈਓ ਕੇ.ਐਸ ਵਿਸ਼ਵਨਾਥਨ ਦੇ ਹਵਾਲੇ ਨਾਲ ਚੇਨੱਈ ਸੁਪਰ ਕਿੰਗਜ਼ ਨੇ ਲਿਖਿਆ ਹੈ ਕਿ ਸੁਰੇਸ਼ ਰੈਨਾ ਨਿੱਜੀ ਕਾਰਨਾਂ ਕਰ ਕੇ ਭਾਰਤ ਵਾਪਸ ਆ ਗਏ ਹਨ ਅਤੇ ਆਈਪੀਐਲ ਦੇ ਬਾਕੀ ਸੀਜ਼ਨ ਲਈ ਨਹੀਂ ਖੇਡਣਗੇ। ਚੇਨੱਈ ਸੁਪਰ ਕਿੰਗਜ਼ ਇਸ ਸਮੇਂ ਸੁਰੇਸ਼ ਤੇ ਉਸਦੇ ਪਰਿਵਾਰ ਦਾ ਪੂਰਾ ਸਾਥ ਦੇ ਰਹੀ ਹੈ।
ਇਸ ਤੋਂ ਪਹਿਲਾਂ, ਇੱਕ ਮੀਡੀਆ ਰਿਪੋਰਟ ਦੇ ਅਨੁਸਾਰ, ਚੇਨੱਈ ਸੁਪਰ ਕਿੰਗਜ਼ ਕੈਂਪ ਵਿੱਚ 12 ਮੈਂਬਰਾਂ ਦੇ ਕੋਵਿਡ ਸਕਾਰਾਤਮਕ ਨਿਕਲ ਆਉਣ ਤੋਂ ਬਾਅਦ ਆਈਪੀਐਲ ਦੇ ਕਾਰਜਕਾਲ ਲਈ ਥੋੜਾ ਹੋਰ ਇੰਤਜ਼ਾਰ ਕਰਨਾ ਪਵੇਗਾ।
ਦੱਸ ਦੇਈਏ ਕਿ ਚੇਨੱਈ ਸੁਪਰਕਿੰਗਜ਼ ਨੇ ਦੁਬਈ ਪਹੁੰਚਣ ਤੋਂ ਪਹਿਲਾਂ ਚੇਨੱਈ ਵਿੱਚ ਆਪਣਾ ਕੈਂਪ ਲਗਾਇਆ ਸੀ, ਜਿਸ ਬਾਰੇ ਬੀਸੀਸੀਆਈ ਨੇ ਆਪਣੀ ਚਿੰਤਾ ਜ਼ਾਹਰ ਕੀਤੀ ਸੀ, ਕੁਝ ਅਧਿਕਾਰੀਆਂ ਨੇ ਸੀਐਸਕੇ ਮੈਨੇਜਮੈਂਟ ਨਾਲ ਵੀ ਸੰਪਰਕ ਕੀਤਾ ਹੈ ਅਤੇ ਇਸ ਨੂੰ ਰੱਦ ਕਰਨ ਲਈ ਕਿਹਾ ਸੀ।
ਦੱਸ ਦੇਈਏ ਕਿ ਸੀਐਸਕੇ 29 ਅਗਸਤ ਤੋਂ ਦੁਬਈ ਵਿੱਚ ਸਿਖਲਾਈ ਕੈਂਪ ਸ਼ੁਰੂ ਕਰਨ ਜਾ ਰਹੀ ਸੀ ਪਰ ਹੁਣ ਉਨ੍ਹਾਂ ਦੇ ਕੁਆਰੰਟੀਨ ਦਾ ਸਮਾਂ ਵਧਾ ਦਿੱਤਾ ਗਿਆ ਹੈ। ਹਾਲਾਂਕਿ ਇਹ ਕਿਹਾ ਜਾ ਰਿਹਾ ਹੈ ਕਿ ਕੋਰੋਨਾ ਵਿਸਫੋਟ ਕਾਰਨ ਚੇਨੱਈ ਕੈਂਪ ਵਿੱਚ ਜੋ ਹੱਲਚਲ ਮਚੀ ਹੈ, ਉਸ ਨਾਲ ਆਈਪੀਐਲ ਦੇ ਆਯੋਜਨ ਵਿੱਚ ਕੋਈ ਦਿੱਕਤ ਨਹੀਂ ਆਵੇਗੀ ਪਰ ਸ਼ੈਡਿਊਲ ਆਉਣ ਵਿੱਚ ਹੋਰ ਦੇਰੀ ਹੋਵੇਗੀ।