ਅਹਿਮਦਾਬਾਦ: ਆਸਟ੍ਰੇਲੀਆ ਨੇ ਭਾਰਤ ਨੂੰ ਹਰਾ ਕੇ ਛੇਵੀਂ ਵਾਰ ਵਨਡੇ ਵਿਸ਼ਵ ਕੱਪ ਦਾ ਖਿਤਾਬ ਜਿੱਤ ਲਿਆ ਹੈ। ਆਸਟ੍ਰੇਲੀਆਈ ਖਿਡਾਰੀਆਂ ਨੇ ਇਸ ਯਾਦਗਾਰ ਜਿੱਤ ਨੂੰ 'ਅਵਿਸ਼ਵਾਸ਼ਯੋਗ' ਅਤੇ 'ਅਦਭੁਤ ਅਹਿਸਾਸ' ਦੱਸਿਆ, ਜਦਕਿ ਤੇਜ਼ ਗੇਂਦਬਾਜ਼ ਜੋਸ਼ ਹੇਜ਼ਲਵੁੱਡ ਨੇ ਇਸ ਨੂੰ 2015 'ਚ ਆਪਣੀ ਜਿੱਤ ਤੋਂ ਵੱਡੀ ਪ੍ਰਾਪਤੀ ਦੱਸਿਆ। ਆਸਟ੍ਰੇਲੀਆ ਨੇ ਭਾਰਤ ਦੀਆਂ 240 ਦੌੜਾਂ ਦੇ ਜਵਾਬ 'ਚ ਟ੍ਰੈਵਿਸ ਹੈੱਡ ਦੇ ਸੈਂਕੜੇ ਦੇ ਦਮ 'ਤੇ ਵਨਡੇ ਕ੍ਰਿਕਟ ਦੇ ਇਤਿਹਾਸ 'ਚ ਛੇਵੀਂ ਵਾਰ ਟਰਾਫੀ 'ਤੇ ਕਬਜ਼ਾ ਕੀਤਾ।
ਟ੍ਰੈਵਿਸ ਹੈੱਡ ਨੇ ਇਸ ਜਿੱਤ ਨੂੰ ਦੱਸਿਆ ਅਹਿਮ ਦਿਨ:ਆਸਟ੍ਰੇਲੀਆ ਨੇ ਆਪਣੇ ਪਹਿਲੇ ਦੋ ਮੈਚ ਹਾਰਨ ਤੋਂ ਬਾਅਦ ਵਾਪਸੀ ਕੀਤੀ ਅਤੇ ਖਿਤਾਬ ਜਿੱਤ ਲਿਆ। ਆਸਟਰੇਲੀਆ ਨੂੰ ਖਿਤਾਬ ਜਿੱਤਣ ਵਿੱਚ ਮਦਦ ਕਰਨ ਵਾਲੇ ਮਾਰਨਸ ਲਾਬੂਸ਼ੇਨ ਨੇ ਕਿਹਾ, ‘ਇਹ ਹੁਣ ਤੱਕ ਦੀ ਸਭ ਤੋਂ ਵਧੀਆ ਪ੍ਰਾਪਤੀ ਹੈ ਜਿਸ ਦਾ ਉਹ ਹਿੱਸਾ ਰਿਹਾ ਹੈ।’ ਦੋਹਰਾ ਸੈਂਕੜਾ ਲਗਾਉਣ ਵਾਲੇ ਗਲੇਨ ਮੈਕਸਵੈੱਲ ਨੇ ਆਸਟਰੇਲੀਆ ਨੂੰ ਭਾਰਤ ਖ਼ਿਲਾਫ਼ ਜਿੱਤ ਦਿਵਾਈ ਅਤੇ ਸੈਮੀ ਵਿੱਚ ਥਾਂ ਬਣਾਈ।
ਆਸਟ੍ਰੇਲੀਆਈ ਖਿਡਾਰੀਆਂ ਜਿੱਤੇ ਦੀ ਖੁਸ਼ੀ ਕੀਤੀ ਸਾਂਝੀ, ਕਿਹਾ 'ਛੇਵੀਂ ਵਾਰ ਵਿਸ਼ਵ ਕੱਪ ਜਿੱਤਣਾ ਇੱਕ ਸ਼ਾਨਦਾਰ ਅਹਿਸਾਸ'
ਅਵਿਸ਼ਵਾਸ਼ਯੋਗ ਪ੍ਰਦਰਸ਼ਨ :ਇਸ ਦੇ ਨਾਲ ਹੀ ਤੇਜ਼ ਗੇਂਦਬਾਜ਼ ਹੇਜ਼ਲਵੁੱਡ ਨੇ ਕਿਹਾ ਕਿ ਇਹ ਜਿੱਤ 2015 ਵਿਸ਼ਵ ਕੱਪ 'ਚ ਉਨ੍ਹਾਂ ਦੀ ਜਿੱਤ ਤੋਂ ਵੱਡੀ ਹੈ। ਹੇਜ਼ਲਵੁੱਡ ਨੇ ਕਿਹਾ, 'ਮੈਨੂੰ ਲੱਗਦਾ ਹੈ ਕਿ ਇਹ (2015 ਵਿਸ਼ਵ ਕੱਪ ਜਿੱਤ) ਤੋਂ ਵੀ ਵੱਡਾ ਹੈ। 