ਸ਼ਾਸਤਰੀ ਨੇ ਕੋਹਲੀ ਨੂੰ ਚਿੱਟੀ ਗੇਂਦ ਦੀ ਕਪਤਾਨੀ ਛੱਡਣ ਦਾ ਦਿੱਤਾ ਸੀ ਸੁਝਾਅ: ਰਿਪੋਰਟ

ਭਾਰਤੀ ਟੀਮ ਦੇ ਮੁੱਖ ਕੋਚ ਰਵੀ ਸ਼ਾਸਤਰੀ ਨੇ ਵਿਰਾਟ ਕੋਹਲੀ ਨੂੰ ਚਿੱਟੀ ਗੇਂਦ ਦੀ ਕਪਤਾਨੀ ਛੱਡਣ ਲਈ ਕਿਹਾ ਸੀ। ਉਨ੍ਹਾਂ ਦਾ ਮੰਨਣਾ ਸੀ ਕਿ ਇਸ ਨਾਲ ਉਹ ਵਿਸ਼ਵ ਦੇ ਚੋਟੀ ਦੇ ਬੱਲੇਬਾਜ਼ ਬਣੇ ਰਹਿਣਗੇ। ਫਿਲਹਾਲ ਇੱਕ ਰਿਪੋਰਟ ਦੇ ਅਨੁਸਾਰ ਇਹ ਗੱਲਾਂ ਕਹੀਆਂ ਜਾ ਰਹੀਆਂ ਹਨ।

ਨਵੀਂ ਦਿੱਲੀ: ਇੱਕ ਰਿਪੋਰਟ ਦੇ ਅਨੁਸਾਰ, ਭਾਰਤੀ ਟੀਮ ਦੇ ਮੁੱਖ ਕੋਚ ਰਵੀ ਸ਼ਾਸਤਰੀ ਨੇ ਵਿਰਾਟ ਕੋਹਲੀ ਨੂੰ ਸੁਝਾਅ ਦਿੱਤਾ ਸੀ ਕਿ ਉਹ ਚਿੱਟੀ ਗੇਂਦ ਅਤੇ ਇੱਥੋਂ ਤੱਕ ਕਿ ਵਨਡੇ ਦੀ ਕਪਤਾਨੀ ਛੱਡ ਦੇਵੇ ਅਤੇ ਬੱਲੇਬਾਜ਼ੀ ਉੱਤੇ ਧਿਆਨ ਦੇਵੇ।

ਰਿਪੋਰਟ ਅਨੁਸਾਰ ਉਨ੍ਹਾਂ ਨੇ ਟੈਸਟ ਕ੍ਰਿਕਟ ਦੀ ਕਪਤਾਨੀ ਜਾਰੀ ਰੱਖਣ ਲਈ ਕਿਹਾ। ਇੰਡੀਆ ਅਹੇਡ ਦੇ ਅਨੁਸਾਰ, ਕੋਚ ਦੁਆਰਾ ਇਹ ਸੁਝਾਅ ਕੋਹਲੀ ਨੂੰ ਪ੍ਰੇਰਿਤ ਕਰਨ ਲਈ ਦਿੱਤਾ ਗਿਆ ਸੀ, ਤਾਂ ਜੋ ਉਹ ਵਿਸ਼ਵ ਦੇ ਚੋਟੀ ਦੇ ਬੱਲੇਬਾਜ਼ ਬਣੇ ਰਹਿਣ।

ਬੀਸੀਸੀਆਈ ਦੇ ਇੱਕ ਅਧਿਕਾਰੀ ਨੇ ਕਿਹਾ, ਕੋਹਲੀ ਦੀ ਕਪਤਾਨੀ ਬਾਰੇ ਚਰਚਾ ਉਦੋਂ ਸ਼ੁਰੂ ਹੋਈ ਜਦੋਂ ਭਾਰਤ ਨੇ ਉਨ੍ਹਾਂ ਦੇ ਨਿਯਮਤ ਕਪਤਾਨ ਤੋਂ ਬਿਨਾਂ ਆਸਟਰੇਲੀਆ ਵਿੱਚ ਸੀਰੀਜ਼ ਜਿੱਤੀ। ਹੁਣ ਇਹ ਵੀ ਸੰਕੇਤ ਦਿੰਦਾ ਹੈ ਕਿ ਕੋਹਲੀ ਨੂੰ 2023 ਤੋਂ ਪਹਿਲਾਂ ਕਿਸੇ ਸਮੇਂ ਵਨਡੇ ਦੀ ਕਪਤਾਨੀ ਛੱਡਣੀ ਪੈ ਸਕਦੀ ਹੈ। ਜੇਕਰ ਚੀਜ਼ਾਂ ਯੋਜਨਾ ਅਨੁਸਾਰ ਨਹੀਂ ਚੱਲਦੀਆਂ ਹਨ।

ਉਨ੍ਹਾਂ ਕਿਹਾ ਕਿ, ਸ਼ਾਸਤਰੀ ਨੇ ਕੋਹਲੀ ਨਾਲ ਕਰੀਬ ਛੇ ਮਹੀਨੇ ਪਹਿਲਾਂ ਗੱਲ ਕੀਤੀ ਸੀ। ਪਰ ਕੋਹਲੀ ਨੇ ਸ਼ਾਸਤਰੀ ਦੀ ਗੱਲ ਨਹੀਂ ਸੁਣੀ। ਉਹ ਅਜੇ ਵੀ ਵਨਡੇ ਵਿੱਚ ਭਾਰਤ ਦੀ ਅਗਵਾਈ ਕਰਨ ਦੇ ਚਾਹਵਾਨ ਹਨ।

ਇਸ ਲਈ ਉਨ੍ਹਾਂ ਨੇ ਸਿਰਫ ਟੀ-20 ਤੋਂ ਹੀ ਕਪਤਾਨੀ ਛੱਡਣ ਦਾ ਫੈਸਲਾ ਕੀਤਾ। ਇਥੋਂ ਤਕ ਕਿ ਬੋਰਡ ਇਸ ਗੱਲ 'ਤੇ ਵੀ ਚਰਚਾ ਕਰ ਰਿਹਾ ਸੀ ਕਿ ਕੋਹਲੀ ਨੂੰ ਬੱਲੇਬਾਜ਼ ਵਜੋਂ ਕਿਵੇਂ ਵਰਤਿਆ ਜਾ ਸਕਦਾ ਹੈ। ਇਹ ਇਸ ਲਈ ਹੈ ਕਿਉਂਕਿ ਉਸ ਕੋਲ ਅਜੇ ਵੀ ਇੱਕ ਖਿਡਾਰੀ ਵਜੋਂ ਬਹੁਤ ਕੁਝ ਬਾਕੀ ਹੈ।