'ਉਹ ਵੀ ਆਪਣੀ ਟੀਮ ਦੀ ਜਿੱਤ ਤੋਂ ਕਾਫੀ ਖੁਸ਼ ਨਜ਼ਰ ਆ ਰਹੇ ਸਨ। ਸਟੀਵ ਸਮਿਥ ਨੇ ਇਸ ਨੂੰ ਅਵਿਸ਼ਵਾਸ਼ਯੋਗ ਪ੍ਰਦਰਸ਼ਨ ਕਿਹਾ। ਉਸ ਨੇ ਕਿਹਾ, 'ਇਹ ਅਵਿਸ਼ਵਾਸ਼ਯੋਗ ਹੈ ਅਤੇ ਹਾਂ, ਇਹ ਸ਼ਾਨਦਾਰ ਪ੍ਰਦਰਸ਼ਨ ਸੀ। ਗੇਂਦਬਾਜ਼ਾਂ ਨੇ ਇੱਕ ਮਾਹੌਲ ਤਿਆਰ ਕੀਤਾ ਤੇ ਵਾਰੀ ਆਉਣ 'ਤੇ ਫੀਲਡਿੰਗ ਬਹੁਤ ਵਧੀਆ ਕੀਤੀ । ਖੇਡ ਨੂੰ ਅੱਗੇ ਵਧਾਇਆ ਅਤੇ ਆਪਣੀ ਤਾਕਤ ਦੇ ਹਿਸਾਬ ਨਾਲ ਖੇਡਦੇ ਰਹੇ। ਇਹ ਸਾਡੇ ਲਈ ਇੱਕ ਚੰਗੀ ਸ਼ੁਰੂਆਤ ਨਹੀਂ ਸੀ, ਪਰ ਸਾਨੂੰ ਆਪਣੇ ਆਪ ਵਿੱਚ ਵਿਸ਼ਵਾਸ ਸੀ। ਕਿ ਅਸੀਂ ਜੋ ਮਿਹਨਤ ਕੀਤੀ ਹੈ ਉਸ ਨੂੰ ਰੰਗ ਲੱਗੇਗਾ।
'ਮੈਚ 'ਚ ਥੋੜ੍ਹਾ ਘਬਰਾ ਗਿਆ ਸੀ':ਫਾਈਨਲ 'ਚ ਸੈਂਕੜਾ ਲਗਾ ਕੇ 'ਪਲੇਅਰ ਆਫ ਦਿ ਮੈਚ' ਬਣੇ ਟ੍ਰੈਵਿਸ ਹੈੱਡ (137 ਦੌੜਾਂ) ਨੇ ਕਿਹਾ, ਇਹ ਇੱਕ ਸ਼ਾਨਦਾਰ ਦਿਨ ਸੀ, ਮੈਂ ਇਸ ਦਾ ਹਿੱਸਾ ਬਣ ਕੇ ਬਹੁਤ ਖੁਸ਼ੀ ਮਹਿਸੂਸ ਕਰ ਰਿਹਾ ਹਾਂ।' ਉਹਨਾਂ ਕਿਹਾ ਕਿ ਮੈਂ ਥੋੜ੍ਹਾ ਘਬਰਾਇਆ ਹੋਇਆ ਸੀ, ਪਰ ਮਾਰਨਸ ਲੈਬੁਸ਼ਗਨ ਨੇ ਬਹੁਤ ਸ਼ਾਨਦਾਰ ਖੇਡਿਆ ਅਤੇ ਉਸ ਨੇ ਸਾਰੇ ਦਬਾਅ ਨੂੰ ਦੂਰ ਕਰ ਦਿੱਤਾ। ਟ੍ਰੈਵਿਸ ਹੈੱਡ ਵਿਸ਼ਵ ਕੱਪ ਤੋਂ ਪਹਿਲਾਂ ਜ਼ਖਮੀ ਹੋ ਗਿਆ ਸੀ। ਪਰ ਉਹਨਾਂ ਨੇ ਟਾਸ ਜਿੱਤਣ ਤੋਂ ਬਾਅਦ ਗੇਂਦਬਾਜ਼ੀ ਕਰਨ ਦੇ ਕਪਤਾਨ ਪੈਟ ਕਮਿੰਸ ਦੇ ਫੈਸਲੇ ਦੀ ਤਾਰੀਫ ਕਰਦੇ ਹੋਏ ਕਿਹਾ, ''ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਸ਼ਾਨਦਾਰ ਸੀ ਅਤੇ ਜਿਵੇਂ-ਜਿਵੇਂ ਮੈਚ ਅੱਗੇ ਵਧਿਆ ਅਤੇ ਵਿਕਟ ਬਿਹਤਰ ਹੋ ਗਈ, ਆਸਟ੍ਰੇਲੀਆਈ ਬੱਲੇਬਾਜ਼ਾਂ ਨੂੰ ਇਸ ਦਾ ਫਾਇਦਾ ਹੋਇਆ।
